Վաչե Պետրոսյան

Վաչե Պետրոսյան;
Ծնվել է	մայիսի 26, 1951
Ծննդավայր	Երևան, Հայկական ԽՍՀ, ԽՍՀՄ
Մահացել է	նոյեմբերի 27, 2014 (63 տարեկան)
Քաղաքացիություն	ԽՍՀՄ և Հայաստան
Կրթություն	Հայկական պետական մանկավարժական համալսարան (1975)
Մասնագիտություն	գրող, քանդակագործ և նկարիչ
Աշխատավայր	Հայաստանի ազգագրության թանգարան, Հայաստանի Հանրային Հեռուստաընկերություն, Գրական թերթ և Խոսրովի անտառ արգելոց
Անդամություն	Հայաստանի նկարիչների միություն
	Վաչե Պետրոսյան Վիքիքաղվածքում

Վիքիպեդիայում կան հոդվածներ Պետրոսյան ազգանունով այլ մարդկանց մասին։

Վաչե Պետրոսյան (մայիսի 26, 1951(1951-05-26), Երևան, Հայկական ԽՍՀ, ԽՍՀՄ - նոյեմբերի 27, 2014(2014-11-27)), հայ քանդակագործ, նկարիչ, խաչքարագործ, գրող։

Կենսագրություն[խմբագրել | խմբագրել կոդը]

1975 թվականին ավարտել է Երևանի Խաչատուր Աբովյանի անվան մանկավարժական ինստիտուտի գեղագիտության ֆակուլտետը։ 1995 թվականից եղել է Հայաստանի նկարիչների միության և նկարիչների համաշխարհային ասոցիացիայի անդամ։ Մասնակցել է ցուցահանդեսների Հայաստանի Հանրապետությունում և արտերկրում։ Ունի խաչքարի ծագումնաբանությանը նվիրված ուսումնասիրություններ։

Աշխատել է Սարդարապատի ազգագրության թանգարանում, Հայաստանի պետական հեռուստաընկերությունում, «Գրական թերթում», Խոսրովի արգելոցում, ՀՀ ՆԳ և պաշտպանության համակարգում։ Մասնակցել է Հայաստանի Հանրապետության սահմանների պաշտպանության ռազմական գործողություններին, ունեցել է փոխգնդապետի զինվորական կոչում^[1]։

Հուշակոթող-խաչքարեր է տեղադրել ՀՀ-ում և արտերկրում՝

1990 Հուշակոթող 1988 թվականի Սպիտակի երկրաշարժի զոհերի հիշատակին, Վիեննա
1995 Ալեքսանդր Մանթաշովին նվիրված հուշակոթող, Թբիլիսի
1998 «Թուխ Մանուկ» (Մատուռ Երևանի «Մուրացան» մանկական հիվանդանոցի այգում)
2000 Լիոն
2003 Լեզօլիվ, Մարսել
2008-1921 թվականների բոլշևիկների կողմից կացնահարված հայ մտավորականների հուշարձան, Երևան
2008 մարտի 1-2-ի զոհերի հիշատակին (Անգլիական այգի) նվիրված կոթող
2009 Հայոց Մեծ Եղեռնի զոհերի հիշատակի կոթող, Սոֆիա

Հրապարակել է բանաստեղծությունների երկու ժողովածու՝ «Դառը խավիծ»^[2], «Թուջե մառախուղ»^[3]։