Վաչագան Հովհաննիսյան

Անվան այլ կիրառումների համար տե՛ս՝ Վաչագան Հովհաննիսյան (այլ կիրառումներ)

Վաչագան Արտաշեսի Հովհաննիսյան
Ծնվել է	1929, մայիսի 13 գ․ Մուլքի
Մահացել է	20՞՞ Երևան
Քաղաքացիություն	Հայաստան
Մասնագիտություն	մաթեմատիկա
Ալմա մատեր	Խաչատուր Աբովյանի անվան հայկական պետական մանկավարժական ինստիտուտ
Գիտական աստիճան	պրոֆեսոր
Տիրապետում է լեզուներին	հայերեն և ռուսերեն
Ինչով է հայտնի	մաթեմատիկայի դասավանդման մեթոդիկա

Վաչագան Արտաշեսի Հովհաննիսյան (1929, մայիսի 13, գ․ Մուլքի, Արագածոտնի մարզում - 20՞՞, Երևան], մաթեմատիկայի դասավանդման մեթոդիկայի բնագավառի գիտնական։ Մանկավարժական գիտությունների դոկտոր (1986), պրոֆեսոր (1988)։

Կենսագրություն

Ավարտել է Խաչատուր Աբովյանի անվան հայկական պետական մանկավարժական ինստիտուտը (1954)։ 1969-1972 թվականներին և 1994 թվականից՝ նույն ինստիտուտի մաթեմատիկայի և տարրական ուսուցման, 1972-1974 թվականներին՝ մաթեմատիկայի և նրա դասավանդման, 1980-1988 թվականներին՝ մաթեմատիկայի դասավանդման մեթոդիկայի ամբիոնի վարիչ, 1988-1990 թվականներին՝ նաև ֆիզմաթ ֆակուլտետի դեկան։ 1990-1994 թվականներին՝ ուսումնական աշխատանքների գծով պրոռեկտոր։

Աշխատանքները վերաբերում են մաթեմատիկայի դպրոցական ուսուցման բովանդակության ընտրության չափանիշների և սկզբունքների համակարգին։ Մեծ ավանդ ունի մաթեմատիկայի դասագրքերի ստեղծման գործում։ Դպրոցական բազմաթիվ դասագրքերի հեղինակ և համահեղինակ է։

ՀՀ մանկավարժական (1997) և մանկավարժական կրթության միջազգային (1998) ակադեմիաների անդամ։

Երկեր

• Принципы отбора основного содержания обучения математики в средней школе, Е․, 1984․

Ծանոթագրություններ

Այս հոդվածի նախնական տարբերակը կամ նրա մասը վերցված է Հայկական համառոտ հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։