Վանո Սարաջիշվիլի

Վանո Սարաջիշվիլի
Բնօրինակ անուն	վրաց.՝ ივანე პეტრეს ძე სარაჯიშვილი
Ի ծնե անուն	վրաց.՝ ვანო სარაჯიშვილი
Ծնվել է	մայիսի 1 (13), 1879; Սիղնաղի շրջան, Կախեթի մարզ, Վրաստան
Երկիր	Ռուսական կայսրություն
Մահացել է	նոյեմբերի 11, 1924 (45 տարեկան); Սիղնաղ, Սիղնաղի գավառ, Ռուսական կայսրություն
Մասնագիտություն	երգիչ և օպերային երգիչ
Երգչաձայն	տենոր
Գործիքներ	վոկալ
Պարգևներ	Վրացական ԽՍՀ ժողովրդական արտիստ
	Vano Sarajishvili Վիքիպահեստում

Վանո Սարաջիշվիլի (վրաց.՝ ივანე (ვანო) პეტრეს ძე სარაჯიშვილი, մայիսի 1 (13), 1879, Սիղնաղի շրջան, Կախեթի մարզ, Վրաստան - նոյեմբերի 11, 1924(1924-11-11), Սիղնաղ, Սիղնաղի գավառ, Ռուսական կայսրություն), խորհրդային երգիչ (քնարա-դրամատիկական տենոր)։ Վրաստանի ԽՍՀՄ ժողովրդական արտիստ (1923)։

Կենսագրություն[խմբագրել | խմբագրել կոդը]

1898 թվականից սովորել է Թիֆլիսի երաժշտական ուսումնարանում (թավջութակ)։ 1903 թվականից երգեցողության դասեր է առել Պետերբուրգում, 1906-1908 թվականներին՝ կատարելագործվել Իտալիայում։ 1907 թվականից հանդես է եկել Թիֆլիսի, Պետերբուրգի, Սարատովի, Բաքվի և այլ թատրոններում։ Օժտված է եղել վոկալ և բեմական մեծ ձիրքով։ Դերերգերից են՝ Շոթա (Արաղիշվիլու «Ասք Շոթա Ռուսթավելու մասին»), Մալխազ (Փալիաշվիլու «Դաիսի»), Լենսկի, Գերման (Չայկովսկու «Եվգենի Օնեգին», «Պիկովայա դամա»), Հերցոգ, Ալֆրեդ (Վերդիի «Ռիգոլետտո», «Տրավիատա»), Իյոզե (Բիզեի «Կարմեն») և այլն։ Սարաջիշվիլի անունով է կոչվում Թբիլիսիի կոնսերվատորիան (1947 թվականից)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 213)։