Վանեսա Մեյ

Վանեսա Մեյ Վանակորն Նիկոլսոն
Հիմնական տվյալներ
Բնօրինակ անուն	անգլ.՝ Vanessa-Mae Vanakorn Nicholson չինարեն՝ 陳美, Chén Měi
Ծնվել է	հոկտեմբերի 27, 1978(1978-10-27) (46 տարեկան) Սինգապուր
Երկիր	Թաիլանդ,  Միացյալ Թագավորություն և  Սինգապուր
Ժանրեր	փոփ-երաժշտություն, դասական երաժշտություն, տեխնո
Մասնագիտություն	ջութակահարուհի, լեռնադահուկորդ և կոմպոզիտոր
Գործիքներ	Pop, Lock & Drop It?
Լեյբլ	Sony BMG, Virgin Records, EMI
Կրթություն	Ֆրենսիս Հոլանդի դպրոց, Երաժշտության թագավորական քոլեջ և Central Conservatory of Music?
Կայք	vanessa-mae.com vanessamae.com
Vanessa-Mae Վիքիպահեստում

Վանեսա Մեյ Վանակորն Նիկոլսոն (անգլ.՝ Vanessa-Mae Vanakorn Nicholson; չինարեն՝ 陳美, Chén Měi, հոկտեմբերի 27, 1978(1978-10-27), Սինգապուր), բրիտանացի ջութակահարուհի, կոմպոզիտոր, լեռնադահուկորդ, երգչուհի։ Հիմնականում հայտնի է դասական երաժշտության տեխնո-գործիքավորմամբ։ Կատարման ոճը՝ «ջութակի տեխնոակուստիկ ֆյուժն» (անգլ.՝ violin techno-acoustic fusion), կամ «էստրադային ջութակ»։

Կենսագրություն

Վանեսա Մեյի մայրը չինուհի է, հայրը՝ թայվանցի։ Երբ Վանեսան 4 տարեկան էր, նրա ծնողները բաժանվել են, և մայրը տարել է նրան Մեծ Բրիտանիա։ Տեղափոխվելուց հետո նրա մայրն ամուսնացել է անգլիացի փաստաբան Գրեմ Նիկոլսոնի (անգլ.՝ Graham Nicholson) հետ։

Երաժշտությամբ զբաղվել նա սկսել է 3 տարեկանից, բայց այդ ժամանակ նրա գլխավոր երաժշտական գործիքը եղել է դաշնամուրը։ Հետո նա սկսել է նվագել ջութակ, որովհետև խորթ հայրը խնդրել էր ջութակով նվագակցել իրեն։

Վանեսայի առաջին ելույթը եղել է 9 տարեկան հասակում։ 10 տարեկան հասակում նվագել է ֆիլարմոնիկ նվագախմբի հետ։ Վանեսան եղել է ամենաերիտասարդ աշակերտը Արքայական երաժշտական քոլեջում։ 1990 թվականին Վանեսա Մեյը ձայնագրել է իր առաջին ձայնասկավառակը՝ Violin, որը թողարկվել է 1991 թվականի մայիսին։

1992 թվականին նա առաջին անգամ ձեռքն է վերցրել իր Zeta էլեկտրաջութակը։ 1994 թվականին նա ձայնագրեց իր առաջին փոփ ալբոմը՝ The Violin Player, որը թողարկումից անմիջապես հետո գրավեց բարձր հորիզոնականներ աշխարհի ավելի քան 20 երկրների հիթ-շքերթներում։

1996 թվականին այն ներկայացվել է «BRIT Awards» մրցանակաբաշխության լավագույն բրիտանացի կատարող («Best British Female») անվանակարգում, սակայն մրցանակ չի ստացել։

1997 թվականին Վանեսան հրավիրվել է մասնակցելու Չինաստանի վերամիավորման նվիրված տոնակատարությանը Հոնգկոնգում, որտեղ նա ելույթ է ունեցել Յո-Յո Մայի և Տան Դունի հետ։ Որպես այդ ելույթի վերջնական ակորդ նա թողարկում է China Girl ալբոմը իր չինական արմատների պատվին։

Սպորտ

Մեյը 4 տարեկանից զբաղվել է լեռնադահուկով և նույնիսկ պատրաստվել է ներկայացնել Թաիլանդը 2002 թվականի Սոլթ Լեյք Սիթիի օլիմպիական խաղերում, սակայն թաիլանդական իշխանությունները պահանջել են, որ նա հրաժարվի Մեծ Բրիտանիայի քաղաքացիությունից։ 2010 թվականին նա նորից հայտ է ներկայացրել Թաիլանդի պետական օլիմպիական կոմիտեին։ Այս անգամ Թաիլանդի իշխանությունները չառարկեցին, և Վանեսան ընդգրկվեց օլիմպիադայի մասնակիցների խմբում։

2014 թվականի Սոչիի ձմեռային օլիմպիական խաղերին հսկա սլալոմ մարզաձևի մրցությանը մասնակցելու համար նա անպայման պետք է ստանար օլիմպիական թույլատվություն։ Դրա համար, ըստ Դահուկասահքի միջազգային ֆեդերացիայի (FIS) օրենքների, նա պետք է մասնակցած լիներ առնվազն հինգ մրցության և հավաքեր որոշակի միավորները։ Ավստրալիայի և Նոր Զելանդիայի 2013 թվականի բաց առաջնությունում Վանեսայի առաջին ելույթը անհաջող ավարտ ունեցավ․ նա որակազրկվեց առաջին փորձի ժամանակ դարպասները սխալ անցնելու պատճառով։

2014 թվականի հունվարին Վանեսան որակավորվեց Սոչիի 2014 թվականի Օլիմպիական խաղերին մասնակցության համար և ներկայացրեց Թաիլանդը հսկա սլալոմ մարզաձևում․ այդ խաղերում նա հանդես եկավ հոր ազգանունով՝ Վանակորն։ հայտավորված մարզիկների շարքում նա զբաղեցրել է 67-րդ տեղը՝ պարտվելով հաղթողին 50,10 վայրկյանով։

Հետագայում պարզվում է, որ Վանեսայի ցուցաբերած արդյունքները կեղծվել էին աշխարհի գավաթի առաջնությունան սլովենական փուլում թայվանական մի ընկերության կողմից, որի անունը չի նշվում։ Սլովենիայի՝ լեռնադահուկային մարզաձևերի ֆեդերացիայի որոշմամբ՝ կեղծիքին մասնակցած չորս պաշտոնյաները չորս տարով հեռացվել են աշխատանքից։ Նոյեմբերին FIS-ի կարգապահական հանձնաժողովի որոշմամբ Մեյը որակազրկվել է 4 տարով, իսկ մրցաշարի հինգ կազմակերպիչները հեռացվել են գործից մեկից երկու տարով։ Մեյը բողոքարկել է այդ որոշմումը։

CAS եկել է այն եզրահանգման, որ FIS-ը չի ունեցել անհրաժեշտ քանակությամբ ապացույցներ Մեյի ցուցաբերած արդյունքնրը կեղծված լինելն ապացուցելու համար, և չեղյալ է համարել որակազրկումը։ Դատարանը մերժել է նաև 36-ամյա մարզուհու երկրորդ հայտը (որակավորման մրցություններում նրա վաստակած միավորների չեղյալ համարման մասին), ինչի պատճառով էլ նա հնարավորություն չի ունեցել մասնակցելու Սոչիում կայանալիք օլիմպիադային։

Ջութակներ

Իր բոլոր ելույթների ժամանակ Վանեսա Մեյն օգտագործում է իր «Gizmo» ջութակը, որը պատրաստել է Գվադանինին 1761 թվականին։ Մեյի ծնողներն այն գնել են տոնավաճատում 250 000 ֆունտ ստեռլինգով։ 1995 թվականի հունվարին ջութակը գողացվել է, բայց հենց նույն թվականի մարտին ոստիկանությունը վերադարձրել է այն տիրոջը։ Մի անգամ ջութակի ձեռքին ընկել է երաժիշտը իր ելույթներից մեկի ժամանակ և կոտրել է այն։ Շաբաթներ տևած քրտնաջան աշխատանքի շնորհիվ ջութակը վերականգնվել է։

Արտիստուհին օգտագործում է նաև Zeta Jazz Model էլեկտրաջութակը, որը պատրաստվել է ԱՄՆ-ում. այն սպիտակ է, ԱՄՆ դրոշի գույներով, իսկ 2001 թվականից արդեն արծաթա-սպիտակավուն, և երեք Ted Brewer Violins էլեկտրաջութակներ։

Վանեսա Մեյը պարբերաբար գնում է այլ ջութակներ և հետո դրանք վաճառում է բարեգործական տոնավաճառներում։

Փաստեր

• Վանեսա Մեյի անվամբ կոչվել է աստերոիդ՝ (10313) Վանեսա Մեյ։
• Վանեսա Մեյը շարփեյ ցեղատեսակի շների մեծ սիրահար է։ Իր առաջին շարփեյին, որն ընկել էր մոտոցիկլետի տակ, նա նաև նվիրել է երգ «Պաշա» վերնագրով։

Սկավառակագություն

• Violin (1990)
• My Favourite Things: Kids' Classics (1991)
• Tchaikovsky & Beethoven Violin Concertos (1991/1992)
• The Violin Player (1994)
• The Violin Player: Japanese Releases (1995)
• The Alternative Record from Vanessa-Mae (1996)
• The Classical Album 1 (1996 թվականի նոյեմբեր)
• China Girl: The Classical Album 2 (1997 թվականի հունվար)
• Storm (1997 թվականի հունվար)
• The Original Four Seasons and the Devil’s Trill Sonata: The Classical Album 3 (1999 թվականի փետրվար)
• The Classical Collection: Part 1 (2000)
• Subject to Change-Vanessa-Mae (2001 թվականի հուլիս)
• The Best of Vanessa-Mae (2002 թվականի նոյեմբեր)
• Xpectation (Jazz collaboration with Prince) (2003)
• The Ultimate (2003 թվականի նոյեմբեր)
• Choreography (2004)
• Platinum Collection (2007)

Հատուկ ալբոմներ

• The Violin Player: Japanese Release (1995)
• The Classical Album 1: Silver Limited Edition (1997 թվականի հունվարի 1)
• Storm: Asian Special Edition (1997 թվականի հունվարի 1)
• The Original Four Seasons and the Devil's Trill Sonata: Asian Special Edition (1999 թվականի փետրվարի 1)
• Subject to Change: Asian Special Edition (2001 թվականի հուլիսի 1)
• The Ultimate: Dutch Limited Edition (2004 թվականի հունվար)

Սինգլներ

• «Toccata & Fugue» (1995)
• «Toccata & Fugue — The Mixes» (1995)
• «Red Hot» (1995)
• «Classical Gas» (1995)
• «I'm a-Doun for Lack O' Johnnie» (1996)
• «Happy Valley» (1997)
• «I Feel Love Part 1» (1997)
• «I Feel Love Part 2» (1997)
• «The Devil's Trill» (1998)
• «Destiny» (2001)
• «White Bird» (2001)

Ֆիլմագրություն

• The Violin Fantasy (1998)
• Arabian Nights (2000)
• The Making of Me (2008)

Արտաքին հղումներ

• 2009 թվականի մրցաշարի պաշտոնական կայք Արխիվացված 2016-01-11 Wayback Machine
• Պաշտոնական կայք
• Vanessa-Mae: Saying Power On Strings Արխիվացված 2008-05-14 Wayback Machine
• Vanessa-Mae (անգլ.) Internet Movie Database կայքում
• Վանեսա Մեյի վիճակագրությունը FIS կայքում

Վիքիպահեստն ունի նյութեր, որոնք վերաբերում են «Վանեսա Մեյ» հոդվածին։