Վայրի հյուսիսիում

Վայրի հյուսիսիում;
տեսակ	գեղանկար
նկարիչ	Իվան Շիշկին
տարի	1891
բարձրություն	161 սանտիմետր
լայնություն	118 սանտիմետր
ժանր	բնանկար
նյութ	յուղաներկ և կտավ
գտնվում է	«Կիևի պատկերասրահ» ազգային թանգարան
հավաքածու	«Կիևի պատկերասրահ» ազգային թանգարան
	կայք
	Ծանոթագրություններ;

«Վայրի հյուսիսիում» (ռուս.՝ На севере диком), ռուս նկարիչ, ռեալիստական բնանկարի վարպետ Իվան Շիշկինի նկարներից։ Այս ստեղծագործությունը հեղինակը վրձնել է 1891 թվականին^[1]։ Յուղաներկով կտավի չափերն են 161 × 118 սմ։

Այսօր «Վայրի հյուսիսիում» ստեղծագործությունը պահպանվում և ցուցադրվում է Կիևի պետական պատկերասրահում^[2] (Կիև, Ուկրաինա)։

Պատմություն[խմբագրել | խմբագրել կոդը]

Կտավի անվանումը Շիշկինը վերցրել է Լերմոնտովի համանուն բանաստեղծությունից^[3]: Այս կտավը հեղինակը նկարել է գրողի մահվան հիսնամյակին հրատարակության պատրաստվող երկերի ժողովածուի պատկերազարդման համար: Նկարի պատվիրատուն պետերբուրգցի հրատարակիչ Պյոտր Կոնչալովսկին էր՝ հայտնի գրահրատարակիչ Իվան Կուշներյովի բաժնետերերից:

Նկարն ունի երկու էսքիզ, որոնք այսօր պահպանվում են Ռուսական պետական թանգարանում^[4]:

Նկարագիր[խմբագրել | խմբագրել կոդը]

Ինչպես Լերմոնտովի բանաստեղծությունում, «Վայրի հյուսիսիում» ստեղծագործությունում նույնպես վառ կերպով արտահայտվում է մենության թեման: Անմատչելի մերկ ժայռին, խավարի, սառցի և ձյան մեջ կանգնած է մենավոր սոճին: Լուսինը լուսավորում է ձնածածկ մռայլ կիրճը և անսահման հեռուն^[5]: Թվում է, թե այդ ցրտի թագավորությունում չկա որևէ կյանքի նշույլ: Սակայն ընդդեմ սառնամանիքի, ձյան և քամու՝ ծառն ապրում է: