Վայսախի
Վայսախին կամ Բայսախին (ա.-փենջ.` ਵਿਸਾਖੀ , հինդի՝ बैसाखी, vaisākhī IAST), բերքահավաքի և նոր տարվա տոն է, որը նշվում է Փանջաբում[1][2][3]: Այն սիկհերի կրոնական տոն է և սիկհական օրացույցի հիմնական տոներից մեկը[4]: Այն նշվում է Նանակշահիի արևային օրացույցի Վայսախ ամսվա առաջին օրը, որը համապատասխանում է Գրիգորյան օրացույցի ապրիլի 14-ին: Այս օրը սիկհերը նշում են Գոբինդ Սինգհի կողմից սիկհական Խալսա եղբայրության հիմնադրման տարեդարձը 1699 թվականին:
Այս օրը Նոր տարվա գալուստը նշվում է նաև Նեպալում և Հնդկաստանի այլ շրջաններում՝ Կերալա (Վիշու), Օրիսա, Արևմտյան Բենգալիա (բենգալական Նոր տարի), Թամիլ Նադու (թամիլական Նոր տարի): Հիմաչալ Պրադեշում պուջա է անցկացվում հինդու աստվածուհի Դվալամուխիի, իսկ Բիհարում՝ արևի աստված Սուրյայի (Չհատ) պատվին[5]: Վայսախին ավանդաբար նշվում է որպես բերքահավաքի տոն նաև Հյուսիսային Հնդկաստանի այլ շրջաններում՝ Հարյանա, Հիմաչալ Պրադեշ և Ուտտարախանդ: Շատ վայրերում այս օրը ընդունված է լոգանք ընդունել սուրբ գետերում, ինչպիսին է Գանգեսը։
Ծանոթագրություններ
[խմբագրել | խմբագրել կոդը]- ↑ Baisakhi Sikh Festivals Throughout the Year, by Anita Ganeri. Published by Black Rabbit Books, 2004. ISBN 1583403744. pp 20.
- ↑ Baisakhi SIX RELIGIONS IN THE TWENTIETH CENTURY, by Peggy Morgan, W. Owen Cole. Published by Nelson Thornes, 2000. ISBN 074875167X. pp 263—264.
- ↑ Пенджабцы // Большая российская энциклопедия. Том 25. — М., 2014. — С. 550—551.
- ↑ «Sikhism holy days: Baisakhi». BBC. Արխիվացված է օրիգինալից 2012-04-19-ին. Վերցված է 2007-07-08-ին.
- ↑ «hinduism info». BBC. Արխիվացված է օրիգինալից 2012-04-19-ին. Վերցված է 2008-02-12-ին.
Արտաքին աղբյուրներ
[խմբագրել | խմբագրել կոդը]- Vaisakhi — History on SikhismGuide.org
- Baisakhi Resource — Established on the tercentenary, the definitive guide on religious significance of Vaisakhi.