Վաղինակ Խաչատրյան

Վիքիպեդիայում կան հոդվածներ Խաչատրյան ազգանունով այլ մարդկանց մասին։

Վաղինակ Խաչատրյան
Ծնվել է	1915
Ծննդավայր	Յաղդան, Հայաստան
Կրթություն	Երևանի Մխիթար Հերացու անվան Պետական Բժշկական Համալսարան
Մասնագիտություն	բժիշկ
Գիտական աստիճան	բժշկական գիտությունների թեկնածու
Պարգևներ	և Հայկական ԽՍՀ վաստակավոր բժիշկ

Վաղինակ Ավետիսի Խաչատրյան (1915, Յաղդան, Հայաստան), հայ բժիշկ, բժշկական գիտությունների թեկնածու (1961), դոցենտ (1964), Հայկական ԽՍՀ վաստակավոր բժիշկ (1968)։

Կենսագրություն

Շնվել է 1915 թվականին Ստեփանավանի շրջանի Յաղդան գյուղում։ Ավարտել է Թբիլիսիի մանկավարժական տեխնիկումը և երկու տարի զբաղվել ուսուցչությամբ։ 1935 թվականին ընդունվել է Երևանի բժշկական ինստիտուտ և ավարտել 1940 թվականին։ Աշխատանքի է գործուղվել Շամշադինի շրջան, որտեղ աշխատել է մեկ տարի։ 1941 թվականի հունիսի 29-ին զորակոչվել է բանակ և նշանակվեկ Երևանում կազմավորված հատուկ ճանապարհաշինական գումարտակի սանիտարական մասի պետ։ Այդ գումարտակը կամուրջներ ու խճուղի է կառուցել Երևանից Լենինական, կամուրջներ Հրազդան գետի վրա, Աշտարակում, Թալինում, Աղնիում։ Խաչատրյանը ձմռանը հիվանդանում է թոքաբորբով, ապաքինվելուց հետո նշանակվում է № 1418 էվակուհոսպիտալի օրդինատոր։ Այստեղ էլ վարակվում է բծավոր տիֆով, երկար ժամանակ բուժվում, որից հետո ազատվում է զինվորական ծառայությունից, նշանակվում Ալավերդու քաղաքային հիվանդանոցի գլխավոր բժիշկ։ Այս պաշտոնում մնում է երեք տարի։ Տեղափոխվում է Երևան, 1947 թվականին կրտսեր գիտաշխատողի պաշտոնով աշխատանքի է անցնում մանկաբարձության և գինեկոլոգիայի գիտահետազոտական ինստիտուտում:, որտեղ պաշտպանում է թեկնածուական ատենախոսություն (1961), այնուհետև ստանում է դոցենտի կոչում (1964)։ 1981 թվականից անցնում է կենսաթոշակի, բայց որպես կոնսուլտանտ շարունակում է աշխատել առողջապահության նախարարության 4-րդ բուժմիավորման հիվանդանոցում։ 1968 թվականին նրան շնորհվել է Հայկական ԽՍՀ վաստակավոր բժշկի կոչում։ Պարգևատրվել է ութ մարտական ու աշխատանքային մեդալներով, «Առողջապահության գերազանցիկի» մեդալով։