Վահան Շիրխանյան

Վիքիպեդիայից՝ ազատ հանրագիտարանից
Jump to navigation Jump to search
Վահան Գրիգորի Շիրխանյան
Դրոշ
ՀՀ Արտադրական ենթակառուցվածքները համակարգող նախարար
1999 - 2000
Դրոշ
ՀՀ պաշտպանության փոխնախարար
1995 - 1999
 
Կուսակցություն՝ Հայոց Համազգային Շարժում
Կրթություն՝ Թուրքմենստանի պետական համալսարան (1976)
Մասնագիտություն՝ աշխարհագրագետ-տնտեսագետ
Գործունեություն՝ ռազմական և քաղաքական գործիչ
Ազգություն հայ
Դավանանք կաթոլիկ քրիստոնեա[1]
Ծննդյան օր հուլիսի 15, 1947(1947-07-15) (74 տարեկան)
Ծննդավայր Նորշեն, Ախալցխայի շրջան
Քաղաքացիություն Flag of the Soviet Union.svg ԽՍՀՄ և Flag of Armenia.svg Հայաստան
Ամուսին Պուրուճ[2] (Բուրաստան) Շիրխանյան

Վահան Գրիգորի Շիրխանյան (հուլիսի 15, 1947(1947-07-15), Նորշեն, Ախալցխայի շրջան), հայ քաղաքական, ռազմական և պետական գործիչ։

Կենսագրություն[խմբագրել | խմբագրել կոդը]

Վահան Շիրխանյանը ավարտել է Թուրքմենստանի պետական համալսարանը և ստացել է աշխարհագրագետ-տնտեսագետի որակավորում։ Հետագայում աշխատել է Բյուրականի աստղադիտարանի հատուկ կոնստրուկտորական տեխնոլոգիայի բյուրոյի փոխտնօրեն։ Շիրխանյանը եղել է Հայաստանի Գերագույն խորհրդի պատգամավոր («Հայոց Համազգային Շարժում» խմբակցության կազմում), հետագայում նշանակվել է պաշտպանության փոխնախարար։ 1999 - 2000 թվականներին եղել է Հայաստանի Արտադրական ենթակառուցվածքները համակարգող նախարար։ 2008 թվականի մարտի 21-ին անդամակցել է Սոցիալ-դեմոկրատ հնչակյան կուսակցությանը (ԽՍՀՄ տարիներին եղել է կոմունիստ)[3]։ Սակայն 2015 թվականին հայտարարել է, որ դուրս է եկել ՍԴՀԿ կազմից[4]։

2015 թվականի դեկտեմբերի 19-ին ձերբակալվել է, իսկ դեկտեմբերի 21-ին կալանավորվել է։ Վահան Շիրխանյանի ձերբակալությունը կատարվել է Հայաստանի Ազգային անվտանգության ծառայության կողմից Արթուր Վարդանյանի գլխավորած «զինված հանցախմբի» վնասազերծման գործի շրջանակում։ 2016 թվականի փետրվարի 15-ին Շիրխանյանի կինը՝ Բուրաստան Շիրխանյանը, վրաերթի է ենթարկվում և ծանր վիճակում տեղափոխվում է բուժհիմնարկ[5]։ 2016 թվականի հուլիսի 14-ին հանկարծամահ է լինում Շիրխանյանի փաստաբան Տիգրան Տեր-Եսայանը[6]։ Շիրխանյանի փաստաբան Հայկ Ալումյանը Շիրխանյանի հանդեպ անօրինական գործողությունների դեմ գանգատ բողոք է ներկայացրել ՄԻԵԴ[7]։

2018 թվականի հունիսի 25-ին Վահան Շիրխանյանը ազատ արձակվեց դատարանի դահլիճից[8]։

Ծանոթագրություններ[խմբագրել | խմբագրել կոդը]

Աղբյուրներ[խմբագրել | խմբագրել կոդը]