Վահան Միրաքյան (բանաստեղծ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Վահան Միրաքյան (այլ կիրառումներ)
Վահան Միրաքյան
Ծնվել է նոյեմբերի 6, 1886(1886-11-06)
Ծննդավայր Շահումյան, Մառնեուլի մունիցիպալիտետ, Քվեմո Քարթլիի մարզ, Վրաստան
Վախճանվել է մարտի 21, 1942(1942-03-21) (55 տարեկանում)
Վախճանի վայր Թբիլիսի, Վրացական Խորհրդային Սոցիալիստական Հանրապետություն, ԽՍՀՄ
Մասնագիտություն բանաստեղծ և դրամատուրգ
Լեզու հայերեն
Ազգություն հայ
Քաղաքացիություն Վրաստան
Կրթություն Սանահինի վանք
Անդամակցություն ԽՍՀՄ Գրողների միություն
Վահան Միրաքյան Վիքիդարանում

Վահան Աղաբեկի Միրաքյան (նոյեմբերի 6, 1866թ., Շուլավեր - 1942, մարտի 21), հայ բանաստեղծ, դրամատուրգ, ԽՍՀՄ գրողների միության անդամ 1934 թվականից։

Կենսագրություն[խմբագրել | խմբագրել կոդը]

Ծնվել է Շուլավեր (հետո՝ քաղաքատիպ ավան Շահումյան, Վրացակամ ԽՍՀ Մառնեուլի շրջանում) գյուղում։ 1873 թվականին սովորել է Սանահինի Սուրբ Աստվածածին վանքի դպրոցում, 1880-1886 թվականներին՝ արհեստավորաց դպրոցում։ 1888 թվականին ավարտել է Գորիի ուսուցչական սեմինարիան։

1889 թվականից ուսուցչություն է արել Շուլավերում, Ջալալօղլիում,Էջմիածնի Գևորգյան ճեմարանում, Նուխիում, Նոր Նախիջևանում, Թիֆլիսում։

1924 թվականին փոխադրվել է Երևան։ Աշխատել է Ձերժինսկու անվան դպրոցում որպես հայոց լեզվի և գրականության ուսուցիչ։

Նրա առաջին բանաստեղծությունը՝ «Երեք վարդ», լույս է տեսել 1887 թվականին, «Աղբյուր» ամսագրում (Թիֆլիս)։ Միրաքյանի «Լալվարի որսը» պոեմի առաջին անգամ տպագրվել է 1901 թվականին, «Մուրճ» ամսագրում։ Այդ պոեմը թարգմանվել է ռուսերեն (1942), պարսկերեն։ «Լալվարի որսը» պոեմի հիման վրա գրվել է պիես, օպերա, ստեղծվել գեղարվեստական կինոնկար։ Վ. Միրաքյանը գրել է նաև «Մանուշի հարսանիքը», «Նոր գյուղի շեմքին», «Խոզարածի կինը» պիեսները։ Մահացել է Թբիլիսիում, թաղվել է Երևանում[1]:

Երկերի մատենագիտություն[խմբագրել | խմբագրել կոդը]

  • Առանց լարերի (բանաստեղծություններ), Թիֆլիս, տպարան Վրաց. հրատ. ընկ., 1897, 64 էջ (Այս գիրքը լույս է տեսել Միր Կոնո ստորագրությամբ)։
  • Լալվարի որսը (պոեմ, արտատպված «Մուրճ» ամսագրից), Թիֆլիս, տպարան Վրաց. հրատ. ընկ., 1901, 78 էջ։
  • Նոր գյուղի շեմքին (պիես չորս պատկերով), այս պիեսն արժանացել է գյուղատնտեսական գեղարվեստական գրականության մրցանակին, Երևան, Պետհրատ, 1927, 46 էջ։
  • Մանուշի հարսանիքը (պիես), Երևան, Պետհրատ, 1927, 30 էջ։
  • Խոզարածի կինը (դրամա 5 գործողությամբ, գյուղական կյանքից), Երևան, Պետհրատ, 1928, 51 էջ։
  • Լալվարի որսը (պոեմ), Երևան, Պետհրատ, 1929, 76 էջ։
  • Լալվարի որսը (պոեմ), Երևան, Պետհրատ, 1935, 73 էջ։
  • Լալվարի որսը (պոեմ), Երևան, Պետհրատ, 1936, 74 էջ։
  • Սև կաթը (պատմվածք), Ե. Պետհրատ, 1938, 59 էջ։
  • Լալվարի որսը (պոեմ), Երևան, Հայպետհրատ, 1948, 77 էջ։
  • Լալվարի որսը (պոեմ), Երևան, Հայպետհրատ, 1953, 64 էջ։
  • Լալվարի որսը (պոեմ), Երևան, «Հայաստան», 1967, 95 էջ։
  • Հայ դասականների գրադարան։ Սմբատ Շահազիզ, Հովհաննես Հովհաննիսյան, Ալեքսանդր Ծատուրյան, Վահան Միրաքյան, Երկեր (հատորում տպագրվել է Վահան Միրաքյանի «Լալվարի որսը» պոեմը), Երևան, «Սովետական գրող», 1980, 640 էջ։

Աղբյուրներ[խմբագրել | խմբագրել կոդը]

  1. Հայկ Խաչատրյան (1986)։ Գրական տեղեկատու։ Երևան: «Սովետական գրող»։ էջ էջ 381