Վահան Հակոբյան

Վիքիպեդիայից՝ ազատ հանրագիտարանից
Jump to navigation Jump to search
Վահան Հակոբյան
Ծնվել է1908
ԾննդավայրՆոր Բայազետ, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն
Մահացել էանհայտ
ՔաղաքացիությունFlag of Russia.svg Ռուսական կայսրություն և Flag of the Soviet Union.svg ԽՍՀՄ
Ազգությունհայ
Մասնագիտությունմանկավարժ
Պարգևներ և
մրցանակներ
ՀԽՍՀ վաստակավոր մանկավարժ

Վահան Մկրտչի Հակոբյան (1908, Նոր Բայազետ, Նոր Բայազետի գավառ, Երևանի նահանգ, Կովկասի փոխարքայություն, Ռուսական կայսրություն - անհայտ), հայ մանկավարժ։ ՀԽՍՀ վաստակավոր մանկավարժ (1958), Երկրորդ համաշխարհային պատերազմի Արևելյան ճակատի («Հայրենական մեծ պատերազմ», 1941-1945) մասնակից։

Կենսագրություն[խմբագրել | խմբագրել կոդը]

Վահան Հակոբյանը ծնվել է 1908 թվականին Կամո քաղաքում։ 1930 թվականից դասավանդել է հայրենի քաղաքի դպրոցներում։ Աշխատանքին զուգընթաց սովորել և ավարտել է Երևանի պետական մանկավարժական ինստիտուտի հեռակա բաժնի ֆիզիկամաթեմատիկական ֆակուլտետը[1]։

1941 թվականին Հակոբյանը զորակոչվել է կարմիր բանակ։ Ծառայել է 409-րդ հայկական հրաձգային դիվիզիայի հրետանային գնդի շտաբում, որպես գծագրող։ 1942 թվականի աշնանը մասնակցել է Հյուսիսային Կովկասի ռազմաճակատում մղված մարտերին։ Սորոկին գյուղի մոտ մղված մարտերից մեկում վիրավորվել է։ 1943 թվականին հոսպիտալում երկարատև բուժումից հետո, որպես զինվորական ծառայության համար ոչ պիտանի, զորացրվել է[1]։

1946-1953 թվականներին Հակոբյանը եղել է Կամոյի մանկավարժական ուսումնարանի տնօրենը, այնուհետև, 20 տարի շարունակ ղեկավարել է քաղաքի Հ. Սարուխանյանի անվան միջնակարգ դպրոցի մանկավարժական կոլեկտիվը։ Ծանր հիվանդությունից հետո, 1974 թվականին անցել է կենսաթոշակի[1]։

Պատերազմում ցուցաբերած արիության համար Հակոբյանը պարգևատրվել է մի շարք մեդալներով։ 1958 թվականին ՀԽՍՀ Գերագույն խորհրդի նախագահության հրամանագրով երկարատև և անբասիր աշխատանքի համար նրան շնորհվել է հանրապետության վաստակավոր ուսուցչի կոչում[1]։

Պարգևներ[խմբագրել | խմբագրել կոդը]

  • ՀԽՍՀ վաստակավոր մանկավարժ (1958)

Ծանոթագրություններ[խմբագրել | խմբագրել կոդը]