Վալերի Զալուժնի
Վալերի Զալուժնի ուկրաիներեն՝ Валерій Федорович Залужний | |
---|---|
Ծնվել է | հուլիսի 8, 1973[1] (50 տարեկան) |
Ծննդավայր | Նովոգրադ-Վոլինսկի, Ժիտոմիրի մարզ, Ուկրաինական ԽՍՀ, ԽՍՀՄ[1] |
Քաղաքացիություն | ԽՍՀՄ և Ուկրաինա |
Կրթություն | National Defense University of Ukraine?, Ostroh Academy? և Odesa Military Academy? |
Մասնագիտություն | սպա |
Զբաղեցրած պաշտոններ | Commander-in-Chief of the Armed Forces of Ukraine? և commanding officer? |
Պարգևներ և մրցանակներ | |
Ստորագրություն | |
Valerii Zaluzhnyi Վիքիպահեստում |
Վալերի Ֆեդորովիչ Զալուժնի (ուկրաիներեն՝ Вале́рій Фе́дорович Залу́жний, 1973, հուլիսի 8, Նովոգրադ-Վոլինսկի շրջան, Ժիտոմիրի մարզ, Ուկրաինական ԽՍՀ), ուկրաինացի զորահրամանատար, 2021 թվականի հուլիսի 27-ից մինչև 2024 թվականի փետրվարի 8-ը Ուկրաինայի Զինված ուժերի գերագույն հրամանատար, 2022 թվականին գեներալ։
Կենսագրություն[խմբագրել | խմբագրել կոդը]
Ծնվել է 1973 թվականի հուլիսի 8-ին Նովոգրադ-Վոլինսկիի շրջանում։ 1989 թվականին ավարտել է քաղաքային թիվ 9 դպրոցը, ընդունվել է Նովոգրադի մեքենաշինական տեխնիկում, որն էլ 1993 թվականին ավարտել է գերազանց առաջադիմությամբ[3]։
Հետագայում ընդունվել է Օդեսայի Բարձրագույն ուսումնական հաստատության ընդհանուր զինվորական պատրաստության ֆակուլտետ։ 1997 թվականին ուսումն ավարտել է գերազանց առաջադիմությամբ, ինչից հետո անցել է զինվորական ծառայության բոլոր աստիճանները, այն է՝ դասակի հրամանատար, ուսումնական դասակի հրամանատար, ուսումնական վաշտի հրամանատար, կուրսանտների վաշտի հրամանատար, գումարտակի հրամանատար։
2005 թվականին ընդունվել է Ուկրաինայի Ազգային ակադեմիական պաշտպանության նախարարություն, 2007 թվականին ուսումն ավարտել է ոսկե մեդալով, նշանակվել է 24-րդ առանձին մեխանիկական բրիգադի շտաբի հրամանատարի առաջին տեղակալ։ Այդ պաշտոնում հաջողությամբ ծառայել է երկուսուկես տարի[4]։
2009-2012 թվականներին ղեկավարել է 51-րդ առանձին մեխանիկական բրիգադը[5]։
2014 թվականին ավարտել է Ուկրաինայի Իվան Չերնյախովսկու անվան Պաշտպանության ազգային համալսարանը։ Որպես օպերատիվ-ռազմավարական պատրաստության լավագույն շրջանավարտ պարգևատրվել է Մեծ Բրիտանիայի թագուհու թրով[6]։
2017 թվականին ստացել է գեներալ-մայորի կոչում։
2017 թվականին դարձել է շտաբի հրամանատար, Ուկրաինայի Զինված ուժերի «Արևմուտք» Ցամաքային ստորաբաժանման հրամանատարի առաջին տեղակալ[7]։
2018-2019 թվականներին եղել է Ուկրաինայի օպերատիվ շտաբի պետ, Միավորված հրամանատարական ուժերի հրամանատարի առաջին տեղակալ։
2019 թվականից ի վեր եղել է «Հյուսիս» օպերատիվ ստորաբաժանման հրամանատար։
2020 թվականի դեկտեմբերին ավարտել է Օստրոժսկի ակադեմիայի «Միջազգային հարաբերություններ» ֆակուլտետի մագիստրատուրան[8]։
2021 թվականի հուլիսի 27-ին նշանակվել է Ուկրաինայի Զինված ուժերի հրամանատար, փոխարինել է Ռուսլան Խոմչակին[9]։
Ուկրաինայի անվտանգության խորհրդի անդամ է 2021 թվականի հուլիսի 28-ից[10]։
Նրան անվանում են որպես ամենաշատ նվիրվող գեներալներից մեկը, ով հասկանում և ընդունում է զինվորների և կրտսեր սպաների խնդիրները[11]։ Որպես Ուկրաինայի բարձրակարգ սպաների ներկայացուցիչ և Դոնբասում տեղի ունեցող ռազմական գործողությունների մասնակից, դրական է վերաբերում երիտասարդ մարդկանցով անձնակազմի համալրմանը։
Որպես գերագույն հրամանատար Վալերի Զալուժնին ասել է. «Ըստ ՆԱՏՕ-ի ստանդարտների Ուկրաինայի Զինված ուժերի բարեփոխումների ընդհանուր ընթացքը մնում է անփոփոխ։ Եվ այստեղ կարևոր են սկզբունքները։ Փոփոխություններ պետք է կատարվեն նախ և առաջ մարդկանց նկատմամբ խաղաղության դրսևորմամբ։ Ես կցանկանայի, որպեսզի դուք մարդկանց շրջվեիք դեմքով որպես սեփական ենթակաների։ Իմ վերաբերմունքը մարդկանց նկատմամբ չի փոխվել իմ ծառայության ողջ ընթացքում»[12]։
2024 թվականի փետրվարի 8-ին նախագահի հրամանագրով Զալուժնին հեռացվել է Ուկրաինայի Զինված ուժերի գերագույն հրամանատարի պաշտոնից։ Նրան այդ պաշտոնում հաջորդել է գեներալ-գնդապետ Ալեքսանդր Սիրսկին[13]։
Զինվորական կոչումներ[խմբագրել | խմբագրել կոդը]
- Գեներալ-մայոր (2017 թվականի օգոստոսի 23)
- Գեներալ-լեյտենանտ (2021 թվականի օգոստոսի 24[14])
- Գեներալ (2022 թվականի մարտի 4[15]):
Ծանոթագրություններ[խմբագրել | խմբագրել կոդը]
- ↑ 1,0 1,1 https://www.mil.gov.ua/en/ministry-of-defence-leader/lieutenant-general-valerii-zaluzhnyi.html
- ↑ 2,0 2,1 https://www.president.gov.ua/documents/612024-49681
- ↑ «Генерал Валерій Залужний. Що відомо про нового головнокомандувача ЗСУ». Новини - BBC News Україна (ուկրաիներեն). Արխիվացված է օրիգինալից 2022 թ․ հունվարի 26-ին. Վերցված է 2021 թ․ հուլիսի 27-ին.
- ↑ Рина Лідницька (2010 թ․ փետրվարի 5). «Валерій Залужний: «Новоград-Волинський був колискою мрій і прагнень, Володимир-Волинський дав можливість втілити їх у життя…»». zvyagel.com.ua (ուկրաիներեն). Звягель. Վերցված է 2022 թ․ մարտի 13-ին.
- ↑ «У найбільшої військової частини у Волинській області новий командир!». blogs.korrespondent.net (ռուսերեն). Վերցված է 2021 թ․ օգոստոսի 11-ին.
- ↑ «генерал-майор ЗАЛУЖНИЙ Валерій Федорович». www.zsu.gov.ua. Վերցված է 2021 թ․ օգոստոսի 25-ին.
- ↑ «Президент Украины подписал Указ «Про присвоєння військових звань»». mil.gov.ua. 24 августа 2017.
- ↑ «Випускник Острозької академії Валерій Залужний став Головнокомандувачем ЗСУ». Національний університет «Острозька академія» (ուկրաիներեն). 2021 թ․ հուլիսի 27. Վերցված է 2022 թ․ մարտի 18-ին.
- ↑ УКАЗ ПРЕЗИДЕНТА УКРАЇНИ № 320/2021
- ↑ https://www.president.gov.ua/documents/3252021-39525
- ↑ «Хто такий новий головнокомандувач ЗСУ Валерій Залужний». Радіо Свобода (ուկրաիներեն). Վերցված է 2021 թ․ հուլիսի 27-ին.
- ↑ «Новий головнокомандувач ЗСУ Залужний назвав свої пріоритети на цій посаді». Еспресо - український погляд на світ! (ուկրաիներեն). Վերցված է 2021 թ․ հուլիսի 31-ին.
- ↑ «Զելենսկին պաշտոնից հեռացրեց Զալուժնիին, նշանակեց Սիրսկիին». «Ազատ Եվրոպա/Ազատություն» ռադիոկայան. 2024 թ․ փետրվարի 8. Վերցված է 2024 թ․ փետրվարի 26-ին.
- ↑ Указ Президента України № 424/2021 «Про присвоєння військового звання»
- ↑ «Указ Президента України про присвоєння військового звання» (ուկրաիներեն). Վերցված է 4 березня 2022-ին.
|