Վալդեմարաս Խոմիչյուս

	Վալդեմարաս Խոմիչյուս; Valdemaras Chomičius
	;
Դիրքը	Խաղարկող
Ի ծնե տրված անունը	Valdemaras Chomičius; Վալդեմարաս Խոմիչյուս
Ծննդյան ամսաթիվ	մայիսի 4, 1959 (64 տարեկան)
Ծննդավայր	Կաունաս, Լիտվայի ԽՍՀ, ԽՍՀՄ
Ազգություն	Լիտվացի
Հասակ	1,92 մ
Կարիերայի պատմություն
	Ժալգիրիս Կաունաս (1978–1989); Ֆորում Վալյադոլիդ (1989–1990); Ապրիմատիկ Բոլոնյա (1990–1991); Սարագոսա (1991–1992); Կաստորս Բրայն (1992); Շառլերուա (1992–1993); Կաստորս Բրայն (1993–1994); Մարբելլա (1994–1995); Տորեմոլինոս (1995); Մաժեյկիայ (1995–1996); Ժեմաիտիյոս Օլիմպաս (1997); Կրաիտենե Մարիյամպոլե (1998–1999)
Մեդալներ
Տղամարդկանց բասկետբոլ
Օլիմպիական խաղեր
Ներկայացնում էր՝ ԽՍՀՄ
Ներկայացնում էր՝ Լիտվա
ՖԻԲԱ-ի աշխարհի առաջնություն
Ներկայացնում էր՝ ԽՍՀՄ
Եվրոպայի առաջնություն
Ներկայացնում էր՝ ԽՍՀՄ
Ներկայացնում էր՝ Լիտվա

Վալդեմարաս Խոմիչյուս^[1] (լիտվ.՝ Valdemaras Chomičius, մայիսի 4, 1959(1959-05-04), Կաունաս, Լիտվական ԽՍՀ, ԽՍՀՄ), խորհրդային և լիտվացի նախկին բասկետբոլիստ, խաղարկող, Լիտվայի բասկետբոլի ազգային հավաքականի օգնական մարզիչ, ԽՍՀՄ սպորտի վաստակավոր գործիչ (1982) և Լիտվայի վաստակավոր մարզիչ։

Ակումբային կարիերայում առավել հայտնի է որպես Կաունասի «Ժալգիրիսի» ավագ, որի կազմում 1985-1987 թվականներին անընդմեջ հաղթել է ԽՍՀՄ առաջնությունը՝ յուրաքանչյուր անգամ առավելության հասենլով ԽՍՀՄ-ի լավագույն ակումբ համարվող «ԲԿՄԱ»-ին։

Հանդես է եկել Խորհրդային Միության և Լիտվայի բասկետբոլի ազգային հավաքականներում։ Խորհրդային Միության հավաքականի կազմում, թիմակցելով հայրենակիցներ Արվիդաս Սաբոնիսին, Շարունաս Մարչյուլյոնիսին և Ռիմաս Կուրտինայտիսին, նվաճել է ոսկե մեդալ Սեուլի 1988 թվականի ամառային օլիմպիական խաղերում (եզրափակչում պարտության մատնելով Միացյալ Նահանգների հավաքականին), ինչպես նաև հաղթել 1982 թվականին աշխարհի առաջնությունը, 1979 և 1985 թվականների Եվրոպայի առաջնությունները։ ԽՍՀՄ փլուզումից հետո ընդգրկվել է անկախ Լիտվայի ազգային հավաքականում, որի կազմում դարձել է բրոնզե մեդալակիր Բարսելոնայի 1992 թվականի օլիմպիական խաղերում, ինչպես նաև նվաճել արծաթե մեդալ 1995 թվականի Եվրոպայի առաջնության ժամանակ։

Կաունասում ունի իր անունը կրող սպորտ դպրոց։

1991 թվականին դարձել է Գինեսի ռեկորդակիր՝ մասնակցելով 24 ժամ տևող բասկետբոլային հանդիպման և իր հաշվին գրանցելով 722 միավոր։

Մրցանակներ և նվաճումներ[խմբագրել | խմբագրել կոդը]

Որպես մարզիկ

Օլիմպիական չեմպիոն՝ 1988, բրոնզե մեդալակիր՝ 1992
Աշխարհի չեմպիոն՝ 1982, արծաթե մեդալակիր՝ 1986
Եվրոպայի չեմպիոն 1979, 1985, արծաթե մեդալակիր՝ 1987, 1995, բրոնզե մեդալակիր՝ 1983, 1989
ԽՍՀՄ չեմպիոն 1985-87, ԽՍՀՄ առաջնության արծաթե մեդալակիր՝ 1980, 1983, 1984, 1988, 1989
Բելգիայի առաջնության արծաթե մեդալակիր՝ 1992, 1994
Լիտվայի առաջնության արծաթե մեդալակիր՝ 1997
Միջմայրցամաքային գավաթի տիտղոսակիր՝ 1986
Եվրոպայի չեմպիոնների առաջնության եզրափակչի մասնակից՝ 1986
Եվրոպայի գավաթակիրների առաջնության եզրափակչի մասնակից՝ 1984
«Դրուժբա» միջազգային մրցույթների հաղթող՝ 1984 (Լոս Անջելեսի 1984 թվականի օլիմպիական խաղերի այլընտրանքային մրցույթ)
Եվրոպայի երիտասարդական առաջնության չեմպիոն՝ 1978
Համալսարանային առաջնության չեմպիոն՝ 1985

Որպես մարզիչ

Լիտվայի առաջնության արծաթե մեդալակիր («Օլիմպասի» կազմում)՝ 1997
Ռուսաստանի առաջնության արծաթե մեդալկիր 2007
Ռուսաստանի առաջնության բրոնզե մեդալկիր 2010

Շքանշաններ[խմբագրել | խմբագրել կոդը]

«Լիտվային մատուցած ծառայությունների» շքանշան (1995)
«Լիտվայի մեծն իշխան Գեդիմինասի» շքանշան (2003)

Գրականություն[խմբագրել | խմբագրել կոդը]

«100 лет российского баскетбола: история, события, люди: справочник» / В. Б. Квасков. — М.: «Советский спорт», — 274 էջ. հրատ.՝ ISBN 5-9718-0175-9

Ծանոթագրություններ[խմբագրել | խմբագրել կոդը]

↑ «Եվրալիգայի բոլոր ժամանակների մարզիկի թեկնածուներ»

[1] «Եվրալիգայի բոլոր ժամանակների մարզիկի թեկնածուներ»

[1]