Վալանսե (դղյակ)

Վիքիպեդիայից՝ ազատ հանրագիտարանից
Jump to navigation Jump to search
Վալանսեի դղյակ
ֆր.՝ Château de Valençay
Chateau Valencay 20050726.jpg
Ժամանակակից կարգավիճակ`թանգարան
Երկիր`Ֆրանսիա
Ճարտարապետական ոճ`վերածննդի
Կառուցման
ժամանակաշրջան`
1540 թվականից մինչև 18-րդ դար

Վալանսեի դղյակ (ֆր.՝ Château de Valençay), ՅՈՒՆԵՍԿՈ-ի կողմից որպես Համաշխարհային ժառանգություն պահպանվող Լուարայի դղյակներից մեկն է: Վերածննդի ճարտարապետության և ամպիր ոճի շքեղ անֆիլադաով ինտերիերով ֆրանսիական (մանսարյան) կլասիցիզմի ակնառու հուշարձան է՝ կառուցված շատոյի ամենանշանավոր տիրակալ Թալեյրանի ժամանակներում: Տեղակայված է Էնդր դեպարտամենտի նույնանուն համայնքում:

Պատմություն[խմբագրել | խմբագրել կոդը]

Ներկայումս գոյություն ունեցող դղյակը կառուցվել է 12-րդ դարի ամրոցի քանդած տեղում՝ Շամբորի նմանությամբ: Շինարարությունն սկսվել է 1540 թվականին և ձգվել է մինչև 18-րդ դարը: Չնայած շինությունների տարաժամանակությանը, ամբողջության մեջ դրանք կազմում են օրգանական միություն:

1719 թվականին շատոն ձեռք բերեց շոտլանդացի մեծահարուստ ֆինանսիստ Ջոն Լոն, դրանից հետո շատ են փոխվում սեփականատերերը, մինչև կալվածքը 150 տարով դարձավ ազնվական տոհմ Թալեյրանների գլխավոր նստավայրը: Ֆրանսիական դիվանագիտության գլուխը այն ձեռք բերեց 1803 թվականին Նապոլեոնի հրամանով, ով ցանկանում էր ունենալ իր վեհությամբ պատշաճ տեղ՝ օտարերկրյա դեսպաններին ընդունելու համար: 6 տարի այստեղ է գտնվել գահընկեց արված իսպանական թագավոր Ֆերդինանդ 7-րդը: Վալանսեում պատրաստող թալեյրանյան խոհարար Քարեմի փառքը թնդում էր ողջ Եվրոպայով:

Դիվանագետի մահից հետո (այնտեղ էլ թաղված է) կալվածքին տիրեցին նրա եղբոր ժառանգները, որոնցից վերջինը մահացել է 1952 թվականին: Նրանք աշխատում էին պահպանել նշանավոր նախնու ջանքերով դղյակում ստեղծված պայմանները: Դղյակի շուրջը կանոնավոր զբոսայգին գցվել է 20-րդ դարի սկզբին: Երկրորդ համաշխարհային պատերազմի ժամանակ արքայազն Թալեյրանն իր կալվածքում թաքցրել էր այնպիսի Լուվրի գանձեր, ինչպես Միլոսյան Վեներան և Սամոֆրակիյան Նիկան: Որպես Սագանի անվանական դուքս նա համարվում էր մեդիատիզացված գերմանական հպատակ և այդ պատճառով կարող էր չզգուշանալ գեստապոյի խուզարկումներից:

1979 թվականին դղյակը հանձնվեց Ֆրանսիայի պատմական ամրոցների միության տիրապետությանը: Զբոսաշրջիկներ գրավելու համար այստեղ բացվեց հնագույն մեքենաների թանգարան, իսկ զբոսայգում բաց թողնվեցին լամաներ, սիրամարգեր և այլ էկզոտիկ կենդանիներ:

Պատկերասրահ[խմբագրել | խմբագրել կոդը]

Տես նաև[խմբագրել | խմբագրել կոդը]

ՅՈՒՆԵՍԿՕ-ի դրոշը ՅՈւՆԵՍԿՕՀամաշխարհային ժառանգություն

Արտաքին հղումներ[խմբագրել | խմբագրել կոդը]

Աղբյուրներ[խմբագրել | խմբագրել կոդը]

  • Châteaux de la Loire, Guide de tourisme Michelin, ISBN 2-06-031705-3
  • R.P. Raoul, Guide Historique de Valençay — le château — l'église — le tombeau de Talleyrand (1953).
  • Livre d’Or (Chateaux de la Loire); responsable de l’edition Giovanna Bonechi.