Վազգեն Մելիքյան

Վիքիպեդիայից՝ ազատ հանրագիտարանից
Jump to navigation Jump to search
Վազգեն Մելիքյան
Ծնվել էհունվարի 29, 1956(1956-01-29) (64 տարեկան)
Երևան, Հայկական ԽՍՀ, ԽՍՀՄ
ՔաղաքացիությունFlag of the Soviet Union.svg ԽՍՀՄ
Flag of Armenia.svg Հայաստան
Մասնագիտությունգիտնական
Հաստատություն(ներ)Հայաստանի ազգային պոլիտեխնիկական համալսարան
Ալմա մատերՀայաստանի ազգային պոլիտեխնիկական համալսարան և Ազգային հետազոտական միջուկային համալսարան
Գիտական աստիճանտեխնիկական գիտությունների դոկտոր (2006)
ՊարգևներՀայաստանի Հանրապետութեան գիտության վաստակավոր գործիչ Տեղեկատվական տեխնոլոգիաների ոլորտում համաշխարհային ներդրման համար Հանրապետության Նախագահի մրցանակ և Գարեգին Նժդեհ մեդալ

Վազգեն Շավարշի Մելիքյան (հունվարի 29, 1956(1956-01-29), Երևան, Հայկական ԽՍՀ, ԽՍՀՄ), ինքնաշխատ համակարգերի բնագավառի հայ գիտնական: Տեխնիկական գիտությունների դոկտոր (2006), պրոֆեսոր (2006): ՀՀ ԳԱԱ թղթակից անդամ (2014)[1]:

Կենսագրություն[խմբագրել | խմբագրել կոդը]

Վազգեն Շավարշի Մելիքյանը ծնվել է 1956 թվականի հունվարի 29-ին, Երևանում: 1963-1970 թվականներին սովորել է թիվ 50 միջնակարգ դպրոցում: 1973 թվականին ավարտել է Մանուկ Աբեղյանի անվան թիվ 3 դպրոցը: 1973 թվականին ընդունվել է Երևանի պոլիտեխնիկական ինստիտուտ[2]: 1978 թվականին ավարտել է Երևանի պոլիտեխնիկական ինստիտուտի «Տեխնիկական կիբեռնետիկա» ֆակուլտետը: 1981-1984 թվականներին սովորել է Մոսկվայի ինժեներա-ֆիզիկական ինստիտուտի «Էլեկտրոնիկա» ամբիոնի նպատակային ասպիրանտուրայում: 1989-1991 թվականներին գիտական վերապատրաստում է անցել Վիեննայի տեխնիկական համալսարանի Ընդհանուր էլեկտրատեխնիկայի և էլեկտրոնիկայի ինստիտուտում:

Աշխատանքային գործունեություն[խմբագրել | խմբագրել կոդը]

1978 թվականից աշխատել է ԵրՊԻ-ի «Հաշվողական տեխնիկա» ամբիոնում` որպես ճարտարագետ: 1980 թվականից եղել է «Հաշվողական տեխնիկա» ամբիոնի ասիստենտ, 1984 թվականից՝ «Հաշվողական տեխնիկա» ամբիոնի դոցենտ, 1996-2001 թվականներին, միաժամանակ՝ ճարտարագետ հետազոտողի նորաստեղծ կրթական ծրագրի գծով Ասպիրանտական դպրոցի փոխտնօրեն[3]: 2001 թվականից «Միկրոէլեկտրոնային սխեմաներ և համակարգեր» ամբիոնի վարիչն է և «Սինոփսիս Արմենիա» ՓԲԸ ուսումնական դեպարտամենտի տնօրենը[4]: 2018 թվականից «ՀՀ ԳԱԱ տեղեկագիր. Տեխնիկական գիտություններ» հանդեսի գլխավոր խմբագիրն է[5]:

Գիտական գործունեություն[խմբագրել | խմբագրել կոդը]

1984 թվականին Մոսկվայի ինժեներաֆիզիկական ինստիտուտում ստացել է տեխնիկական գիտությունների թեկնածուի գիտական աստիճան, մեկ տարի անց՝ դոցենտի գիտական կոչում, 2006 թվականին՝ տեխնիկական գիտությունների դոկտորի գիտական աստիճան և նույն տարում՝ պրոֆեսորի գիտական կոչում: 2010 թվականին ընտրվել է ՀՀ ճարտարագիտական ակադեմիայի ակադեմիկոս, 2014 թվականին` ՀՀ Գիտությունների ազգային ակադեմիայի թղթակից անդամ:

Վազգեն Մելիքյանը մենագրությունների, 250-ից ավելի գիտական և 130-ից ավելի մեթոդական աշխատանքների հեղինակ է, միջազգային գիտաժողովներում հանդես է եկել 150-ից ավելի զեկուցումներով[6]:

Անդամակցություն[խմբագրել | խմբագրել կոդը]

  • Ռուսաստանի, Ուկրաինայի և Բելառուսի կիրառական ռադիոէլեկտրոնիկայի գիտությունների ակադեմիայի ակադեմիկոս
  • «Մոսկվայի էլեկտրոնային տեխնիկայի ինստիտուտ» Ազգային հետազոտական համալսարանի պատվավոր պրոֆեսոր, 2012

Պարգևներ, մրցանակներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. «ՀՀ գիտությունների ազգային ակադեմիա»։ www.sci.am։ Վերցված է 2019-03-13 
  2. Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 82:
  3. «Վազգեն Շավարշի Մելիքյան -»։ npua.am (հայերեն)։ Վերցված է 2019-03-13 
  4. «Vazgen Shavarsh Melikyan Bio»։ www.synopsys.com (անգլերեն)։ Վերցված է 2019-03-13 
  5. «Վազգեն Մելիքյանը դարձավ «ՀՀ ԳԱԱ տեղեկագիր. Տեխնիկական գիտություններ» հանդեսի գլխավոր խմբագիր»։ www.ankakh.com (անգլերեն)։ Վերցված է 2019-03-13 
  6. Վազգեն Մելիքյան, 60-ամյակի առթիվ