Վիքիպեդիա:Բազմիմաստության փարատում

Այս էջը Հայերեն Վիքիպեդիայի կանոնակարգ է։ Այն հիմնականում սահմանում է չափանիշներ, որոնց խմբագրողները պետք է փորձեն հետևել, չնայած միշտ ընդունվում է առողջ բանականությունը և միշտ կարող են լինել բացառություններ։ Այս էջում բոլոր փոփոխությունները պետք է լինեն համաձայնեցված։ Եթե ունեք առաջարկներ սույն կանոնակարգի վերաբերյալ, կարող եք թողնել այն էջի քննարկման էջում։

Բազմիմաստության փարատումը Վիքիպեդիայում մի գործընթաց է, որի նպատակն է լուծել հոդվածների վերնագրերի կամ անվանումների միջև ծագած հակասությունները, երբ որևէ մեկ եզր կամ անուն կարող է կապակցվել մեկից ավելի տարբեր թեմաների հետ, ինչի արդյունքում այդ եզրը կամ անվանումը բնականոն ընթացքով կարող է վերնագիր դառնալ մեկից ավելի հոդվածների համար։ այլ խոսքերով ասած, բառերի բազմիմաստության կամ տարբեր գործածումների բացահայտումը հստակ ճանաչելի կապեր է տալիս տարբեր հոդվածների հետ, որոնք սկզբունքորեն նույն անունն են կրում։

Օրինակ "Պորտալ" բառը կարող է մի շարք տարբեր բաների վերաբերել, այդ թվում և ճարտարապետական դուռ կամ շքամուտք, համակարգչային խաղ, համացանցային մեծ կայք, մարդու ազգանուն, շինարարական հարմարանք, գիտական ֆանտաստիկայում ընդունված ֆուտուրիստական տրանսպորտային միջոց, նախնադարյա քարե շինություն և այլն։ Քանի որ Վիքիպեդիայի միայն մեկ էջ կարող է ունենալ հիմնական "Պորտալ անվանումը", ուրեմն բառի մյուս իմաստներով կամ օգտագործման տարբերակներով թեմաների համար պետք է օգտագործվեն այլ մենիմաստ անվանումներ, այսինքն Պորտալ (ճարտարապետություն), Պորտալ (համացանց), Պորտալ (համակարգչային խաղ), Պորտալ (գիտական ֆանտաստիկա), Պորտալ (տեխնիկական եզր), Պորտալ (դոլմեններ) և այլն։ Եվ ուստի պետք է մի ձև լինի, որով ընթերցողը կարող է հեշտությամբ գտնել հենց այն յուրահատուկ հոդվածը, որը փնտրում է, և երբ որևէ բազմիմաստ վերնագրի կապերի միջոցով հնարավորություն է տրվում ընթերցողներին արագ ու առանց դժվարության դա անել, ապա հենց դա էլ կոչվում է բազմիմաստության փարատում։ Պորտալի դեպքում Պորտալ ընդհանուր հոդվածից հղում է գնում դեպի բազմիմաստության փարատման էջ, որտեղ թվարկված են բառի մյուս բոլոր իմաստներն ու օգտագործումները կամ տարբերակները։

Այստեղ մենք քննարկում ենք բազմիմաստության փարատման երկու մեթոդներ.

բազմիմաստության փարատման կապեր - կապեր, որոնք դրվում են հոդվածների սկզբում (hatnotes), և հղում են տալիս դեպի նման վերնագրերով կամ նման հասկացությունների այլ հոդվածները, և
բազմիմաստության փարատման էջերը - որոնք ոչ հոդվածային էջեր են, և ընթերցողներին հարմար հղումներ են տալիս դեպի Վիքիպեդիայի այլ հոդվածները։

Երբ կատարել բազմիմաստության փարատման գործողությունը[խմբագրել կոդը]

Բազմիմաստության փարատում պահանջվում է այն բոլոր դեպքերում, երբ որևէ բառի կամ արտահայտության համար, որի համար ընթերցողը կարող է սեղմել «Անցնել» կոճակը, Վիքիպեդիայում (անկախ Վիքիպեդիայի լեզվից) կա մեկից ավելի հոդված, որոնց կարող է վերաբերել այդ բառը կամ արտահայտությունը։ Այդ դեպքում ընթերցողին մի ձև է պետք, որպեսի արագ ու ճիշտ նավարկի այն էջրց , որը հայտնցում է Անցնել վանդակում դեպի ցանկացած մյուս հոդված, որը կարող է լինել նրա որոնման նպատակը։

Կան բազմիմաստության փարատման երեք հիմնական սեցենարներ, որոնց օրինակները բերված են ստորև.

բառի կամ արտահայտության հենց առաջին իսկ էջը (քանի որ հայերեն Վիքիպեդիայում նման օրինակ չկար առայժմ բերվում է անգլերեն Վիքիպեդիայի օրինակը) en:Joker որի առաջին իսկ էջը բազմիմաստության փարատման էջ է, որտեղից կապեր են տրված դեպի «Joker» բառի իմաստով կամ օգտագործումով այլ հոդվածներ.
բառը օրինակ բրաբիոն' ունի իր նախնական կամ հիմնական էջը, որից Վիքիպեդիայի հատուկ նշանային կապ կա դեպի այդ բառի օգտագործման մյուս տարբերակները Բրաբիոն (այլ կիրառումներ).
Էջը օրինակ Ալեքսանդր Դյումա հայր հիմնական էջն է որից հղում կա դեպի միայն մեկ այլ էջ Ալեքսանդր Դյումա որդի (ըստ էության հայերեն Վիքիպեդիայում այդպես չէ, բայց այդպես պետք է լիներ)։ ևս այս դեպքում մյուս բառին հղումը տրված է նշանային կապի միջոցով ուղղակիորեն և բազմիմաստոթւյան փարատման առանձին էջ պետք չէ (հետագայում)։