Սևիլ Ալիևա
| Սևիլ Ալիևա ադրբ.՝ Sevil Əliyeva | |
|---|---|
 | |
| Ծնվել է | հոկտեմբերի 12, 1955 (70 տարեկան) |
| Ծննդավայր | Բաքու, Ադրբեջանական ԽՍՀ, ԽՍՀՄ |
| Քաղաքացիություն |  Ադրբեջան |
| Կրոն | իսլամ |
| Կրթություն | Բաքվի պետական համալսարան |
| Մասնագիտություն | հասարակական գործիչ |
| Ամուսին | Մահմուդ Մամադգուլիև |
| Ծնողներ | հայր՝ Հեյդար Ալիև, մայր՝ Զարիֆա Ալիևա |
| Պարգևներ և մրցանակներ |  |
| Երեխաներ | Azer Aliev? |
Սևիլ Ալիևա (ադրբ.՝ Sevil Heydər qızı Əliyeva, հոկտեմբերի 12, 1955, Բաքու, Ադրբեջանական ԽՍՀ, ԽՍՀՄ), ադրբեջանցի կոմպոզիտոր և Space TV-ի հիմնադիրը[1]: Ալիևների տոհմի ներկայացուցիչ է, Ադրբեջանի նախկին նախագահ Հեյդար Ալիևի դուստրը և ներկայիս նախագահ Իլհամ Ալիևի ավագ քույրը[2]:
Վաղ կյանք
[խմբագրել | խմբագրել կոդը]Սևիլը ծնվել է Բաքվում 1955 թվականին՝ Հեյդար Ալիևի և Զարիֆա Ալիևայի ընտանիքում[3][4]: Վեց տարեկանից սկսել է զբաղվել երաժշտությամբ[3]: 1974 թվականին, երբ նրա հայրը՝ Հեյդար Ալիևը, նշանակվել է ԽՍՀՄ Նախարարների խորհրդի նախագահի առաջին տեղակալ (համարժեք է փոխվարչապետի), ամբողջ ընտանիքը, այդ թվում՝ նրա կրտսեր եղբայր՝ Իլհամ Ալիևը (որը այդ ժամանակ սովորում էր Մոսկվայի միջազգային հարաբերությունների պետական ինստիտուտում), տեղափոխվել է Մոսկվա[2]:
Սևիլի համահեղինակներն են հայտնի խորհրդային երգահաններ՝ Միխայիլ Տանիչը, Նիկոլայ Դոբրոնրավովը, Իլյա Ռեզնիկը, Միխայիլ Պլյացկովսկին, իսկ նրա երգերը կատարել են Մուսլիմ Մագոմաևը և Ռադմիլա Կարակլայիչը[5][6]: 1986 թվականին Սևիլը դարձել է «Երգ-86»-ի դափնեկիր՝ որպես «Буду» («Փոքրիկ նավակ», կատարող՝ Ռադմիլա Կարակլաիչ) երգի երաժշտության հեղինակ։
Հետխորհրդային կյանք
[խմբագրել | խմբագրել կոդը]1998 թվականին Սևիլը լքել է Ադրբեջանը և տեղափոխվել է Լոնդոն[7][8]: Այնտեղ Սևիլի երեխաները ստացել են միջնակարգ և բարձրագույն կրթություն[8]։ Սևիլի Ադրբեջան կատարած հազվագյուտ այցելություններից մեկը տեղի է ունեցել 2003 թվականին, երբ մահացել է նրա հայրը՝ Հեյդար Ալիևը[7]:
2009 թվականին մի քանի թերթեր հաղորդել են նրա քաղաքականությամբ զբաղվելու փորձերի մասին, սակայն Սևիլը հերքել է այդ լուրերը[7][9]: Սևիլ Ալիևան զրկված է առանց իր եղբոր՝ Ադրբեջանի նախագահ Իլհամ Ալիևի համապատասխան գրավոր համաձայնության հայրենիք այցելելու հնարավորությունից[1]:
2011 թվականին Մոսկվայի Իգոր Բուտմանի ջազ ակումբում տեղի է ունեցել Սևիլի «Սևիլի պատկերասրահ» ալբոմի շնորհանդեսը (Ալիևների ընտանիքի անդամները շնորհանդեսին չեն մասնակցել)[1][10]:
Ընտանիք
[խմբագրել | խմբագրել կոդը]Սևիլը ամուսնացել է Մահմուդ Մամեդգուլիևի հետ[3], որը 1993 թվականից ի վեր զբաղեցնում է Ադրբեջանի փոխարտգործնախարարի պաշտոնը։ Ունի մեկ դուստրը՝ Զարիֆա Ալիևան (ոչ թե հոր, այլ հայտնի պապի՝ Հեյդար Ալիևի ազգանունն է կրում)[4], երկու որդի՝ Ազեր Ալիև (ոչ թե հոր, այլ հայտնի պապի՝ Հեյդար Ալիևի ազգանունը)[4] և Գիրաֆ Ալիևը (ոչ թե հոր, այլ հայտնի պապի՝ Հեյդար Ալիևի ազգանունը)[8]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 «Севиль Алиева может сместить своего брата до конституционного референдума». www.aysor.am (ռուսերեն). 2016 թ․ օգոստոսի 24.
- ↑ 2,0 2,1 «THE FIRST FIRST LADY». May-June 2013. Վերցված է 2024 թ․ մարտի 29-ին.
- ↑ 3,0 3,1 3,2 «Севиль Алиева». Վերցված է 2024 թ․ մարտի 29-ին.
- ↑ 4,0 4,1 4,2 «Севиль Алиева: 'Его потеря была для меня трагедией'». 2014 թ․ մայիսի 12. Վերցված է 2024 թ․ մարտի 29-ին.
- ↑ «Севиль Алиева – Песни Севиль Алиевой. Двенадцать Месяцев Надежды». www.discogs.com (ռուսերեն). 1989.
- ↑ «Алиева Севиль». records.su (ռուսերեն).
- ↑ 7,0 7,1 7,2 «Почему президент Азербайджана Ильхам Алиев выгнал из Азербайджана свою родную сестру Севиль Алиеву». 2019 թ․ նոյեմբերի 18. Վերցված է 2024 թ․ մարտի 29-ին.
- ↑ 8,0 8,1 8,2 «Bu da Sevil Əliyevanın yaraşıqlı OĞULLARI - FOTOLAR, xeberler». BiG.Az (ադրբեջաներեն). Արխիվացված օրիգինալից 2024 թ․ փետրվարի 21-ին. Վերցված է 2024 թ․ փետրվարի 21-ին.
- ↑ «A Challenger In Azerbaijan's Ruling Family?». 2009 թ․ ապրիլի 30. Վերցված է 2024 թ․ մարտի 29-ին.
- ↑ «The Gallery of Sevil». open.spotify.com (անգլերեն). 2011.
