Ստեփանծմինդա

Քաղաքատիպ ավան
Ստեփանծմինդա
վրաց.՝ სტეფანწმინდა
Դրոշ Զինանշան
Երկիր	Վրաստան
Ենթարկում	վարչական կենտրոն
Մխարե	Մցխեթ ՄթիանեթՄցխեթ-Մթիանեթ | Մցխեթ Մթիանեթ
Շրջան	Կազբեգի շրջան
Համայնք	Ղազբեգի շրջան
ԲԾՄ	1750 մ
Կլիմայի տեսակ	լեռնային
Պաշտոնական լեզու	վրացերեն
Խոսվող լեզուներ	Վրացերեն
Բնակչություն	1326 մարդ (2014)
Ազգային կազմ	վրացիներ
Կրոնական կազմ	Վրաց ուղղափառ եկեղեցի
Ժամային գոտի	UTC+4
Հեռախոսային կոդ	(+995) 245
Պաշտոնական կայք	kazbegi.gov.ge
Ստեփանծմինդա (Վրաստան)
Ստեփանծմինդա Վիքիպահեստում

Ստեփանծմինդա (վրաց.՝ სტეფანწმინდა , նախկինում կոչվել է նաև Կազբեգ), քաղաքատիպ ավան Վրաստանի հյուսիս-արևելքում, Մցխեթ Մթիանեթ մխարեի կազմում գտնվող Ղազբեգի շրջանի վարչական կենտրոնը։

Ստեփանծմինդան հանքաջրաբուժական առողջարանային քաղաք է Վրաստանում, որը գտնվում է մայրաքաղաք Թբիլիսիից 165 կմ հյուսիս և 43 կմ հարավ Վլադիկավկազից։ Բնակավայրը գտնվում է Մեծ Կովկասի կենտրոնական հատվածում՝ Կազբեկ լեռան ստորոտին, ռազմավիրական ճանապարհի վրա, Ռուսաստանի Դաշնության սահմանից 11 կմ դեպի հարավ (ծովի մակարդակից 1744 մետր բարձրության վրա)։

Գյուղում կան վարչակազմական օբյեկտներ՝ մշակութային, կրթական և առողջարանային օբյեկտներ, ինչպես նաև գյուղատնտեսական արտելներ և հանքային ջրի շշալցման արտադրատեղեր։

Կլիմա

Ստեփանծմինդայի ռելիեֆը բացառիկորեն գեղատեսիլ է։ Քաղաքի հովտում վեր է խոյանում հավերժական ձյունով պատված Կազբեկ լեռնագագաթը՝ 5033,8 մետր բարձրությամբ։ Բուսականությունը ներկայացված է փշատերև և սաղարթավոր անտառներ տեսքով (եղևնի, սոճի, կեչի և այլն)։

Ստեփանծմինդայի կլիման բնութագրվում է կայուն ձյան ծածկույթով մեղմ ձմեռներով (հունվարյան միջին ջերմաստիճանը կազմում է -5 °C) և չափավոր տաք ամառներով (օգոստոսյան միջին ջերմաստիճանը կազմում է 14 °C)։ Օդի հարաբերական խոնավությունը 72 % է, իսկ տարեկան տեղումների քանակը՝ 800 մմ։

Կլիման հիմնականում լեռնային է։ Ավանը խոշոր զբոսաշրջային կենտրոն և առողջարան է։

Աղբյուրներ

• "Kazbegi." Georgian Soviet Encyclopedia. Vol. 10, Tbilisi, 1984, pp. 617
• Rosen, Roger. Georgia: A Sovereign Country of the Caucasus. Odyssey Publications: Hong Kong, 1999. ISBN 962-217-748-4

Վիքիպահեստն ունի նյութեր, որոնք վերաբերում են «Ստեփանծմինդա» հոդվածին։