Եթե հատուկ նշված չէ, ապա բոլոր արժեքները բերված են ստանդարտ պայմանների համար (25 °C, 100 կՊա)
Ստեարին (ֆրանսերեն՝ stearine, < հին հունարեն՝ στέαρ — ճարպ), տեխնիկական ստեարինաթթու, բարձրակարգ ճարպային կարբոնաթթուների (հիմնականում ստեարինաթթվի և պալմիտինաթթվի) խառնուրդ։ Սպիտակ կամ դեղնավուն կիսաթափանցիկ զանգված է, հալման ջերմաստիճանը՝ 53-65 °C, խտությունը՝ 920 կգ/մ³ (20 °C)։ Ստանում են կենդանական ճարպերի հիդրոլիզատների թորումից կամ բուսական յուղերի չհագեցած թթուների հիդրումով։ Ստեարին օգտագործվում է ռետինի արդյունաբերության, մոմերի արտադրության (պարաֆինի հետ) մեջ։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 112)։
