Ստանիսլավ Վիկենտևիչ Կոսիոր (նոյեմբերի 6 (18), 1889[1], Վենգրուվ, Węgrów County, Մազովեցի վոյեվոդություն, Լեհաստան[1] - փետրվարի 26, 1939(1939-02-26)[2], Մոսկվա, ԽՍՀՄ), սովետական պետական և կուսակցական գործիչ։ Կոմունիստական կուսակցության անդամ 1907 թ.-ից։ Փետրվարյան հեղափոխությունից (1917 թ.) հետո եղել է կուսակցության Նարվա-Պետերգոֆյան շրջանային կոմիտեի, ՌՄԴԲ(բ)ԿՊետրոգրադի կոմիտեի և նրա գործադիր կոմիտեի անդամ, մասնակցել է ՌՍԴԲ(բ)կ VII (ապրիլյան) կոնֆերանսին և ՌՍԴԲ (բ) կ VI համագումարին։ Մասնակցել է Հոկտեմբերյան հեղափոխությանը (1917 թ.)։ Ուկրաինայի կոմկուսի ՈւԿ(բ)կ կազմակերպիչներից է։ 1918 թ.-ին ընտրվել է ՈւԿ(բ)Կ ընդհատակյա աջափնյա կոմիտեի քարտուղար։ 1919 թ.-ին ղեկավարել է ՈւԿ(բ)կ ԿԿ Անդրճակատային բյուրոն, Դենիկինի զորքերի թիկունքում տարվող ընդհատակյա աշխատանքները։ 1920 թ.-ին եղել է ՈւԿ(բ)կ ԿԿ, 1922 թ.-ից՝ ՌԿ(բ)կ ԿԿ Սիբիրյան բյուրոյի, 1925-1928 թթ.-ին՝ ՀամԿ(բ)կ ԿԿ-ի քարտուղար, 1928 թ.-ից՝ ՈւԿ(բ)կ ԿԿ-ի գլխավոր քարտուղար, 1938 թ.-ի հունվարից՝ ՄՄՀՄ ժողկոմխորհի նախագահի տեղակալ։ Կուսակցության XII — XVII համագումարների պատգամավոր, XII համագումարում ընտրվել է կուսակցության ԿԿ-ի անդամության թեկնածու, XIII — XVII-ում՝ անդամ։ 1927 թ.-ից՝ ՀամԿ(բ)կ ԿԿ-ի քաղբյուրոյի անդամության թեկնածու, 1930 թ.-ից՝ անդամ։ Կոմինտերնի VI, VII կոնգրեսների պատգամավոր։ Ընտրվել է ԽՍՀՄԿԳԿ նախագահության անդամ։ Պարգևատրվել է Լենինի շքանշանով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 605)։
Ռուսական կայսրություն, .svg){kind=small}
Ուկրաինական ԽՍՀ և .svg){kind=small}
ԽՍՀՄ
