Սվետլանա Կոլոսարյան
| Սվետլանա Կոլոսարյան | |
|---|---|
| Ծնվել է | հունվարի 24, 1939 (85 տարեկան) Ռիբնիցա, Մոլդովական ԻԽՍՀ, Ուկրաինական ԽՍՀ, ԽՍՀՄ |
| Երկիր |  ԽՍՀՄ և  Հայաստան |
| Մասնագիտություն | օպերային երգչուհի |
| Գործիքներ | վոկալ |
| Աշխատավայր | Ալեքսանդր Սպենդիարյանի անվան օպերայի և բալետի ազգային ակադեմիական թատրոն և Երևանի Կոմիտասի անվան պետական կոնսերվատորիա |
| Կրթություն | Սանկտ Պետերբուրգի կոնսերվատորիա (1957), Ռուսաստանի Գնեսինների անվան երաժշտության ակադեմիա (1963) և Երևանի Կոմիտասի անվան պետական կոնսերվատորիա (1967) |
| Պարգևներ | |
Սվետլանա Վլադիմիրի Կոլոսարյան (հունվարի 24, 1939, Ռիբնիցա, Մոլդովական ԻԽՍՀ, Ուկրաինական ԽՍՀ, ԽՍՀՄ), հայ օպերային երգչուհի։ Հայաստանի վաստակավոր մանկավարժ (2011)[2]։
Կենսագրություն[խմբագրել | խմբագրել կոդը]
Սվետլանա Կոլոսարյանը ծնվել է 1939 թվականի հունվարի 24-ին, Մոլդովայի Ռիբնիցա քաղաքում։ 1956-1957 թվականներին սովորել է Սանկտ Պետերբուրգի Ն. Ռիմսկի-Կորսակովի անվան պետական կոնսերվատորիայում, 1960-1963 թվականներին՝ Գնեսինների անվան ռուսական երաժշտական ակադեմիայում, 1963-1967 թվականներին՝ Երևանի Կոմիտասի անվան պետական կոնսերվատորիայում։ 1965 թվականից աշխատել է Երևանի Ալեքսանդր Սպենդիարյանի անվան օպերայի և բալետի պետական ակադեմիական թատրոնում որպես մեներգչուհի։ 1977 թվականից դասավանդում է Երևանի Կոմիտասի անվան պետական կոնսերվատորիայում, որտեղ 1998-2017 թվականներին եղել է մեներգեցողության թիվ 2 ամբիոնի վարիչը (1997 թվականից՝ պրոֆեսոր)[3]։
Կոլոսարյանի խաղացանկում ընդգրկված են եղել տարբեր կոմպոզիտորների ստեղծագործություններ։ Հանդես է եկել արևմտաեվրոպական, ռուս և հայ կոմպոզիտորների հեղինակած մի շարք օպերային ներկայացումներում։
Դերերգեր[խմբագրել | խմբագրել կոդը]
| Հեղինակ | ՍՏեղծագործություն | Դեր |
|---|---|---|
| Ժորժ Բիզե | «Կարմեն» | Միքայելա |
| Ջուզեպպե Վերդի | «Օթելլո» | Դեզդեմոնա |
| Ջուզեպպե Վերդի | «Պարահանդես-դիմակահանդես» | Տիբո |
| Ջուզեպպե Վերդի | «Դոն Կարլոս» | Մունետիկ |
| Շառլ Գունո | «Ֆաուստ» | Մարգարիտա |
| Ռուջերո Լեոնկավալո | «Պայացներ» | Նեդդա |
| Ջակոմո Պուչչինի | «Չիո-Չիո-Սան» | Բատերֆլայ |
| Ջակոմո Պուչչինի | «Բոհեմ» | Միմի |
| Պյոտր Չայկովսկի | «Եվգենի Օնեգին» | Տատյանա |
| Պյոտր Չայկովսկի | «Պիկովայա դամա» | Լիզա |
| Պյոտր Չայկովսկի | «Իոլանտա» | Իոլանտա |
| Գևորգ Արմենյան | «Խորտակում» | Նազիկ |
Պարգևներ[խմբագրել | խմբագրել կոդը]
Հայրենի արվեստի և մշակույթի զարգացման գործում ունեցած մեծ վաստակի համար 2011 թվականին արժանացել է Հայաստանի վաստակավոր մանկավարժ կոչմանը[2][4]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ http://xn--y9aaah2cva0b.xn--y9a3aq/hy/decrees/item/580
- ↑ 2,0 2,1 Հայաստանի նախագահի նստավայրում Հայաստանի անկախության 20-ամյակի առթիվ պետական բարձր պարգևները Նախագահ Սերժ Սարգսյանից ստացած անձինք
- ↑ «Սվետլանա Կոլոսարյանի կենսագրությունը avproduction.am կայքում». Արխիվացված է օրիգինալից 2022 թ․ հունվարի 19-ին. Վերցված է 2020 թ․ մայիսի 14-ին.
- ↑ Հայաստանի պատվավոր կոչումներ շնորհելու մասին
- Հունվարի 24 ծնունդներ
- 1939 ծնունդներ
- Ապրող անձինք
- Երևանի Կոմիտասի անվան պետական կոնսերվատորիայի գիտական անձնակազմ
- Սանկտ Պետերբուրգի կոնսերվատորիայի շրջանավարտներ
- Երևանի Կոմիտասի անվան պետական կոնսերվատորիայի շրջանավարտներ
- ՀՀ վաստակավոր մանկավարժներ
- Անձինք այբբենական կարգով
- Երաժիշտներ այբբենական կարգով
- Հայ օպերային երգչուհիներ