Սվետլանա Կոլեսնիչենկո
| Սվետլանա Կոլեսնիչենկո | |
|---|---|
.jpg) | |
| Անձնական տեղեկություն | |
| Սեռ՝ | իգական |
| Մասնագիտացում՝ | synchronized swimmer և լողորդ |
| Երկիր՝ |  Ռուսաստան[1] |
| Ծննդյան ամսաթիվ՝ | սեպտեմբերի 20, 1993 (30 տարեկան) |
| Ծննդավայր՝ | Գատչինա, Լենինգրադի մարզ, Ռուսաստան |
Սվետլանա Կոնստանտինովնա Կոլեսնիչենկո (ռուս.՝ Светлана Константиновна Колесниченко, սեպտեմբերի 20, 1993, Գատչինա, Լենինգրադի մարզ, Ռուսաստան), ռուս մարզուհի (գեղալող, անհատական, զույգով և խմբային վարժություններ)։ 2016 թվականի Օլիմպիական խաղերի չեմպիոն, աշխարհի 16-ակի և Եվրոպայի 11-ակի չեմպիոն։
Կարիերա[խմբագրել | խմբագրել կոդը]
2010 թվականի սեպտեմբերին Չինաստանի Չանշու քաղաքում Սվետլանա Կոլեսնիչենկոն Ռուսաստանի հավաքականի կազմում դարձել է աշխարհի գեղալողի գավաթի եռակի դափնեկիր խմբային վարժություններում[2]։
2011 թվականին Շանհայում անցկացված աշխարհի առաջնությունում Սվետլանա Կոլեսնիչենկոն երեք անգամ բարձրացել է պատվո հարթակի ամենաբարձր աստիճանին խմբի կազմում[3]։
2013 թվականին Կազանում անցկացված ամառային Ունիվերսիադայում Սվետլանա Կոլեսնիչենկոն դարձել է չեմպիոն զույգերի վարժություններում Սվետլանա Ռոմաշինայի հետ[4] և խմբի կազմում։
Նույն թվականի հուլիսին Բարսելոնայում անցկացված աշխարհի առաջնությունում նվաճել է ոսկե մեդալներ զույգերի և խմբային ծրագրերում։
2016 թվականի Օլիմպիական խաղերում Սվետլանա Կոլեսնիչենկոն դարձել է օլիմպիական չեմպիոն խմբային վարժություններում։
2017 թվականի աշխարհի առաջնությունում Սվետլանա Կոլեսնիչենկոն կատարել է նորամուտը անհատական մրցաշարում՝ նվաճելով երկու ոսկե մեդալ։ Դրանից բացի, նա Ալեքսանդրա Պացկևիչի հետ արժանացել է երկու ոսկե մեդալների զույգերի ծրագրում՝ այդպիսով դառնալով 2017 թվականի աշխարհի առաջնության քառակի չեմպիոն։
2018 թվականի Եվրոպայի առաջնությունում ոսկե մեդալներ է նվաճել զույգերով ազատ և տեխնիկական ծրագրերում[5][6]։
2020 թվականի Օլիմպիական խաղերում ոսկե մեդալներ է նվաճել Սվետլանա Ռոմաշինայի հետ զույգով[7], ինչպես նաև Ռուսաստանի խմբի կազմում։
Պարգևներ[խմբագրել | խմբագրել կոդը]
- Ռուսաստանի Դաշնության նախագահի պատվոգիր (19 հուլիսի, 2013 թվական) – 2013 թվականին Կազանում անցկացված XXVII Համաշխարհային ամառային ունիվերսիադայում մարզական բարձր նվաճումների համար[8]
- Բարեկամության շքանշան (25 օգոստոսի, 2016 թվական) – 2016 թվականի Ռիո դե Ժանեյրոյի XXXI Օլիմպիական խաղերում մարզական բարձր նվաճումների համար, հաղթանակի նկատմամբ կամք և նպատակասլացություն ցուցաբերելու համար[9]
- Ռուսաստանի սպորտի վաստակավոր վարպետ (2011)
- Պատվո շքանշան (11 օգոստոսի, 2021 թվական) – հայրենական սպորտի զարգացման գործում ունեցած մեծ ավանդի, սպորտային բարձր նվաճումների, հաղթանակի նկատմամբ կամքի, տոկունության ու նպատակասլացության համար, որ ցուցաբերվել են 2020 թվականի XXXII Օլիմպիական խաղերում Տոկիո քաղաքում (Ճապոնիա)[10]։
Ծանոթագրություններ[խմբագրել | խմբագրել կոդը]
- ↑ https://olympics.com/tokyo-2020/olympic-games/fr/resultats/natation-artistique/profil-de-l-athlete-n1431699-kolesnichenko-svetlana.htm
- ↑ «Жительница Гатчины Светлана Колесниченко»։ Արխիվացված է օրիգինալից 2016-03-04-ին։ Վերցված է 2013-07-23
- ↑ Гатчина — родина успеха Светланы Колесниченко
- ↑ В копилке Ленинградкой области первая золотая медаль на Универсиаде в Казани
- ↑ «Duet technical routine – Final»։ 2018 European Aquatics Championships։ Արխիվացված է օրիգինալից 29 July 2020-ին։ Վերցված է 29 July 2020
- ↑ «Duet free routine – Final»։ 2018 European Aquatics Championships։ Արխիվացված է օրիգինալից 29 July 2020-ին։ Վերցված է 29 July 2020
- ↑ «Российские синхронистки завоевали золото в дуэте на шестой Олимпиаде подряд»։ ТАСС։ Վերցված է 2021-08-04
- ↑ «Распоряжение Президента Российской Федерации от 19.07.2013 № 277-рп «О поощрении»» (ռուսերեն)։ Официальный интернет-портал правовой информации։ 2013-07-22։ Արխիվացված է օրիգինալից 2013-09-21-ին։ Վերցված է 2013-08-08
- ↑ Указ Президента Российской Федерации от 25.08.2016 № 429 «О награждении государственными наградами Российской Федерации»
- ↑ Указ Президента Российской Федерации от 11 августа 2021 года № 463 «О награждении государственными наградами Российской Федерации»
|
