Սվետլանա Ավագյան (գրող)

Սվետլանա Ավագյան
Ծննդյան անուն	ռուս.՝ Светлана Добровольская
Ծնվել է	հոկտեմբերի 26, 1935
Ծննդավայր	Թիֆլիս, ԱԽՖՍՀ, ԽՍՀՄ
Վախճանվել է	մարտի 6, 2016 (80 տարեկան)
Վախճանի վայր	Երևան, Հայաստան
Մասնագիտություն	գրող, լրագրող, թարգմանչուհի և թատերագետ
Քաղաքացիություն	ԽՍՀՄ և Հայաստան
Կրթություն	Երևանի պետական համալսարան և Մոսկվայի պոլիգրաֆիայի ինստիտուտ
Անդամակցություն	ՀԳՄ, Հայաստանի թատերական գործիչների միություն և Հայաստանի ժուռնալիստների միություն
Աշխատավայր	Երևանի պետական համալսարան
Ամուսին	Էդուարդ Ավագյան

Անվան այլ կիրառումների համար տե՛ս՝ Սվետլանա Ավագյան (այլ կիրառումներ)

Սվետլանա Վլադիմիրի Ավագյան (օրիորդական ազգանունը՝ Դոբրովոլսկայա, հոկտեմբերի 26, 1935(1935-10-26), Թիֆլիս, ԱԽՖՍՀ, ԽՍՀՄ - մարտի 6, 2016(2016-03-06), Երևան, Հայաստան^[1]), հայ գրող, լրագրող, թարգմանչուհի, թատերագետ, Հայաստանի գրողների միության, Թատերական գործիչների և Ժուռնալիստների միությունների անդամ^[2]։

Կենսագրություն[խմբագրել | խմբագրել կոդը]

Սվետլանա Ավագյանը ծնվել է Թբիլիսիում, ՀԽՍՀ ժողովրդական դերասան Վլադիմիր Դոբրովոլսկու ընտանիքում։ Ավարտել է Երևանի պետական համալսարանի բանասիրական ֆակուլտետի ռուսական բաժինը։ Եղել է Երևանի պետական համալսարանի հրատարակչության ավագ խմբագիրը։ Միաժամանակ, ավարտել է Մոսկվայի Հրատարակչությունների ինստիտուտի բարձր որակավորման դասընթացը։ Ռուսերեն է թարգմանել հայ ժամանակակից գրողների ստեղծագործությունները, որոնք տպագրվել են մոսկովյան տարբեր հանդեսներում, «Լիտերատուրնայա Արմենիա» ամսագրում, նաև առանձին գրքերով։ Թարգմանություններ է կատարել Էդվարդ Ավագյանից, Խաժակ Գյուլնազարյանից, Հրանտ Մաթևոսյանից, Ալվարդ Պետրոսյանից, Լևոն Խեչոյանից, Գուրգեն Խանջյանից^[3]։