Սպիտակափոր դռլոն

Վիքիպեդիայից՝ ազատ հանրագիտարանից
Jump to navigation Jump to search
Սպիտակափոր դռլոն

Սպիտակափոր դռլոն (Pterocles alchata), դռլոնների ընտանիքի թռչուն։ Պատահական չվահյուր է։ Մարմնի երկարությունը 31-39 սմ է, թևերի բացվածքը՝ 54-65 սմ։ Մարմինը ներքևից սպիտակ է, պոչի կենար, փետուրները՝ երկար։ Բնադրման շրջանում արուի դիմային մասը նարնջագույն է, ակնաշերտը և կզակը՝ սև, կրծքին կա նարնջավարդագույն շերտ։ Մարմինը վերևից կանաչավուն է՝ դեղին պտերով։ Էգի մարմինը վերևից բաց դարչնագույն-դեղին է՝ սև ու մոխրագույն մարմարյա նախշերով։

Երամային է։ Սպիտակափոր դռլոնները մեծ խմբերով հավաքվում են մաքուր ջրով ջրափոսերի մոտ։ Թռիչքը թևերի արագ և խորը թափահարումներով է, որոնք ընդհատվում են կարճ սահասավառնումներով։ Քայլում է շորորալով, վազում թփթփոցով։ Բնակվում է կիսաանապատներում, ցածրադիր նախալեռներում։

Սնվում է հիմնականում բույսերով։ Կենսակերպն ուսումնասիրված է մասնակի։


Այս հոդվածի կամ նրա բաժնի որոշակի հատվածի սկզբանական տարբերակը վերցված է Հայաստանի բնաշխարհ հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png