Սպիտակաչք որոր կամ կարմիրծովյան որոր (լատին․՝ Ichthyaetus leucophthalmus), թռչունների դաս, որորների ընտանիք (Laridae)[1]: Տարածվածությունը սահմանափակվում է համեմատաբար փոքր տարածքով՝ Կարմիր ծովով և Ադենի ծոցով, որտեղ տեսակները բույն են դնում առափնյա կղզիներում։
Սպիտակաչք որորները դրանք բարակ, միջին մեծության են։ Մարմնի երկարությունը 39-43 սմ, թևերի երկարությունը՝ 100-109 սմ։ Այս տեսակը մոտավորապես նույն չափի է, ինչ մոխրագույն որորը։ Զուգավորման շրջանում գլուխը, վիզը սև է, աչքերի վերևում և ներքևում լայն սպիտակ կիսալուսին է։ Կրծքավանդակը և ուսերը բաց մոխրագույն են, հետևի և վերին ծածկոցները՝ մուգ մոխրագույն, մնացած ողնաշարն ու պոչը՝ սպիտակ։ Թևերի հիմքերը մոխրագույն են, իսկ մնացած մասերը՝ սև։ Երկար և բարակ կտուցը երկգույն է՝ կարմիր հիմքով և սև գագաթով։ Ծիածանաթաղանթը մուգ է, ոտքերը բաց դեղնականաչավուն։
Սպիտակաչք որորները հիմնականում կեր են փնտրում ծովի ափերին, մի քանի եգիպտական պոպուլյացիաներ օգտվում են աղբավայրերից՝ որպես սննդի աղբյուր։ Սնունդը բաղկացած է ձկներից, խեցգետնանմաններից, կակղամորթերից, օղակավոր որդերից և դեն նետված մնացորդներից։ Տեսակները բույն են դնում ափամերձ, զառիվայր կղզիներում՝ լողափին մոտ գտնվող ազատ գաղութներում։ Բները տեղակայված են բուսականությունից զերծ, ժայռոտ տեղանքում կամ ավազոտ տարածքներում։ Բույնը դա փորվածք է գետնի մեջ, որը շրջապատված է փոքր քանակությամբ նյութով։
PERSGA/GEF 2004. Regional Action Plan for the Conservation of Breeding Seabirds and their Habitats in the Red Sea and Gulf of Aden. PERSGA, Jeddah: S. 48 PDFԱրխիվացված 2019-02-15 Wayback Machine.
Porter R. F., Christensen S. und Schiermacker-Hansen P. 2004. Birds of the Middle East. Princeton University Press, Princeton und Oxford: S. 90—91 und 305—306, ISBN 978-0-691-12104-8.
Svensson L., Grant P. J., Mullarney K., Zetterström D. 1999. Der neue Kosmos Vogelführer. Kosmos, Stuttgart: S. 182—183, ISBN 3-440-07720-9.
Սպիտակաչք որոր
Սպիտակաչք որորը թռչելիս
Սպիտակաչք որորի տարածման արեալ
