Վիքիպեդիա:Ջնջման առաջադրված հոդվածներ

Ջնջման առաջադրված հոդվածներ

Բարի գալուստ Հայերեն Վիքիպեդիայի ջնջման առաջադրված հոդվածների քննարկումների հարթակ։ Այս էջում համայնքը որոշում է կայացնում ջնջման ներկայացված հոդվածների վերաբերյալ։ Հոդվածները ջնջման են ներկայացվում ըստ Վիքիպեդիայի Ջնջման կանոնակարգի:

Քվեարկելու ժամանակ ցանկալի է օգտագործել {{Ջ}} (ջնջել) և {{Թ}} (թողնել) կաղապարները կողմ կամ դեմ արտահայտվելու համար։

Ջնջման կանոնակարգը գտնվում է այստեղ, այդ պայմանները ուշադիր կարդալու դեպքում պարզ է դառնում (խոսքը արագ ջնջման ոչ ենթակա հոդվածների մասին է), որ հոդվածը ենթակա է պարտադիր ջնջման, եթե քվեարկության իրավունք ունեցողների (այսինքն քննարկման այն մասնակիցների, ովքեր օժտված են այդ իրավունքով) 75 տոկոսը (դեմ և կողմ ձայների հանրագումարի հանդեպ) կողմ է արտահայտվել ջնջմանը (հիմնավորված պատճառաբանությամբ), մնացած դեպքերում, 7-30 օրվա ընթացքում, ադմինները քննարկման ընթացքում ձևավորված կոնսենսուսի համաձայն պետք է որոշեն՝ ջնջել, թե թողնել հոդվածը։

Կարևոր է՝ Քննարկումներին կարող են մասնակցել այն մասնակիցները, որոնք բավարարում են քվեարկության մասնակցության կանոնակարգի պահանջներին: Մյուս մասնակիցները կարող են մասնակցել քննարկմանը, բայց նրանց ձայնը կունենա խորհրդատվական նշանակություն:

Ստուգի՛ր քննարկմանը մասնակցելու քո իրավունքը

Ավելացնել ջնջման նոր թեկնածու։

Հին թեկնածուներն այստեղ են:

ՎՊ:ՋԱՀ

Ուշադրություն. Նոր քննարկում սկսելու համար ներքևում ավելացնել.

==[[Հոդված]]==
:{{la|Հոդված}}
Ձեր պատճառաբանությունը--~~~~

↓	Նոր թեմաներն ավելացրեք ներքևից։ Ավելացնել…

Աշոտ_Հայրապետյան_(զինվորական)

Ջնջել, նշանակալիություն --Բեքո^{Քննարկում} 13:16, 27 Մարտի 2021 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Հոդվածում ցույց չի տրված անձի նշանակալիությունը։ Թեման շատ զգայուն է, գնահատում ենք բոլորի սխրանքները, սակայն հանրագիտարանի եղած չափանիշներին չի բավարարում։ Խնդրում եմ համայնքը ակտիվ մասնակցի, քանի որ այս քննարկումը կարող է նախադեպ դառնալ նմանօրինակ այլ հոդվածների համար։--Ավետիսյան91 (քննարկում) 06:53, 15 Փետրվարի 2021 (UTC)

քննարկենք եթե հնարավոր է մի ընդհանուր մեծ հոդված ստեղծենք, այսպես ասած կարճ-կարճ գրենք յուրաքանչյուր զոհված հերոսի համար: --ERJANIK (քննարկում) 17:46, 15 Փետրվարի 2021 (UTC)

«Արցախյան երկրորդ պատերազմի մարտական ծառայության մեդալակիրների ցանկ», այս հոդվածի օրինակով կարող ենք ցանկեր ստեղծել մյուս բոլոր մեդալակիրների և պարգևի արժանացածների համար, իսկ ցանկերում էլ՝ որոշ նշումներ, հավելյան տեղեկություններ անձանց մասին։ Անձանց մասին օրինակ չգտա, բայց Մեծ Հայքի գավառների ցանկ հոդվածի օրինակով կարող ենք անել։ Ե՛վ ցանկը կլինի հանրագիտարանային, և՛ անձանց մասին ինֆորմացիան չի կորչի։--Ավետիսյան91 (քննարկում) 19:44, 15 Փետրվարի 2021 (UTC)

Համաձայն եմ Ավետիսյան91-ի առաջարկի հետ։ «Նշանակալիություն» կանոնակարգի «Նշանակալիություն և ցանկեր» բաժնի՝ առաջարկում եմ այբբենական կարգով կազմել 2020 թվականի սեպտեմբերի 27-ից սկսված հայ-ադրբեջանական պատերազմի հայկական կողմի զոհերի ընդհանուր ցանկ առանց մեդալային առանձնացման։ Մեջբերում եմ նշածս կանոնակարգից հատված՝ «Ցանկերը համարվում են նշանակալի եթե նշանակալի է ցանկի ընդհանուր խումբը: Ցանկի որևէ տարր կարող է չլինել անկախ սակայն ցանկի ընդհանուր տարրերի խումբը պետք է լինի նշանակալի և բավարարի նշանակալիության հիմնական կանոնին:»--Գարդմանահայ (քննարկում) 20:35, 18 Փետրվարի 2021 (UTC)

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Վահե_Հովակիմյան_(զինվորական)

Ջնջել, նշանակալիություն --Բեքո^{Քննարկում} 13:16, 27 Մարտի 2021 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

նշանակալիությունը ցույց տրված չէ--Voskanyan (քննարկում) 14:30, 17 Փետրվարի 2021 (UTC)

Ջնջել ոչ նշանակալի։--Ավետիսյան91 (քննարկում) 14:35, 17 Փետրվարի 2021 (UTC)

Մեկնաբանություն՝ Քանի որ Հայերեն Վիքիպեդիայի կանոնակարգերով սույն հոդվածը միգուցե ջնջման է ենթակա, առաջարկում եմ «Նշանակալիություն» կանոնակարգի «Նշանակալիություն և ցանկեր» բաժնի համաձայն այբբենական կարգով կազմել 2020 թվականի սեպտեմբերի 27-ից սկսված հայ-ադրբեջանական պատերազմի հայկական կողմի զոհերի ընդհանուր ցանկ առանց մեդալային առանձնացման։ Մեջբերում եմ նշածս կանոնակարգից հատված՝ «Ցանկերը համարվում են նշանակալի եթե նշանակալի է ցանկի ընդհանուր խումբը: Ցանկի որևէ տարր կարող է չլինել անկախ սակայն ցանկի ընդհանուր տարրերի խումբը պետք է լինի նշանակալի և բավարարի նշանակալիության հիմնական կանոնին:»--Գարդմանահայ (քննարկում) 20:44, 18 Փետրվարի 2021 (UTC)

Թողնել Կարծում եմ, որ սա այնպիսի կարևոր թեմա է, որ պետք է խրախուսվի, ոչ թե ջնջման ներկայացվի: Ես հոդվածը գրելիս հետևել եմ այս թեմային առնչվող այլ մարդկանց ստեղծած հոդվածներին, որպեսզի ոչ մի խնդիր չառաջանա: Եթե իմ հոդվածը ներկայացվում է ջնջման, ապա պետք է բոլոր այդ տեսակ հոդվածները ևս ջնջման ներկայացվեն: Վիքիպեդիայում կան բազմաթիվ հոդվածներ, որ աղբյուրների կարիք ունեն, ծավալը փոքր է, բայց երկար ժամանակ պահպանվում են և ոչ ոք չեն ներկայացնում ջնջման: Ես իր ծնողներից նյութեր եմ վերցրել, իմանալով հանդերձ, որ և’ իրենց, և’ իմ համար շատ զգայուն թեմա է, իսկ հիմա ճիշտ չի լինի, որ ջնջվի այդ հոդվածը, դրա հետ մեկտեղ այն, որ վիքիպեդիան տեղեկատվական հարթակ է, որի միջոցով բոլորը պետք է իմանան մերօրյա հերոսների մասին: Այսպիսի հոդվածները չպետք է քննարկման առարկա դառնան ու ես պարտքս եմ համարում լուսաբանել մեր բոլոր հերոսներին...

Զարմանում եմ, 18, 19 տարեկանը բացի հայրենիքի համար կյանքը տալուց, էլ ի՞նչ պետք է աներ, որ հայտնի դառնար...--Tatevik2004 (քննարկում) 14:51, 20 Փետրվարի 2021 (UTC)

Tatevik2004 ջան, թեման չափազանց նուրբ է, հասկանում ենք բոլորս ու գնահատում բոլորի սխրանքները։ Եթե հոդվածների չափանիշների հետ կապված որևէ որոշում է կայացվում համայնքում, դա ամենևին չի նշանակում, որ կասկածի տակ է դրվում որևէ զինվորի հերոսությունը։ Խնդիրը նախագծի կանոնակարգն է, որտեղ կա նշանակալիության չափանիշներ։--Ավետիսյան91 (քննարկում) 07:27, 21 Փետրվարի 2021 (UTC)

Ավետիսյան91, Թեման կարող է ունենալ առանձին հոդված եթե. Այն բավարարում է նշանակալիության հիմնական չափանիշին, այն է ստուգելի է անկախ վստահելի աղբյուրներով կամ բավարարում է թեմատիկ չափանաշիներին: Եթե թեմայի զգալի ծածկույթի նշանակալիությունը կարելի է ստուգել վստահելի աղբյուրներով, որոնք անկախ են իրենց թեմայով, դա ենթադրում է, որ թեման կարող է ունենալ առանձին հոդված վիքիպեդիայում։ Նշանակալիությունը վերաբերվում է հոդվածի առարկային և ոչ թե Վիքիպեդիայի հոդվածին։ Եթե նշանակալիությունը չի ապացուցված Վիքիպեդիայի սահմաններից դուրս, ապա հոդվածի ամենալավ բովանդակությունը անգամ չի դարձնում այն նշանակալի։ Հակառակը, եթե հոդվածի պարունակությունը շատ աղքատ է, սակայն այն ունի վստահելի անկախ աղբյուրներ, ապա այդ հոդվածը կարող է համարվել նշանակալի։ Վիքիպեդիայի հոդվածները երբեք վերջնական տեսքի չեն լինում, հնարավոր է, որ նշանակալիությունը ապացուցող աղբյուրները լինեն չաշխատող հղումներ, հնացած կամ ոչ անկախ։ Սա դեռ չի նշանակում, որ հոդվածը կարելի է ներկայացնել ջնջման։ Նշանակալիության պատճառով ջնջման կարող եք ներկայացնել այն հոդվածները, երբ համոզված եք, որ հոդվածը ոչ նշանակալի է և այն երբեք չի կարելի ապացուցել վստահելի երկրորդական աղբյուրներով։--Tatevik2004 (քննարկում) 08:14, 21 Փետրվարի 2021 (UTC)

Նշանակալիության չափանիշներին տեղյակ եմ, Tatevik2004 ջան։ Հավատացեք, որ այս ու նմանօրինակ շատ հոդվածներ չեն բավարարում այդ չափանիշներին և անկախ մեր կամքից ժամանակի ընթացքում ջնջվելու են։ Վիքիպեդիան լրատվական կայք չէ, հայրենասիրական հարթակ չէ, անգամ հայկական չէ, պարզապես հայերեն է։ Հիմա չջնջվի, մի քանի ամիս հետո է ջնջվելու և վատ վիճակի մեջ են լինելու այն խմբագիրները, որոնք ռեալ կյանքում կապվել են զոհվածների ծնողների հետ, նկար, տեղեկություն խնդրել և խոստացել, որ հոդված կստեղծեն Վիքիպեդիայում։ Եկեք միասին միավորվենք, ինչ-որ այլ կայք ստեղծենք և այնտեղ գրեք պատերազմի բոլոր մասնակիցների և զոհվածների մասին։ Կամ եթե սկզբունքային է, որ դա լինի վիքիպեդիայում, ապա անել այն ցանկերի տարբերակով, օրինակ՝ Արցախյան երկրորդ պատերազմի մարտական ծառայության մեդալակիրների ցանկ։--Ավետիսյան91 (քննարկում) 16:02, 22 Փետրվարի 2021 (UTC)

Վահե Հովակիմյանը հետմահու պարգևատրվել է «Արիության համար» մեդալով: Հոդվածում հղումը ավելացված է:--Tatevik2004 (քննարկում) 12:09, 27 Մարտի 2021 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

ՎանդաՎիժեն

Ջնջել, վատ թարգմանություն --Բեքո^{Քննարկում} 13:16, 27 Մարտի 2021 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Վատ թարգմանություն, վիքիֆիկացման կարիք ունի։ --SilViePink 🐍 16:51, 20 Փետրվարի 2021 (UTC)

Հարգելի SilViePink,խնդրում եմ նշել սխալները, որոնք հնարավոր չէ ուղղել, ու հոդվածն անպայման պետք է ջնջել։--Voskanyan (քննարկում) 12:06, 21 Փետրվարի 2021 (UTC)

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Վահե_Սարդարյան

Ջնջել, նշանակալիություն --Բեքո^{Քննարկում} 13:16, 27 Մարտի 2021 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

նշանակալիությունը ցույց տրված չէ--Voskanyan (քննարկում) 17:52, 20 Փետրվարի 2021 (UTC)

Հարգելի Voskanyan, Վահե Սարդարյանը մասնակցել է Հայ-ադրբեջանական երկրորդ պատերազմին, եղել է Թաղավարդի հայտնի 20-ի դիրքի պաշտպաններից մեկը։ Պաշտպանողական ամրությունները կառուցել են հազարաշեն տանիքի եղանակով, ինչը պետական մասշտաբով մեծ արձագանք է ստացել։ Բացի այդ, Վահեն արժանացել է նաև մեդալի։ Մի՞թե այսքանը նշանակալի չի դարձնում անձին։ --Նարինե Մուրադյան (քննարկում) 17:59, 20 Փետրվարի 2021 (UTC)

Անձամբ ինձ գրելու կարիք չկա, քանի որ ես մենակ չեմ որոշում, այլ եղել է համապատասխան քննարկում խորհրդարանում։ Ի՞նչ է նշանակում պետական մասշտաբով մեծ արձագանք, եթե այդպիսին եղել է, ինչո՞ւ են հոդվածում ներկայացված միայն ոչ այնքան վստահելի կայքեր (օրինակ՝ առաջին և երրորդ ծանոթագրությունները)։ Խնդրում եմ պատերազմի մասնակիցների նկատմամբ հարգանքը չպայմանավորել միայն նախագծում հոդվածի առկայությամբ։ Եթե կան երկրորդական վստահելի աղբյուրներ, խնդրում եմ ներկայացնել հոդվածում, նշված մեդալը պետական պարգև չէ հավանաբար, Թաղավարդում Վահեի և ընկերների պաշտպանած դիրքը խիստ վտանգավոր էր։ Ինչպես աշխարհագրական դիրքի տեսանկյունից, այնպես էլ թվաքանակի ու զինատեսակների առումով հակառակորդը գերազանցում էր նախադասությունը հանրագիտարաային չէ կամ աղբյուր չկա, Գյուղերը երեք կողմից շրջապատված էին, իսկ Արցախն ու Հայաստանը կապող միակ ճանապարհը շուրջօրյա հրետակոծության տակ էր և Նոյեմբերի 2-ին հակառակորդը 4 զրահամեքենայով գրոհել է Թաղավարդի վրա՝ փորձելով ճեղքել պաշտպանությունը։ Վահե Սարդարյանին հաջողվել է խոցել հակառակորդի զրահամեքենաներից մեկը նախադասությունները երկրորդային վստահելի աղբյուր չունեն։ --Voskanyan (քննարկում) 15:38, 22 Փետրվարի 2021 (UTC)

Հարգելի Voskanyan, օրեր առաջ Վահե Սարդարյանը և նրա զինակից ընկերները Արցախի նախագահի կողմից արժանացել են պետական պարգևների: Հոդվածում հղումը ավելացված է: Բարի եղեք, ջնջման կաղապարը հանեք: --Նարինե Մուրադյան (քննարկում) 11:31, 21 Մարտի 2021 (UTC)[reply]

Մեկնաբանություն՝ միայն ավելացնեմ, որ աղբյուրում անձի մասին նշված չէ, նշված չէ նաև, թե ինչ պարգև է։--Ավետիսյան91 (քննարկում) 11:48, 21 Մարտի 2021 (UTC)[reply]

Հարգելի Ավետիսյան91, այո, դեռևս նշված չէ։ Պարգևատրման արարողությունն այսօր է տեղի ունեցել։ Պարգևատրվել է Արիության մեդալով։ Առայժմ միայն ֆեյսբուքյան տեսանյութ կա։ Պաշտոնական հղում լինելուն պես՝ կավելացնեմ։ Շնորհակալություն մեկնաբանության համար։ --Նարինե Մուրադյան (քննարկում) 18:41, 22 Մարտի 2021 (UTC)[reply]

Ինչպես նաև նշեմ, որ Վիքիպեդիայում չի խրախուսվում հոդված գրել այն թեմայի վերաբերյալ, որի դեպքում կառաջանան շահերի բախում։ Առաջարկում եմ Նարինե Մուրադյան մասնակցին ևս մեկ անգամ զգուշացնել՝ հաշվի առնելով այն հանգամանքը, որ շահերի բախումից բացի փորձում է ճնշում գործադրել հոդվածը պիտակած մասնակցի վրա, երբ պարզ հասկանալի է, որ հոդվածի նյութը նշանակալի չէ․ եթե նշանակալի է, թող այլ մասնակիցներ (որոնք ոչ մի շահ չունեն տվյալ հոդվածի գոյությունից, այստեղ դեմ արտահայտվեն հոդվածի ջնջմանը։--Voskanyan (քննարկում) 12:23, 21 Մարտի 2021 (UTC)[reply]

Հարգելի Voskanyan, իսկ Վիքիպեդիայում խրախուսվո՞ւմ է գրել մի շարք բլոգերների, տիկտոկերների կամ իրենց նեղ շրջապատում հայտնի դերասան-երգիչների մասին։ Կարծես թե նմանատիպ հոդվածներում չեմ հանդիպել Ձեր կողմից նշանակալիության պիտակի։ Իսկ այս հոդվածն ու պատերազմում էական ներդրում ունեցած անձնանց մասին հոդվածները, չգիտես ինչու, Ձեր կողմից այսպիսի բուռն արձագանքի արժանացան։ Իսկ ինչ վերաբերում է ճնշում գործադրելուն, դա Ձեր սուբյեկտիվ ընկալումն է։ Համենայն դեպս, ես այդպիսի միտում չունեմ։ Հարկ չեմ համարում նաև քննարկումը շարունակել, քանի որ ինչպես վերը նշեցի, Վահե Սարդարյանն արժանացել է Արիության մեդալի։ Պաշտոնական հղումը լինելուն պես կավելացնեմ, և հուսամ՝ կաղապարը կհեռացնեք։ Հարգանքով՝ --Նարինե Մուրադյան (քննարկում) 18:49, 22 Մարտի 2021 (UTC)[reply]

Հարգելի Նարինե Մուրադյան, եթե Դուք տեսել եք նման ոչ նշանակալի հոդվածներ ու չեք պիտակել, դա Ձեր թերությունն է, ոչ թե իմ։ Եթե ես նկատել եմ այս հոդվածները, ապա միայն այն պատճառով, որ փորձառու խմբագիրը ոչ միայն չի ուզում նպաստել նախագծի որակի ապահովմանը, այլև փորձում է ամեն կերպ պահպանել տվյալ հոդվածը, իսկ եթե անձնական շահ չունենայիք, դժվար թե անդրադառնայիք նաև այս հարցին, մանավանդ որ ես չեմ հիշում դեպք, որ Ձեր կողմից արձագանք եղած լինի Ձեզ հետ կապ չունեցող խմբագիրների ու նրանց հոդվածների վերաբերյալ քննարկումներում։ Չեմ ուզում առանձին քննարկում բացել Ձեր արածի վերաբերյալ, չնայած ես կարծում եմ, որ փորձառու խմբագրի համար նման քննարկումը նման ձևով ծավալելն առնվազն խրախուսելի չէ։ Եթե ինքներդ ընդունում եք, որ հոդվածը կարելի է պահպանել մեդալի մասին հղման ավելացումից հետո, ինչո՞ւ եք դժգոհում, որ ներակայում այն պիտակված է։ Ես անձամբ ոչ մի խնդիր չեմ տեսնում հոդվածի ջնջելու կամ չջնջելու հետ կապված, եթե Ձեզ համար դա շատ կարևոր հարց է, ուրեմն Դուք խախտում եք Վիքիպեդիայի համապատասխան կանոնը՝ մասնակցելով այս քննարկմանը, իսկ հարցի վերաբերյալ սուբյեկտիվ վերաբերմունքը Ձեզ թույլ չի տալիս օբյեկտիվ գնահատել տվյալ հոդվածը։ Եթե մարդկանց թվում է, որ Վիքիպեդիայում հոդված գրելով կարելի է հայտնի դառնալ կամ շնորհակալ լինել մարդկանց պատերազմին մասնակցելու համար, գուցե արժի՞ բոլորի մասին գրել, ոչ թե առանձնացնել միայն նրանց, ում ճանաչող մարդկանցից մեկը խմբագրում է ու ծանոթ չէ որոշակի կանոնների կամ չի խուսափում դրանք անտեսելուց։--Voskanyan (քննարկում) 09:50, 23 Մարտի 2021 (UTC)[reply]

Մեկնաբանություն՝ «Նշանակալիություն» կանոնակարգի «Նշանակալիություն և ցանկեր» բաժնի համաձայն՝ առաջարկում եմ այբբենական կարգով կազմել 2020 թվականի սեպտեմբերի 27-ից սկսված հայ-ադրբեջանական պատերազմի հայկական կողմի զոհերի ընդհանուր ցանկ առանց մեդալային առանձնացման։ Մեջբերում եմ նշածս կանոնակարգից հատված՝ «Ցանկերը համարվում են նշանակալի եթե նշանակալի է ցանկի ընդհանուր խումբը: Ցանկի որևէ տարր կարող է չլինել անկախ սակայն ցանկի ընդհանուր տարրերի խումբը պետք է լինի նշանակալի և բավարարի նշանակալիության հիմնական կանոնին:»--Գարդմանահայ (քննարկում) 20:35, 18 Փետրվարի 2021 (UTC)

Հարգելի Գարդմանահայ, շնորհակալություն մեկնաբանության համար։ Բարեբախտաբար, Վահե Սարդարյանը չի զոհվել։ Կարծում եմ, որ պատերազմին մասնակցած և էական ներդրում ունեցած անձանց մասին ևս պետք է գրել և պատմել սերունդնրին։ --Նարինե Մուրադյան (քննարկում) 11:30, 27 Փետրվարի 2021 (UTC)

Ջնջել Ելնելով վերևում ասվածից՝ միանշանակ ոչ նշանակալի հոդված է, իսկ շահերի բախումն ակնհայտ։--Atheist Armenian (քննարկում) 3:32, 24 Մարտի 2021 (UTC)

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Նարեկ_Ռևազյան

Ջնջել, նշանակալիություն --Բեքո^{Քննարկում} 13:16, 27 Մարտի 2021 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

հոդվածում նշանակալիությունը ցույց տրված չէ--Voskanyan (քննարկում) 15:47, 22 Փետրվարի 2021 (UTC)

Մեկնաբանություն՝ «Նշանակալիություն» կանոնակարգի «Նշանակալիություն և ցանկեր» բաժնի համաձայն՝ առաջարկում եմ այբբենական կարգով կազմել 2020 թվականի սեպտեմբերի 27-ից սկսված հայ-ադրբեջանական պատերազմի հայկական կողմի զոհերի ընդհանուր ցանկ առանց մեդալային առանձնացման։ Մեջբերում եմ նշածս կանոնակարգից հատված՝ «Ցանկերը համարվում են նշանակալի եթե նշանակալի է ցանկի ընդհանուր խումբը: Ցանկի որևէ տարր կարող է չլինել անկախ սակայն ցանկի ընդհանուր տարրերի խումբը պետք է լինի նշանակալի և բավարարի նշանակալիության հիմնական կանոնին:»--Գարդմանահայ (քննարկում) 20:35, 18 Փետրվարի 2021 (UTC)

Ինչպես հասկանում եմ, ցանկ ստեղծելը առաջարկվում է, որպես պատերազմում զոհվածների մասին ոչ նշանակալի հոդվածները ջնջելու այլընտրանք։ Կարծում եմ, որ միայն զոհվելը առանձին անհատին, ոչ էլ ցանկի ընդհանուր խումբը մեր հանրագիտարանի համար նշանակալի չի դարձնում։ Տեղեկատվական աղյուսակ է դառնում, որտեղ կամ պետք է լրացնել բոլոր հայտնի զոհվածների անունները կամ չստեղծել ցուցակը։ Նույն հաջողությամբ կարելի է ստեղծել պատերազմին մասնակցած բոլոր անձանց ցուցակը, որը նույնպես սխալ է։--Բեքո^{Քննարկում} 08:11, 5 Մարտի 2021 (UTC)[reply]

Beko-ի հետ համակարծիք եմ, ցանկը կարող է լինել մեդալակիրների ու շքանշնակիրների ցանկ ըստ տեսակի։ Մյուս բոլոր դեպքերում նշանակալի չէ։--Ավետիսյան91 (քննարկում) 08:31, 5 Մարտի 2021 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Ուտելի_բույսերը_հայկական_խոհանոցում_փառատոն

Ջնջել։--ԱշոտՏՆՂ (քննարկում) 11:56, 1 Ապրիլի 2021 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Հոդվածն ավելի շատ գովազդային բնույթ ունի, քան տեղեկատվական--Voskanyan (քննարկում) 06:21, 5 Մարտի 2021 (UTC)[reply]

Ջնջել + չկան նաև հեղինակավոր երկրորդական աղբյուրներ։--Ավետիսյան91 (քննարկում) 07:18, 21 Մարտի 2021 (UTC)[reply]
Ջնջել. վերը նշված պատճառներով։ --23artashes (քննարկում) 13:25, 28 Մարտի 2021 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Պաչի Լեսամա Պերիեր

Ջնջել։--ԱշոտՏՆՂ (քննարկում) 11:56, 1 Ապրիլի 2021 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Անգլերեն և մի շարք այլ Վիքիպեդիաներում դրված է ջնջման, որպես ոչ նշանակալի և գովազդ։ Ստեղծողին էլ են արգելափակել՝ կարծս թե համը հանել է վեստեղծելով։ Մեր մոտ դրել էին արագ ջնջման, փոխեցի, որ կարծիքներ արտահայտենք ու որոշենք։ Կարծում եմ մեր որոշելիքն է, ու անգլերեն Վիքիպեդիայի որոշումներից կախված չպետք է լինենք։--Բեքո^{Քննարկում} 13:50, 7 Մարտի 2021 (UTC)[reply]

Ջնջել, աղբյուրներ չունի, իսկ տեքստը հավանաբար գրել է օտարազգի խմբագիր, այնուամենայնիվ՝ ոչ մի կոնկրետ աշխատանք նշված չէ։--Voskanyan (քննարկում) 12:34, 21 Մարտի 2021 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Սուրեն_Վլադիմիրի_Թովմասյան

ոչ նշանակալի--Voskanyan (քննարկում) 12:12, 11 Մարտի 2021 (UTC)[reply]

Մեկնաբանություն՝ ՀՀ կառավարության 7 առնըթեր մարմիններից մեկի ղեկավարն է։ Առաջին դասի պաշտոնյա չէ, ինչպես որ նախարարը, սակայն համակարգում է կառավարության աշխատանքները կադաստրի ոլորտում, ինչպես որ ոստիկանապետը՝ ոստիկանական համակարգում, ԱԱԾ տնօրենը՝ անվտանգության ոլորտում։--Ավետիսյան91 (քննարկում) 12:33, 11 Մարտի 2021 (UTC)[reply]

Հարգելի 98Áni, Դուք ինձ էլեկտրոնային նամակ եք ուղարկել՝ ակնկալելով պարզաբանում, թե «ի՞նչ եղանակով են Վիկիպեդիայում տեղադրվել մյուս պետական կառույցների ղեկավարների պաշտոնական էջերը»։ Նախ ներկայացնեմ, որ դրանք պաշտոնական էջեր չեն, այլ անձանց մասին հոդվածներ են վիքիպեդիայում։ Նշանակալիության մասին կարող եք ծանոթանալ այստեղ՝ Վիքիպեդիա:Նշանակալիություն (մարդիկ)։ Ավելացնեմ նաև, որ հոդվածը ես չեմ պիտակել որպես ոչ նշանակալի, ավելին՝ այն պահելուն կողմ կարծիք եմ հայտնել։ Պատասխանեք այստեղ, քանի որ վիքիպեդիային վերաբերող հարցերը ընդունված է քննարկել հենց վիքիպեդիայում։--Ավետիսյան91 (քննարկում) 13:31, 11 Մարտի 2021 (UTC)[reply]

Թողնել Վիքիֆիկացնել և թողնել որպես ՀՀ կառավաությանն առընթեր 7 մարմիններից մեկի ղեկավար։--Ավետիսյան91 (քննարկում) 12:47, 27 Մարտի 2021 (UTC)[reply]

Էրիկ_Աբրահամյան_(ազատամարտիկ)

նշանակալիությունը ցույց տրված չէ--Voskanyan (քննարկում) 15:45, 19 Մարտի 2021 (UTC)[reply]

Ջնջել չի բավարարում նախագծի նշնակալիության չափանիշներին։--Ավետիսյան91 (քննարկում) 07:17, 21 Մարտի 2021 (UTC)[reply]

Վահե_Մխիթարյան

Նախագծի նշանակալիության չափանիշներին չբավարարող --Ավետիսյան91 (քննարկում) 07:15, 21 Մարտի 2021 (UTC)[reply]

Հարգելի Ավետիսյան91, շնորհակալ եմ հոդվածների հանդեպ Ձեր ուշադրության համար։ Ըստ իս, այս հոդվածը նշանակալիության հետ կապված լուրջ հակասություններ չունի․ աղբյուրները նշել եմ (եթե հաշվի առնենք, որ դեպքից երկար ժամանակ չի անցել, զինվորի մասին հրապարակումներ դեռ էլի կլինեն, դրանք պարբերաբար կավելացնեմ)։ Հետմահու պարգևատրվել է մեդալով, կարծում եմ՝ դրանցից հետագայում էլի կլինեն։ Իսկ ինձ համար նշանակալի է այնքանով, որ այս հոդվածը ոգեշնչող դեր է կատարելու նրա հասակակիցների ու Վիքիպեդիա ընթերցողների համար, օրինակ է հանդիսանալու հայրենասիրության ու անձնազոհության (գոնե Տավուշի մարզում հաստատ)։ Մեկ անգամ ևս շնորհակալ եմ Ձեր սրտացավության համար։ Հարգանոք՝ --Avagyanasya (քննարկում) 09:27, 21 Մարտի 2021 (UTC)[reply]

Շնորհակալություն արձագանքելու համար, հարգելի Avagyanasya։ Խնդիրն այն է, որ Հայերեն Վիքիպեդիայի անձանց մասին նշանակալիության կանոնակարգին (Վիքիպեդիա:Նշանակալիություն (մարդիկ)) չի համապատասխանում։ Ոչ մի խոսք կամ կասկած չկա անձի սխրանքների կամ դրանով պայմանավորված հետագայում երիտասարդների մոտ հայրենասիրական և մարտական ոգու բարձրացման մասին։ Խնդիրը զուտ կանոնակարգն է, ըստ որի անձը չի համապատասխանում նշանակալիության առկա չափանիշներին։--Ավետիսյան91 (քննարկում) 09:36, 21 Մարտի 2021 (UTC)[reply]

Հարգելի Ավետիսյան91, ես իհարկե վիճելու ոչ մի ցանկություն չունեմ, որովհետև ապավինում եմ Ձեր փորձառությանը, սակայն եթե հաշվի առնենք, որ ըստ Ձեր նշած կանոնակարգի՝ զոհը պետք է համապատասխանի «ունեցել է մեծ դերակատարում պատմական ճանաչված իրադարձության մեջ» կետին, իսկ 19-ամյա պատանին 33 օր ԱԹՍ-ների դեմ մարտնչելով այդ իրադարձության հաղթանակը մոտեցնելուց և 2 տանկ առգրավելուց բացի է՞լ ինչ պետք է աներ նշանակալիությանը համապատասխանելու համար, ուստի առաջարկում եմ հաշվի առնելով նաև վերևում գրվածներս՝ *

Թողնել։ Անկեղծորեն՝--Avagyanasya (քննարկում) 09:58, 21 Մարտի 2021 (UTC)[reply]

Շատ լավ։ Շնորհակալ եմ մեկնաբանության համար։ Սպասենք մյուս մասնակիցներին, եթե որոշվի մնալ, ապա կհեռացնենք ջնջման կաղապարը։ Շնորհակալություն։--Ավետիսյան91 (քննարկում) 10:06, 21 Մարտի 2021 (UTC)[reply]

Ես եմ շնորհակալ ըմբռնման համար --Avagyanasya (քննարկում) 10:12, 21 Մարտի 2021 (UTC)[reply]

Հարգելի Ավետիսյան91, երկար մտածելուց հետո թույլ տվեք մի առաջարկություն անել․ որպեսզի հետագայում խմբագիրները չբախվեն նմանատիպ խնդրի, կարելի է նահատակված հերոսների ցուցակ կազմել ըստ մարզերի (մոտավորապես սրա նման Արցախյան երկրորդ պատերազմի մարտական ծառայության մեդալակիրների ցանկ)․ դրանով կբացառվի առանձին անհատների մասին հոդվածներ գրելը։ Եվ քանի որ մյուս մասնակիցները լռում են այս հոդվածի ջնջման հետ կապված, խնդրում եմ Ձեզ հանել կաղապարը։ Շնորհակալ եմ։ --Avagyanasya (քննարկում) 17:07, 21 Մարտի 2021 (UTC)[reply]

Հարգելի Avagyanasya, Ձեր նշած ցանկը ինքս եմ ստեղծել որպես այլըտրանք։ Այդ ցանկի օրինակով կարող են ցանկեր ստեղծվել նաև այլ մեդալակիրների և պարգևի արժանացածների համար։ Ըստ մարզերի բաժանման Ձեր առաջարկն էլ է կառուցողական, քննարկենք համայնքում և միգուցե այդ ճանապարհով գնանք։ Հավատացեք, որ ինձ համար հաճելի չէ նման հոդվածներ պիտակելը, սակայն վաղ թե ուշ ջնջվելու են նմանօրինակ հոդվածները։ Եկեք միասին հերոսապատումներ անենք այլ նախագծերում, կայքերում, լրատվականներում, սակայն սա հանրագիտարան է, այն էլ՝ ոչ հայկական, պարզապես հայերեն է։ Կաղապարը իրավունք չունեմ հանելու քանի դեռ քննարկումը ավարտված չէ, բայց եթե անգամ հիմա հանենք, ապա մի քանի ամիս հետո է առաջադրվելու ջնջման։ --Ավետիսյան91 (քննարկում) 17:25, 21 Մարտի 2021 (UTC)[reply]

Հարգելի Ավետիսյան91, Ձեր խոսքերն ինձ անկեղծ վշտացնում են․ հայերեն հանրագիտարանն ավելո՞րդ է համարելու իր հերոս զավակների մասին հոդվածներ ունենալ։ Կսպասեմ, իհարկե, քննարկման փակմանը, լավ եղեք --Avagyanasya (քննարկում) 17:34, 21 Մարտի 2021 (UTC)[reply]

Հարգելի Avagyanasya, թեման չափազանց զգայուն է և կանոնակարգին Դուք այժմ հակադրում եք հուզականությունը։ Եկեք միասին փոխենք Հայերենք Վիքիպեդիայի կանոնակարգը և հոդվածներ ստեղծենք պատերազմի բոլոր մասնակիցների մասին, որոնց թիվը պակաս չէ 100 հազարից։ Նշել եք «իր հերոսի», սակայն հարցն էլ այն է, որ Հայերեն Վիքիպեդիան Հայաստանինը չէ, հայկական չէ, սա վիքինախագիծ է հայերեն լեզվով։ Բարին եմ մաղթում Ձեզ։ Ցավում եմ, որ վշտացրել եմ Ձեզ, նման միտում չեմ ունեցել։--Ավետիսյան91 (քննարկում) 17:44, 21 Մարտի 2021 (UTC)[reply]

Որքան երկար է մնում այս կաղապարը հոդվածի վրա, այնքան ավելանում է ընթերցողների վրդովմունքն ու ցասումը․ օրական տասնյակ զանգեր եմ ստանում, ու անկեղծ ասած չեմ կարողանում հանգստացնել մարդկանց։ Պատկերացնու՞մ եք ինչ են զգում զինվորի հարազատները, նրան պարզապես ճանաչողներն ու զինակից ընկերները, երբ կարդում են "չի համապատասխանում նշանակալիության չափանիշներին" բառերը։ Ո՞վ է զբաղվում սրանով, ինչու՞ եք լռում, հանել է պետք այս կաղապարը, այն ՀԵՂԻՆԱԿԱԶՐԿՈՒՄ է Վիքիպեդիան մարդկանց աչքում։ --Avagyanasya (քննարկում) 12:28, 23 Մարտի 2021 (UTC)[reply]

Հոդվածի մեծ մասը գրված է ոչ հանրագիտարանային ոճով եթե անգամ որոշվի, որ այն պետք է մնա, դրա զգալի մասը պետք է ջնջվի։ Հարգելի՛ Avagyanasya, նաև այս դեպքի համար է նախապես կանոն մշակված, որ պետք չէ գրել այնպիսի հոդվածներ, որոնց խմբագրման դեպքում կառաջանան շահերի բախում։ Եթե հոդվածն ստեղծելուց առաջ հաշվի առնվեին նաև Վիքիպեդիայի գոնե ամենատարրական կանոնները, հիմա նման խնդիր չէր առաջանա (չնայած նշեմ, որ Ձեզ ուղղված անձնական զանգերը խմբագիրներին չեն վերաբերում, եթե Դուք խոստացել եք, որ կգրեք նման հոդված, ուրիշները պարտավոր չեն Վիքիպեդիայի տարիներով գործող կանոնը (ջնջման ներկայացված հոդվածի վերաբերյալ քննարկումը կարող է տևել մինչև մեկ ամիս) խախտել այդ պատճառով)։ Օրինակ՝ ինչո՞ւ է հոդվածում նշվել, թե նա երբ է զանգահարել վերջին անգամ (զուտ օրինակ է), արդյո՞ք արժի բոլոր հոդվածներում գրել թե որ անձը ում է զանգել որ րոպեին ու ինչ է խոսել։ Խնդրում եմ զերծ մնալ պիտակող մասնակցին ու ընդհանրապես բոլոր խմբագիրներին մեղադրանքներ ներկայացնելուց, գուցե դրա փոխարեն Դուք փորձեք հասկանալ, թե որն է Ձեր բացթողումը կամ սխալը (խնդրում եմ սա չընդունել որպես մեղադրանք, այլ հարմար բառ չգտա) և ինչպես կարելի է խմբագրել հոդվածն ու այն դարձնել ավելի հանրագիտարանային ոճի։--Voskanyan (քննարկում) 16:24, 23 Մարտի 2021 (UTC)[reply]

Հարգելի Voskanyan, շնորհակալ եմ արձագանքելու համար, սակայն կարիք չկա Ձեր ենթադրությունները որպես ճշմարտություն մատուցել (մեջբերում եմ Ձեր խոսքերը՝ «եթե Դուք խոստացել եք, որ կգրեք նման հոդված») ու հիմնվել դրանց վրա։ Եվ երկրորդ՝ եթե հոդվածը խմբագրման կարիք ունի, դա կարելի է անել առանց ջնջման կաղապար դնելու․ հենց Ձե՛զ էլ կխնդրեմ այն բերել հանրագիտարանային տեսքի (կրկին Ձեր խոսքերն են), եթե դժվար չէ։ Համագործակցությունից կշահենք բոլորս, իսկ հոդված ջնջելուց կավելանա միայն լարվածությունը (թույլ տվեք նշել, որ այս պահի դրությամբ հոդվածն ունի 938 դիտում, այն էլ ստեղծումից ընդամենը 3 օրվա ընթացքում)։ Ամենայն հարգանքով՝--Avagyanasya (քննարկում) 17:54, 23 Մարտի 2021 (UTC)[reply]

Թողնել, հոդվածը բավարարում է Նշանակալիության հիմնական պահանջին, լուսաբանված է վստահելի երկրորդական աղբյուրներով։--Սամվել^{քննարկում} 07:11, 29 Մարտի 2021 (UTC)[reply]

Թողնել։ Այսօր մեր նահատակների հիշատակը հարգելով նման հոդված գրելը ամենաչնչին բանն է, որ կարող ենք անել այս հարթակում։ Իսկ նշանակալիության առումով, կարելի է այլ լեզուներով թարգմանության չներկայացվել։ Ամեն դեպքում ողջ մնացածների զգացմունքներն էլ խնայել է պետք, այսպիսի ժամանակներ են։ Գուցե հետո այդ իրադարձությունների հետ կապված հոդվածների վիքիքաղվածք տեղափոխվեն։ Բայց ոչ հիմա։ Եվ որպես հիմնավորում կարդացեք Հելենա Գուալինգա հոդվածը․ թարգմանել եմ WikiGap ցանկից։ 18-19 տարեկան բնապահպան ակտիվիստի մասին է, որի ազգականները ակտիվիստներ են։ Հոդվածը թարգմանելիս նշանակալիության մասին էի մտածում, բայց քանի որ այդ ցանկից էր, այնուամենայնիվ թարգմանեցի։ Հիմա ասածս ինչ է, եթե հայերենում ակտիվիստների մասին հոդվածներ ստեղծենք, որոնք այս կամ այն ցուցանակը բռնած այս կամ այն համաժողովների առաջ ցույցերի են մասնակցել, կամ ինչ-ինչ հարցեր բարձրաձայնելով կարծիքներ հայտնել ու պահանջներ են ներկայացրել, էլ չասենք ֆեյսբուքում գրած կարծիքների տակ հազարավոր լայքեր ու քոմենթներ են հավաքել, կարծում եմ, այ սա նշանակալիության հարց կառաջացնի։ Անկախ նրանից, թե ինչ կորոշեք, ես կողմ եմ հոդվածը թողնելուն։ Սիրով--Ապատ63 (քննարկում) 16:31, 31 Մարտի 2021 (UTC)[reply]

Որոշ հարցերում Ձեր հետ միակարծիք եմ Ապատ63 ջան։ Եթե նշանակալիության սկզբունք ընդունենք բարոյականությունը, մարդկային արժեքները, սխրանքը, բարությունը, միանշանակ այդպես է, անգամ ինքս կառաջարկեմ այս հոդվածներից յուրաքանչյուրը շաբաթվա հոդված նախագծի համար, սակայն պարզվում է, որ վիքիպեդիայում սկզբունքներն այլ են։ Օրինակ բացասական կերպարներից նշանակալի են սերիական մարդասպանները, գողերը, ոճրագործերը, կարո՞ղ ենք բարոյականության սկզբունքով հեռացնել, չէ որ նրանց մասին կարդում է մատաղ սերունդը, թող կարդան հերոսների մասին։ --Ավետիսյան91 (քննարկում) 07:52, 1 Ապրիլի 2021 (UTC)[reply]

Ժամանակին տպագիր հանրագիտարաններում ամեն ազգ ի՛ր թեմաներն էր գրում (ի թիվս հանրահայտ թեմաների)։ Այժմ դրանք տեղ են գտել Վիքիում ու շատ հոդվածներ կան (ժամանակին հայտնի), որոնք ոչ մի լեզվով թարգմանված չեն․ իրենց պետք չի։ Երկակի ստանդարտներից խուսափելու համար ես առաջարկեցի Հելենա Գուալինգա հոդվածը։ Սա ՄԱԿ-ի կողմից թարգմանության առաջադրված հոդված է մի հեռավոր ցեղի մի աղջկա մասին, որն իրականում ոչ մի բան էլ չի արել, բացի իր ծնողների հետ ցույցերի մասնակցելուց։ Սակայն, հավանաբար շատ կարևոր է այդ ազգի համար, որ դպրոցականների շրջանում բնապահպանական թեմաներով հանդիպումներ է ունենում։ Մեզ համար նա անհայտ անձ է, որի մասին հոդված կա և որի մասին իմանում ենք WikiGap ցանկից։ Այսպիսով, ստացվում է, որ հանրագիտարանի կանոնակարգ ստեղծողները իրենք խախտում են այն, իսկ մենք, չնայած սուբյեկտիվ իրականությանը․․․ պիտակում մերոնց հոդվածները։ Թուրքն ու ադրբեջանցին էլ իրենց դիվերսանտի մասին են գրել, որովհետև իրենցն է։ Մենք էլ կարող ենք մեր ջահելների մասին գրած հոդվածները թողնել, որովհետև մերն է։ Ախր շատ ցավոտ թեմա է ու այդ պիտակները վերքի՝ թարմ վերքի վրա աղ լցնելու նման են, սիրելի վիքիհամայնք, Ավետիսյան91 ջան։ «Պահանջարկը ծնում է առաջարկ» ասելով ամեն տեսակ աղբ սերիալների ու երգերի ու այլև այլ երևույթների մասին գրվել ու գրվում են հոդվածներ։ Կանոնակարգից, թե որքանով շեղվեցի, ներող եղեք։ Սիրով--Ապատ63 (քննարկում) 11:05, 1 Ապրիլի 2021 (UTC)[reply]

Ապատ63 ջան, բերած օրինակի ամենավառ դեմքը Գրետա Թունբերգն է, որին ես, միգուցե նաև շատերը անձնապես համարեն փչված մի պռոյեկտ՝ իրենից ոչինչ չներկայացնող, բայց պարզվում է ավելի քան 100 լեզվով վիքիներում կա, յուրաքանչյուրում 30-ից մինչև 230 ծանոթագրություններով։ Իսկ զինվորականների հետ կապված մի քանի առաջարկներ ենք արել, լուծում գտնելու քննարկումներ են եղել, որ հոդվածը թողնելը չհամարվի «աչք փակել», հետո ավելի մեծ խնդիր կլինի, անգամ նոր կանոնակարգ ենք առաջարկել ու մոտ 1 ամիս է քննարկվում է։ Ինչո՞ւ չեղան առաջարկներ, որ եկեք պատերազմի բոլոր մասնակիցներին համարենք նշանակալի՝ անկախ վստահելի երկրորդական աղբյուրների անդրադարձից։ Քննարկման մասին ծանուցում եղել է Խորհրդարանում։ Ահա կանոնակարգի սևագիրը, որը հավանական է, որ ընդունվի՝ Սևագիր:Զինվորականների, ազատամարտիկների և իրավապահ մարմինների աշխատակիցների նշանակալիություն։--Ավետիսյան91 (քննարկում) 11:23, 1 Ապրիլի 2021 (UTC)[reply]

Արմեն_Առուստամյան

Նախագծի նշանակալիության չափանիշներին չբավարարող--Ավետիսյան91 (քննարկում) 07:26, 21 Մարտի 2021 (UTC)[reply]

Ջնջել, կամ պետք է որոշել, որ գրում ենք բոլորի մասին, ինչը իհարկե չի լինի, կամ եկեք չառանձնացնենք նրանց, ում ծանոթ խմբագիր կա։--Voskanyan (քննարկում) 12:35, 21 Մարտի 2021 (UTC)[reply]

Արտյոմ_Բաբայան

Նախագծի նշանակալիության չափանիշներին չբավարարող--Ավետիսյան91 (քննարկում) 07:31, 21 Մարտի 2021 (UTC)[reply]

Ջնջել, ստիպված ենք կողմ արտահայտվել ջնջմանը, քանի դեռ ընդհանուր որոշում չի կայացվել բոլորի զոհերի մասին հոդված ունենալու վերաբերյալ։--Voskanyan (քննարկում) 12:32, 21 Մարտի 2021 (UTC)[reply]

Թողնել, Կներեք, բայց համաձայն չեմ ձեր որոշման հետ, մեզ՝ հայ ազգի համար ամենանշանավոր դեմքերը հենց մեր հերոսներն են և մենք պետք է ամեն կերպ տեսանելի դարձնենք նրանց սխրանքերը: Մեր առաքելությունը նրանցից հետո հենց սա պետք է լինի: Եվ մենք՝ վիքիխմբագիրներս պետք է ջանք չխնայենք աշխատելու այս ուղղությամբ: Եթե մտածենք, թե նրանք շատ են և բոլորի մասին հնարավոր չէ գրել, ապա նման կերպ մտածելով չպետք է գրենք մյուսների մասին՝ դերասաններ, երգիչներ, մոդելներ, ֆիլմեր և այլն...--Նանե Սարգսյան (քննարկում) 13:30, 22 Մարտի 2021 (UTC)[reply]

Նանե Սարգսյան ջան, սա դեռ որոշում չէ, ընդամենը կարծիքներ ենք գրում, որի արդյունքում կամփոփվի քննարկումը։ Եթե համայնքը որոշի, որ բավարարում է նշանակալիության չափանիշներին, կմնա, հակառակ դեպքում՝ կհեռացվի։--Ավետիսյան91 (քննարկում) 20:06, 22 Մարտի 2021 (UTC)[reply]

Շատ լավ, հասկացա։ Առաջարկում եմ հանել կաղապարը և քննարկում ծավալել այլ կերպ։ Եթե հանկարծ որոշվի, որ պետք չէ գրել իրենց կյանքը հանուն հայրենիքի նվիրած անձանց մասին(իհարկե հուսով եմ, որ նման որոշում չի լինի), ապա կջնջեք բոլորը՝ առանց խտրականությունների, իսկ հիմա այսքան ցավից հետո հոդված բացելով, երբ տեսնում ես այդ պատուհանը, ավելի է ցավեցնում, մի՞թե նրանց այդքան արածի դիմաց մենք այպես ենք պատասխանում։ --Նանե Սարգսյան (քննարկում) 21:49, 22 Մարտի 2021 (UTC)[reply]

Գարյագդի_Ահմեդով

Նշանակալիության չափանիշներին չհամապատասխանող։--23artashes (քննարկում) 12:04, 21 Մարտի 2021 (UTC)[reply]

Ջնջել, ոչնչացվելը նշանակալի չի դարձնում։--Voskanyan (քննարկում) 12:29, 21 Մարտի 2021 (UTC)[reply]

Ջնջել - նշանակալիություն ցույց տրված չէ։--Ավետիսյան91 (քննարկում) 15:53, 21 Մարտի 2021 (UTC)[reply]

Կյանքի_դպրոց_(ֆիլմ)

Հոդվածները ձուլվել են։--Voskanyan (քննարկում) 17:08, 27 Մարտի 2021 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Հոդվածը կրկնվում է Տարվա ուսուցիչ (ֆիլմ)-ի հետ, կապած է բացարձակ այլ էջի հետ՝ School of Life (2003 film)։ A.arpi.a (քննարկում) 16:20, 27 Մարտի 2021 (UTC)--A.arpi.a (քննարկում) 16:20, 27 Մարտի 2021 (UTC)[reply]

Մեկնաբանություն՝ Իսկ եթե ձուլե՞նք։ Էս մեկի միջլեզվային հղումն էլ հանենք դե։--Ավետիսյան91 (քննարկում) 16:23, 27 Մարտի 2021 (UTC)[reply]

Դե, կամ էլ, ուղղակի նկատեցի, էլ երկար չմտածեցի՝ ինչ անեմ։--A.arpi.a (քննարկում) 16:28, 27 Մարտի 2021 (UTC)[reply]

Տեսնեմ պետքական բաներ կան էս մեկում, տեղափոխեմ մյուս հոդված ու դնեմ արագի կաղապար, A.arpi.a ջան։--Ավետիսյան91 (քննարկում) 16:30, 27 Մարտի 2021 (UTC)[reply]

Իսկ ո՞ր անվանումն է ճիշտ։ Կարծես երկրորդը ռուսերենից են թարգմանել։--Ավետիսյան91 (քննարկում) 16:31, 27 Մարտի 2021 (UTC)[reply]

Ըհը, բնօրինակը ոնց որ Կյանքի դպրոց է, մյուսը ռուսերենից է։ Բայց արդեն չգիտեմ հայերենում որով ենք առաջնորդվում, շատ խառն է մեզ մոտ։--A.arpi.a (քննարկում) 16:40, 27 Մարտի 2021 (UTC)[reply]

Թե թերի բան արել, ուղղի A.arpi.a ջան։ Ըստ կանոնակարգի թողել եմ ավելի վաղ ստեղծվածը, երկրորդը՝ վերահղել։ Անվանումն էլ բնօրինակը թողնելն ավելի ճիշտ է, քանի որ ռուսական տարբերակը հայերեն աղբյուրներում տարածված չէ։--Ավետիսյան91 (քննարկում) 16:53, 27 Մարտի 2021 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Հայկ_Ղարսյան

Չի համապատասխանում Հայերեն Վիքիպեդիայի նշանակալիության կանոնակարգի պահանջներին։--Բեքո^{Քննարկում} 13:18, 28 Մարտի 2021 (UTC)[reply]

Ջնջել ըստ նշանակալիության կանոնակարգի։--Ավետիսյան91 (քննարկում) 13:39, 28 Մարտի 2021 (UTC)[reply]

Թողնել --Elen Sahakyan (քննարկում) 14:10, 28 Մարտի 2021 (UTC)[reply]

Թողնել --Mariam.kha (քննարկում) 14:21, 28 Մարտի 2021 (UTC)[reply]

Նույնը այստեղ գրեմ, հարգելի Elen Sahakyan և Mariam.kha։ Խնդրում եմ բերել հիմնավորում--Ավետիսյան91 (քննարկում) 14:32, 28 Մարտի 2021 (UTC)[reply]

Հարգելի Ավետիսյան91 այս և նույն խմբագրի մյուս հոդվածը կարծում եմ համապատասխանում են հանրագիտարանային ոճին: Այն, ինչը վերաբերում է կանոնակարգի պահանջներին չհամապատասխանելուն՝ կարծում եմ, որ խմբագիրների գրած յուրաքաչյուր հոդված հերոսների մասին չարժե պիտակավորել, քանզի կխնդրեմ պատկերացնել, թե որքան ջանք է ներդրված հոդվածի մեջ: Հավաստի տեղեկություններ ստանալու նպատակով կապ է հաստատվել հերոսի ընտանիքի հետ: Ես կառաջարկեմ ավելի խելամիտ լուծում մտածել, քանի որ նման ձևով հոդվածի նշանակալիությունը 0-ի հավասարեցնելը այնքան էլ ցանկալի և նպատակահարմար չէ: --Elen Sahakyan (քննարկում) 14:45, 28 Մարտի 2021 (UTC)[reply]

Շատ լավ, հարգելի Elen։ Ձեր նշած առավել խելամիտ լուծում գտնելու նպատակով առաջարկել ենք նշանակալիության կանոնակարգի նման լրացում՝ Սևագիր:Զինվորականների, ազատամարտիկների և իրավապահ մարմինների աշխատակիցների նշանակալիություն։ Ուրախ կլինեմ եթե կարծիքներ և առաջարկներ ներկայացնեք քննարկման էջում։ Իսկ այս պահին եղած կանոնակարգով նշված հոդվածները չեն համապատասխանում չափանիշներին։ Սա ոչ թե իմ կամ տվյալ հոդվածը պիտակողի ցանկությունն է, ամենևին, բոլորս էլ բարձր ենք գնահատում բոլոր հերոսների սխրանքները, այլ հանրագիտարանի կանոնակարգն է այդպիսին։ Եթե առաջարկներ ունեք կանոնակարգի հետ կապված, սիրով կլսենք։--Ավետիսյան91 (քննարկում) 15:21, 28 Մարտի 2021 (UTC)[reply]

Նաև մի հարց. ինչո՞ւ եք որոշել կապ հաստատել զոհված զինվորի հարազատների հետ, եթե գիտեիք, որ հոդվածը չի համապատասխանում կանոնակարգին։--Ավետիսյան91 (քննարկում) 15:33, 28 Մարտի 2021 (UTC)[reply]

Հարգելի Ավետիսյան91 խնդրի հետ առնչվել ենք այսօր միայն: Հարկ եմ համարում նշել, որ հոդվածի ստեղծման ընթացքում որոշակիորեն առաջնորդվել ենք այլ հերոսների մասին գրված հոդվածներով, որոնք, ի դեպ, պիտակված չէին և շարունակում են մնալ չպիտակված: Ավելացնեմ, որ ներկայումս բավականին քանակությամբ հոդվածներ կան գրված բազմաթիվ նահատակված զինծառայողների մասին և կարծում եմ, որ դրանք բոլորը պիտակելու անհրաժեշտություն դեռևս չկա: Անհրաժեշտ որոշում ընդունելուց հետո ավելի ճիշտ կլինի փոփոխություններ կատարել հոդվածներում՝ ըստ անհրաժեշտության: Հարգանքներով՝ Mariam.kha (քննարկում) 16:58, 28 Մարտի 2021 (UTC)[reply]

Շնորհակալություն։ Հարգելի Mariam.kha, մենք սպասում էինք, որ արդեն առկա հոդվածները կարող են նախադեպ լինել նմանօրինակ նոր հոդվածների համար։ Սկզբնական շրջանում չէինք պիտակում, քանի որ թեման շատ զգայուն էր, փորձում էինք խմբագիրներին ներկայացնել իրողությունը։ Այժմ էլ է չափազանց զգայուն, սակայն պետք է ընդունել կանոնակարգը։ Հարգում ու խոնարհվում ենք բոլոր հերոսների առաջ, սակայն Վիքիպեդիան ունի չափանիշներ՝ Վիքիպեդիա:Նշանակալիություն և Վիքիպեդիա:Նշանակալիություն (մարդիկ), որոնց ցավոք այս հոդվածները չեն բավարարում։ Առաջիկայում բոլորն էլ կամ պետք է ջնջվեն կամ ցույց տրվի, որ համապատասխանում են։ Հարցերի, առաջարկների դեպքում գրեք։--Ավետիսյան91 (քննարկում) 17:05, 28 Մարտի 2021 (UTC)[reply]

Կամ ցույց տրվի որ համապատասխանում են (Ձեր խոսքերը), Հարգելի Ավետիսյան91 կարծում եմ իմ կողմից գրված հոդվածը համապատասխանում է բոլոր չափանիշներին: Հոդվածում շահերից բխող, անձնական կյանքին վերաբերող հատվածներ չկան: Հերոսը արժանացել է մի շարք մեդալների, նշում եմ այս փաստը, քանի որ մի քանի քննարկում վերև խոսք է գնացել միայն մեդալակիրների մասին հոդվածներ ստեղծելու մասին: Կարծում եմ կստացվի ընդհանուր հայտարարի գալ և խելամիտ որոշում ընդունել: Մանավանդ այս շրջանում հերոսների մասին միշտ էլ պետք է խոսվի: Հարգանքներով՝ Mariam.kha (քննարկում)

Հիմա ցույց տվեք, թե այս չափանիշներից որո՞վ է նշանակալի` Վիքիպեդիա:Նշանակալիություն (մարդիկ)։ Իհարկե, հերոսների մասին միշտ պետք է խոսվի, սակայն վիքիպեդիան այդ հարթակը չէ, վիքիպեդիան հայկական չէ, հայաստանյան չէ. ավելի պատկերավոր լինելու համար ասեմ, որ ԱՄՆ-ում մի սուբյեկտ տարբեր լեզուներով վիքիպեդիաներ է ստեղծել ու տվել այդ լեզուն կրող համայնքներին։--Ավետիսյան91 (քննարկում) 17:34, 28 Մարտի 2021 (UTC)[reply]

Շնորհակալություն արձագանքի համար, սակայն կնախընտրեմ սպասել համայնքի որոշմանը, և հույս ունենալ, որ կատարած աշխատանքս իզուր չի եղել: Mariam.kha (քննարկում)

Թաթուլ_Հակոբյան_(սպարապետ)

Հայերեն Վիքիպեդիայի նշանակալիության կանոնակարգի պահանջներին չհամապատասխանող--Ավետիսյան91 (քննարկում) 13:36, 28 Մարտի 2021 (UTC)[reply]

Արեն_Հովհաննիսյան

Հայերեն Վիքիպեդիայի նշանակալիության կանոնակարգի պահանջներին չհամապատասխանող--Ավետիսյան91 (քննարկում) 13:41, 28 Մարտի 2021 (UTC)[reply]

Թողնել --Elen Sahakyan (քննարկում) 14:13, 28 Մարտի 2021 (UTC)[reply]

Թողնել --Mariam.kha (քննարկում) 14:21, 28 Մարտի 2021 (UTC)[reply]

Հարգելի Elen Sahakyan և Mariam.kha, խնդրում եմ բերել հիմնավորում, այլապես ամփոփման ժամանակ որոշման վրա կարող է չազդել ձեր դիրքորոշումը։--Ավետիսյան91 (քննարկում) 14:30, 28 Մարտի 2021 (UTC)[reply]

Մխիթար_Գալեյան

Հայերեն Վիքիպեդիայի նշանակալիության կանոնակարգի պահանջներին չհամապատասխանող--Ավետիսյան91 (քննարկում) 13:43, 28 Մարտի 2021 (UTC)[reply]

Մովսես_Դավթյան_(զինվորական)

Հայերեն Վիքիպեդիայի նշանակալիության կանոնակարգի պահանջներին չհամապատասխանող և անաղբյուր։--Բեքո^{Քննարկում} 19:12, 30 Մարտի 2021 (UTC)[reply]