Սուպրեմատիկ կոմպոզիցիա
 | |
|---|---|
 | |
| տեսակ | գեղանկար |
| նկարիչ | Կազիմիր Մալևիչ |
| տարի | 1915[1] |
| ուղղություն | սուպրեմատիզմ |
| ժանր | աբստրակցիոնիզմ |
| նյութ | յուղաներկ և կտավ |
| հավաքածու | անհայտ, Ամստերդամի քաղաքային թանգարան, Հուգո Հերինգ, Կազիմիր Մալևիչ և Բրեթ Գորվի |
պատկերված են
| |
Ծանոթագրություններ | |
 Suprematist Composition (S-097) by Kazimir Malevich Վիքիպահեստում | |
Սուպերմատիկ կոմպոզիցիա (կապույտ ուղղանկյունը կարմիր ճառագայթի վրայից), Կազիմիր Մալևիչի՝ 1916 թվականի նկարը՝ ռուսական արվեստի ամենաթանկարժեք ստեղծագործությունը[2]։
Պատմություն
Կտավը նկարվել է 1916 թվականին։ 1919-1920-ական թվականներին ցուցադրվել է Մոսկվայում։
Մալևիչը 1927 թվականին նկարը ցուցադրության է դրել Վարշավայի, իսկ ավելի ուշ՝ Բեռլինի ցուցահանդեսներում։ 1927 թվականի հունիսին Կազիմիր Մալևիչի՝ շտապ ԽՍՀՄ մեկնելուց հետո նրա կողմից նկարը տրվել է պահպանության գերմանացի ճարտարապետ Հյուգո Հարինգին։ Ցուցահանդեսից հետո Մալևիչը ընդհանուր առմամբ 1927 թվականին Բեռլինում թողնել է ավելի քան հարյուր կտավ։ Ավելի ուշ Հարինգը այդ կտավները դուրս է բերել նացիստական Գերմանիայից, որտեղ դրանք որպես «դեգեներատիվ արվեստ» ենթակա էին ոչնչացման։
1958 թվականին Հարինգի հետնորդները նկարը վաճառել են Ամստերդամի քաղաքային թանգարանին այն ժամանակվա համար նշանակալից 120 հազար գուլդեն գումարով[3]։
20-րդ դարի ընթացքում նկարը բազմիցս ցուցադրվել է տարբեր ցուցահանդեսներում, մեծ մասամբ՝ եվրոպական։ Մալևիչի աշխատանքներով ամստերդամյան հավաքածուն ամենամեծն է նախկին ԽՍՀՄ-ի սահմաններից դուրս[4] ։
2003-2004 թվականներին, երբ թանգարանը ցուցադրում է Մալևիչի կտավները ԱՄՆ-ում, նկարչի հետնորդները վիճարկում են Հերինգի (ինչպես նաև թանգարանի) դրանք տնօրինելու իրավունքները։ Քառամյա դատաքննության արդյունքում կողմերը գալիս են հաշտության համաձայնության, ըստ որի պայմանների թանգարանը նկարչի ժառանգներին իր հավաքածուից զիջում է 5 նշանակալի նկար [5]: Տասնյոթամյա դատական վեճերից հետո նկարը վերադարձվում է նկարչի հետնորդներին։
2008 թվականի նոյեմբերի 3-ին Նյու-Յորքի Սոթբիսում տեղի ունեցած աճուրդի ժամանակ նկարը 60 002 500 դոլլարով վաճառվել է անհայտ գնորդին [6]՝ դառնալով պատմության մեջ ռուս նկարչի կողմից նկարված ամենաթանկագին նկարներից մեկը [7]։
2018 թվականի մայիսի 16-ին Նյու-Յորքի Քրիստիսի աճուրդում նկարը վաճառվել է 85 812 500 դոլլարով։ Գնորդի անունը մնացել է անհայտ։ Գործարքը ճանաչվել է ռուս նկարիչների նկարների համար պատմության մեջ ամենաթանկը[8]։
Ծանոթագրություններ
- ↑ Nakov A. Kasimir Malewicz. Catalogue raisonné — 2002.
- ↑ Маркина, Татьяна (2018-04-13). «Самый дорогой Малевич снова в продаже». The Art Newspaper Russia (ռուսերեն). Վերցված է 2018-04-15-ին.
- ↑ Картина Малевича продана за 60 миллионов долларов » Новости шоу бизнеса и культуры — Корреспондент
- ↑ New evidence suggests that the museum obscured the history of how it came by its Malevich collection Արխիվացված 2008-11-16 Wayback Machine
- ↑ Malevich Heirs Settle - New York Times
- ↑ Информация на сайте Sotheby’s(անգլ.)
- ↑ ARTinvestment.RU / Искусство в цифрах / Самые дорогие картины русских художников
- ↑ «Картину Малевича "Супрематическая композиция" продали за $85,8 млн на аукционе в Нью-Йорке». ТАСС (ռուսերեն). Վերցված է 2018-05-16-ին.