Թոքախոտ դանիական
| Թոքախոտ դանիական | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Pulmonaria dacica
|
Թոքախոտ դանիական (լատին․՝ Pulmonaria dacica), գաղտրիկազգիների ընտանիքին պատկանող դեղաբույս։
Նկարագրություն
Հաստ շագանակագույն կոճղարմատով և բազմաթիվ լարանման երկար արմատներով մեղրատու գեղազարդային բազմամյա կարճաթավ խոտաբույս է։ Կիսացողունագիրկ հիմքով սրածայր էլիպսաձև նստադիր տերևները հերթադիր դասավորված են 15-50 սմ բարձրություն ունեցող ցողունի վրա։ Թևավոր կոթուններով արմատամերձ խոշոր տերևներն աճում են ծաղկելուց հետո։ Գագաթնային ծաղկաբույլերում՝ ոլոքներում, հավաքված են կարճ ծաղկաթերթերով կախվող ծաղիկները։ Կիսաշրջանաձև բլթակներով պսակն երկնագույն-մանուշակագույն խողովակաձև-ձագարաձև է։ Ծաղկապսակը սկզբում վարդագույն է, հետագայում՝ ծաղկման ընթացքում, դառնում է կապույտ։ Պտուղները չորս փայլուն սև ընկուզիկներ են[1]։
Տարածվածություն
Աճում է ստորին և միջին լեռնային գոտիների անտառներում։ Հանդիպում է Տավուշի մարզում։ Բույսն ընդգրկված է Ռուսաստանի բույսերի «Կարմիր գրքում» և դրա հավաքն արգելված է[1]։
Նշանակություն
Բուժական նպատակներով օգտագործում են տերևներն ու վերգետնյա մասը ծաղիկներով։ Տերևներն օգտագործում են նաև սննդի մեջ․ պատրաստում են աղցաններ և ապուրներ[1]։
Ծանոթագրություններ
- ↑ 1,0 1,1 1,2 Ծատուրյան, Թամարա; Գևորգյան, Մարգարիտա (2014). Պողոսյան, Ա․; Զաքարյան, Ն․ (eds.). Հայաստանի վայրի դեղաբույսեր. Երևան: Լուսակն. էջ 315. ISBN 9789939834689.
 | Վիքիցեղերն ունի նյութեր, որոնք վերաբերում են «Թոքախոտ դանիական» հոդվածին։ |
|
