Նարեկ Դուրյան
- Վիքիպեդիայում կան հոդվածներ Դուրյան ազգանունով այլ մարդկանց մասին։
 | |
|---|---|
 | |
| Ծնվել է | ապրիլի 26, 1959 (64 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Անտոն Չեխովի անվան թիվ 55 դպրոց, Սայաթ-Նովայի անվան երաժշտական դպրոց և Երևանի պետական գեղարվեստա-թատերական ինստիտուտ |
| Քաղաքացիություն |  Հայաստան |
| Մասնագիտություն | դերասան |
| Ծնողներ | հայր՝ Օհան Դուրյան |
| Պարգևներ և մրցանակներ | |
Նարեկ Օհանի Դուրյան (ապրիլի 26, 1959, Երևան, Հայկական ԽՍՀ, ԽՍՀՄ), հայ դերասան։
Դիրիժոր, կոմպոզիտոր Օհան Դուրյանի որդին։
Կենսագրություն[խմբագրել | խմբագրել կոդը]
Նարեկ Դուրյանը ծնվել է Երևանում, դիրիժոր Օհան Դուրյանի ընտանիքում։ Սովորել է Երևանի Անտոն Չեխովի անվան թիվ 55 միջնակարգ դպրոցում, Սայաթ-Նովայի անվան երաժշտական դպրոցում, 1976-1980 թվականներին՝ Երևանի գեղարվեստա-թատերական ինստիտուտի դերասանական ֆակուլտետում։ 1978 թվականից եղել է Երևանի Փոսի թատրոնի դերասան և երաժիշտ։ 1980 թվականին մեկնել է Ավստրիա, ապա՝ Ֆրանսիա։ 1980-1982 թվականներին Մարսելում, Փարիզում և այլ քաղաքների ջազ ակումբներում հանդես է եկել որպես դաշնակահար։ 1984 թվականին ֆրանսահայ համայնքում բեմադրել է «Քաջ Նազար» երաժշտական կատակերգությունը։ 1985 թվականին Փարիզի օպերայում Մուսորգսկու «Սալամբո» օպերային ներկայացման մեջ խաղացել է Մուսորգսկու դերը։ 1989 թվականին հիմնել է «Բոհեմի թատերախումբ» միությունը, հյուրախաղերով հանդես է եկել տարբեր երկրներում։ 1990 թվականին Երևանի Հակոբ Պարոնյանի անվան պետական երաժշտական կոմեդիայի թատրոնում բեմադրել է «Օպերացիա Նեմեսիս» ներկայացումը[1][2]։ Բնակվել է Ֆրանսիայում։ Հայաստան է տեղափոխվել 2007 թվականին։
2016 թվականի սեպտեմբերի 15-ին Երևանում հիմնել է «Բոհեմ» թատրոնը։
Բեմադրություններ, դերեր[խմբագրել | խմբագրել կոդը]
- «Մորաքույրը Փարիզից»
- «Սե լա վի»
- «Մենք ենք, մեր ստերը»
- «Դոն Ժուան Ավիա»
- «Քաջ Նազար»
- «Շեղշե լա ֆամ»
- «Կոմա նոստրա»
- «Իմ կնոջ անունն է Մորիս»
- «Տիկնիկների խանութ»
- «Ամանորը Նազարի մոտ»
- «Ճտերն աշնանն են հաշվում»
- «Օպերացիա Նեմեսիս»
Ֆիլմեր[խմբագրել | խմբագրել կոդը]
- Այստեղ, 2011
Մրցանակներ, պարգևներ[խմբագրել | խմբագրել կոդը]
- Լենինգրադի համամիութենական մրցույթի դափնեկիր, 1978
- Հայաստանի «Մովսես Խորենացու մեդալ», 2010
- «Գրիգոր Նարեկացի» հուշամեդալ, 2014
Ընտանիք[խմբագրել | խմբագրել կոդը]
Ամուսնացած է, ունի երեք զավակ՝ Շուշան, Օհան ու Արմեն։
Ծանոթագրություններ[խմբագրել | խմբագրել կոդը]
- ↑ Նարեկ Դուրյան. «Պետք է փոխել թատրոնի ֆորման»
- ↑ «Նարեկ Դուրյանի կենսագրությունը avproduction.am կայքում». Արխիվացված է օրիգինալից 2022 թ․ օգոստոսի 10-ին. Վերցված է 2020 թ․ մայիսի 14-ին.