Ջուզեպպե Տարտինի

Ջուզեպպե Տարտինի

Ջուզեպպե Տարտինի (Ապրիլի 8,1692 Պիրան, (այժմ Սլովենիա) – Փետրվարի 26, 1770,Պադու, Իտալիա) Բարոկկո դարաշրջանի իտալացի ջութակահար և կոմպոզիտոր:

Կյանքը

Ջուզեպպե Տարտինին ծնվել է 1692 թ. ապրիլի 8-ին Պիրանում, (այժմ Սլովենիա և մահացել 1770 թ. փետրվարի 26-ին Պադուում, (Իտալիա): Աշխատել է տարբեր նվագախմբերում, նաև ղեկավարել է Պադուի Սուրբ-Անտուան եկեղեցու նվագախումբը: Այս կարգավիճակը Տարտինիին թույլ է տալիս շրջագայել: Այս նույն քաղաքում նա հիմնում է երաժշտական դպրոց, որտեղ նաև դասավանդում է Պիեդրո Նարդինիին: Տարտինին գրել է տարբեր քննադատական հոդվածներ և միջոցներ ուսուցանման համար: Տարտինիի նվագը աչքի էր ընկնում իր երգեցիկ հնչյուններով և իր աներևակայելի աղեղային շարժումներով: Նա աշխատել է Անտոնիո Վիվալդիի և Արկանջելո Կորելլիի հետ:

Ստեղծագործությունների ցանկ

• 130 կոնցերտ ջուտակի համար
• 150 սոնատ ջուտակի համար
• 50 եռակի սոնատ
• "Աղեղի արվեստը" (50 վարիացիա Կորելլի գավոտի հիման վրա գրված)
• եկեղեցական մեղեդիներ

Տարտինիի ամենաճանաչված գործերից է "Սատանայի դայլայլը" ՝ սոնատ ջուտակի համար: Ըստ Տարտինիի, նա գրել է այս սոնատը այն բանից հետո, երբ երազում տեսել է, թե ինչպես է սատանան ջութակ նվագում իր համար: Նա արթնացել է և փորձել է գրել սատանայի նվագած երաժշտությունը: