Վիքիպեդիա:Պատճենել-փակցնել

99.9% դեպքերում, դուք չեք կարող այլ աղբյուրներից տեքստ պատճենել-փակցնել Վիքիպեդիայում (կարճ քաղվածքներից բացի), որովհետև դա կխախտի հեղինակային իրավունքները, և/կամ գրագողություն կհամարվի: Եթե դուք կարծում եք, որ ձերը հազվադեպ բացառության դեպքերից է, շարունակեք կարդալ. բայց հիշեք, որ նույնիսկ երբ հեղինակային իրավունքները խնդիր չեն, դարձյալ հավանական է, որ ավելի լավ է հոդվածը գրեք դուք՝ ձեր իսկ բառերով, և ուղղակի նշեք այն աղբյուրը, որից ուզում եք պատճենել:

Բայց ես միայն փորձում եմ օգտակար լինել/բովանդակության սկիզբը դնել: Մենք գնահատում ենք ձեր բարի մտադրությունները, սակայն տեքստի պատճենել-փակցնելը համարյա երբեք օգտակար չէ: Այդ պատճառով էլ հեղինակային իրավունքների խախտման համար արագ ջնջելու ընթացք կա: Փոխարենը՝ հոդվածը գրեք ձեր իսկ շարադրանքով, և նշեք այն աղբյուրները, որոնց վրա հիմնվել եք:

Արդյո՞ք կարող եմ ուրիշ տեղից վերցրած տեքստը պատճենել-փակցնել Վիքիպեդիայում

Հիմնական էջ՝ Վիքիպեդիա:ՀՏՀ/Հեղինակային իրավունք

Որպես ընդհանուր կանոն, ՈՒՐԻՇ ՑԱՆՑԱԿԱՅՔԵՐԻՑ ՄԻ՛ ՊԱՏՃԵՆԻՐ-ՓԱԿՑՐՈՒ:

• Շատ քիչ կայքեր (և այլ աղբյուրներ) կան, որոնցից կարելի է առանց հեղինակային իրավունքների խախտման պատճենել-փակցնել, որտեղ տեքստը կամ հանրության սեփականություն է, կամ Վիքիպեդիայի հետ համատեղելի լիցենզիա է օգտագործում:

Հեղինակային իրավունքները անպայման չէ, որ շեշտված լինեն. եթե աղբյուրը լիցենզիայի կամ հեղինակային իրավունքների մասին ոչինչ չի ասում, իրեն պիտի վերաբերվել որպես հեղինակային իրավունքներով պաշտպանված աղբյուր: Եթե կարծում եք ձեր աղբյուրը կարելի է թույլատրը պատճենել, այս բաժինը ստուգեք մանրամասերի համար, և դա հաստատեք խորհրդարանում կամ Վիքիպեդիայի քննարկում:Հեղինակային իրավունքի խնդիրներում:

• Եթե ձեզ է պատկանում նախապես հրատարակված նյութը կամ դրա վերարտադրման թույլատվությունն ունեք, այդ թույլատվությունը պիտի հաստատվի: Տեսե՛ք Վիքիպեդիա:Հեղինակային իրավունքներով պաշտպանված նյութերի նվիրաբերություն:

Բայց հաստատ կարող եմ ՍՐԱՆԻ՞Ց պատճենել

Որպես ընդհանուր կանոն, ՈՒՐԻՇ ՑԱՆՑԱԿԱՅՔԵՐԻՑ ՄԻ ՊԱՏՃԵՆԻՐ-ՓԱԿՑՐՈՒ: Դա ներառում է՝

• Բարեգործությունները, շահույթ չհետապնդող կազմակերպուլյունները, դպրոցները, և այլն:

• Առանց հեղինակային իրավուքների մասին ծանուցման ցանցակայքերը: Եթե որևէ աշխատանք հեղինակային իրավունքների մասին ծանուցում չունի, դա չի նշանակում, որ կարող է ազատորեն օգտագործվել՝ եթե կասկածում եք, ենթադրեք, որ այն չեք կարող օգտագործել:

Նշում. Նույնիսկ եթե որևէ հաստատության հետ աշխատում կամ նրան եք ներկայացնում, չեք կարող առանց պաշտոնապես Վիքիպեդիայի հետ թույլատվությունները պարզաբանելու դրանից տեքստ պատճենել-փակցնել: Եթե դուք դա անելու լիազորությունն ունեք, տեսե՛ք Վիքփեդիա:Հեղինակային իրավունքով պաշտպանված նյութերի նվիրաբերություն: Նաև նկատի ունեցեք, որ կազմակերպության ցացակայքերի տեքստը ամեն դեպքում հաճախ էական վերաշարդրում է պահանջում հանրագիտարանային դառնալու համար. այն չպետք է գովազդի նման հնչի:

Արդյո՞ք կարող եմ մի փոքր փոփոխելով պատճենել-փակցնել տեքստը

Տե՛ս նաև՝ Վիքիպեդիա:Նույնանման վերապատմում

Ոչ: Կարող է տեքստի պատճենել-փակցնելը և ապա այն փոքր ինչ փոփոխելու միտքը գայթակղիչ լինի, իբր այն խնդիր չի ներկայացնում: Օրինակ կարելի է՝ «խնձորը փխրուն, ղրճղրճան միրգ է, որը գնահատվում է իր գրեթե պարզ հյութի համար» նախադասության փոխարեն գրել՝ «խնձորը փխրուն, ղրճղրճան միրգ է, որն արժեվորվում է իր համարյա պարզ հյութի համար»: Ցավոք, այս տեսակ մակերեսային փոփոխությունը բավական չէ՝ դուք պետք է հոդվածը ձեր իսկ բառերով գրեք, և հետո նշեք այն աղբյուրները, որոնց վրա եք հիմնվել: Եթե աղբյուրի որևէ նյութի մասին արտահայտման ձևն է կարևիր, օգտվեք չակերտներով և տեքստում պարզ վերագրմամբ մեջբերումից (օրինակ՝ Ըստ Սուրիկ Սուրենցի, «խնձորը փխրուն, ղրճղրճան միրգ է, որը գնահատվում է իր գրեթե պարզ հյութի համար»:

Իսկ քաղվածքները՞

Հիմնական էջ՝ Վիքիպեդիա:Քաղվածքներ

Հեղինակային իրավունքներով պաշտպանված տեքստից կարճ մեջբերումներ կարելի է օգտագործել որևէ կետ պարզաբանելու, համատեքստ ստեղծելու, կամ որևէ տեսակետի կամ գաղափարի վերագրման համար: Հեղինակային իրավունքներով պաշտպանված տեքստը պետք է վերագրվի և պարզապես չակերտներով նշվի: Հեղինակային իրավունքներով պաշտպանված տեքստից ընդարձակ մեջբերում անելը արգելված է, նույնիսկ եթե ճիշտ վերագրված լինի:

Որևէ Վիքիպեդիայի հոդվածից մյուսին պատճենել-փակցնելն ի՞նչ

Հիմնական էջ՝ Վիքիպեդիա:Վիքիպեդիայում պատճենել

Այո, դուք կարող եք որևէ Վիքիպեդիայի հոդվածի բաժին մյուսին պատճենել, բայց պիտի խմբագրման ամփոփման մեջ հղում տեղադրեք դեպի նախկին հոդված: Օգտագործողների կողմից ներդրած բնօրինակ բովանդակությունը կարող է ազատորեն օգտագործվել, միայն այն պայմանով, որ բնօրինակի հեղինակը ճանաչեք. եթե դա չնշեք, խախտած կլինեք նրանց հեղինակային իրավունքները:

• Թեև, եթե միայն ուզում եք որևէ հոդվածի անունը փոխել, մի՛ պաճենեք-փակցրեք. օգտվե՛ք տեղափոխել գործիքից կամ դրա փոխարեն պահանջ ներկայացրեք Վիքիպեդիա:Պահանջված տեղափոխումներում:

Նշումներ

• Այս կանոնակարգը թարգմանվել է անգլերեն Վիքիպեդիայի 2010 դեկտեմբերի 4-ի տարբերակից: