Ամերիկյան վարգուն

Ամերիկյան վարգուն , թեթև–լծկան ձիերի ցեղ։ Ստացվել է ԱՄՆ–ում, 19-րդ դարի կեսերին՝ հեծկան, վարգուն և շորորաքայլ ձիերի տրամախաչումից։ Ունի գերազանցապես սպորտային նշանակություն։

Ընդհանուր նկարագիր

Միատիպ չէ, մարմնակազմը թեթև է, չոր։ Գույնը՝ աշխետ, շառատ, սև և այլն։ Մնդավի բարձրությունը 153–157 սմ է, իրանի թեք երկարությունը՝ 154–158 սմ, կրծքի փաթը՝ 170–185 սմ, նախադաստակի փաթը՝ 18-20 սմ։ Ամերիկյան վարգունին է պատկանում 1609 մ տարածություն անցնելու արագության համաշխարհային ռեկորդը՝ վարգով 1 ր 55,25 վրկ, շորորաքայլ վազքով՝ 1 ր 53,6 վրկ։

Բուծվում

Բուծվում է ԱՄՆ–ում, Կանադայում, Իտալիայում, Շվեդիայում և այլն։ Ռուսաստան է ներմուծվել 19-րդ դարի վերջերին։ Օրլովյան վարգունի և ամերիկյան վարգունի տրամախաչումից ստացվել է ռուսական վարգունը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 316)։