Վահրամ Եղշատյան

Վահրամ Աշոտի Եղշատյան (1918, ապրիլի 23 - ), հայ դերասան։ Վրացական ԽՍՀ և ՀԽՍՀ վաստակավոր արտիստ (1985)։

Ծնվել է Ղարաքիլիսայում (այժմ` Վանաձոր)։ Բեմ է բարձրացել 1936-ին Թիֆլիսում։ Խաղացել է Երևանի պատանի հանդիսատեսի թատրոնում, ապա երկար տարներ` Թիֆլիսի Շահումյանի անվան թատրոնում։ 1965-ից աշխատել է Երևանի Գ. Սունդուկյանի անվան թատրոնում։

Գլխավոր դերերից են` Պեպո, Գևորգ Մարզպետունի, Գոշ, Ռուստամ («Նամուս»), Գոդուն («Բեկում»), Մուրադ («Չար ոգի»), Յաշա («Ուրիշի երեխան»), Ժորժ («Մորգանի խնամին») և այլն։

1961-ին Թիֆլիսում նշվել է նրա բեմական գործունեության 25-ամյակը։

Նկարահանվել է նաև ֆիլմերում, ինչպես` «Սարոյան եղբայրներ», «Օտար խաղեր» և այլն։