Սխեմա

Սխեմա (հունարեն' արտաքին տեսք, ձև, ուրվանկար, ակնարկ), շինվածքում հիմնական կամ օժանդակ ֆունկցիաներ կատարող կապի տարրերի և շղթաների ամբողջություն, ինչպես նաև կոնստրուկտորական փաստաթղթերի մասը հանդիսացող գծագիր, որը պարզաբանում է պրոցեսների հիմնական գաղափարները, սկզբունքները և հաջորդականությունը՝ հանգույցի, սարքի, հարմարանքի, տեղակայանքի կամ կառույցի աշխատանքի ժամանակ։ Սխեմա կատարում են պայմանական գրաֆիկական նշանների և պարզ երկրաչափական պատկերների (առանց մասշտաբը պահպանելու) ու դրանց կապերի միջոցով, որոնք սահմանվում են ստանդարտով։ Սխեմաները լինում են էլեկտրական, հիդրավլիկական, կինեմատիկական և պնևմատիկ։ Ըստ նշանակման տարբերում են սկզբունքային, ֆունկցիոնալ, կառուցվածքային սխեմաներ, ինչպես նաև միացումների և դասավորության ընդհանուր սխեմաներ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 434)։