«Իգաել Յադին»–ի խմբագրումների տարբերություն
No edit summary |
ավելացվեց Կատեգորիա:Իսրայելի քաղաքական գործիչներ ՀոթՔաթ գործիքով |
||
Տող 38. | Տող 38. | ||
[[Կատեգորիա:Իսրայելի պետական գործիչներ]] |
[[Կատեգորիա:Իսրայելի պետական գործիչներ]] |
||
[[Կատեգորիա:Իսրայելցի հնագետներ]] |
[[Կատեգորիա:Իսրայելցի հնագետներ]] |
||
[[Կատեգորիա:Իսրայելի քաղաքական գործիչներ]] |
10:33, 15 Հունիսի 2020-ի տարբերակ
Իգաել Յադին | |
Կուսակցություն՝ | Դեմոկրատական շարժում հանուն փոփոխությունների և Դեմոկրատական շարժում |
---|---|
Կրթություն՝ | Երուսաղեմի հրեական համալսարան և Ռեհավիյա գիմնազիա |
Մասնագիտություն՝ | մարդաբան, հնագետ, քաղաքական գործիչ, ռազմական գործիչ և սպա |
Դավանանք | հուդայականություն |
Ծննդյան օր | մարտի 20, 1917[1] |
Ծննդավայր | Երուսաղեմ[1] |
Վախճանի օր | հունիսի 28, 1984[2][3][4] (67 տարեկան) |
Վախճանի վայր | Երուսաղեմ, Իսրայել |
Թաղված | Հերցլի լեռ |
Քաղաքացիություն | Իսրայել և Օսմանյան կայսրություն |
Հայր | Էլեազար Սուկենիկ |
Մայր | Հասյա Սուկենիկ |
Պարգևներ | |
Իգաել Յադին (եբրայերեն՝ יגאל ידין, ծննդյան անունը` Սուկենիկ, մարտի 20, 1917[1], Երուսաղեմ[1] - հունիսի 28, 1984[2][3][4], Երուսաղեմ, Իսրայել), Իսրայելի պաշտպանության բանակի Գլխավոր շտաբի պետի տեղակալ, Իսրայելի փոխվարչապետ (1977-1981), իսրայելցի հնագետ և քաղաքական գործիչ:
Կենսագրություն
Ռազմական կարիերան
Յադինը ծնվել է 1917 թվականին հայտնի հնագետ Էլեազար Սուկենիկի և կանանց շարժման ակտիվիստուհի Հասյա Ֆայնսոդի ընտանիքում[7]: 15 տարեկան հասակում նա միացավ Հագանային, որտեղ զբաղեցրեց տարբեր պաշտոններ: 1946 թվականին Յադինը հեռացավ Հագանայից իր հրամանատար Իցհակ Սադեի հետ կապված վեճերի պատճառով: 1947 թվականին, Իսրայելի անկախության հռչակումից առաջ, Դավիդ բեն Գուրիոնը կոչ արեց Յադինին նորից անցնել զինվորական ծառայության (այդ ժամանակ նա սովորում էր համալսարանում): Գլխավոր շտաբի պետ Յակով Դորիի հիվանդության պատճառով Անկախության պատերազմի ժամանակ ռազմական գործողությունները ղեկավարում էր Յադինը:
Դորիի հրաժարականից հետո 1949 թվականի նոյեմբերի 9-ից Յադինը պաշտոնապես նշանակվում է Գլխավոր շտաբի պետ և աշխատում այդ պաշտոնում 3 տարի: Վարչապետի և պաշտպանության նախարարի պաշտոնը զբաղեցնող Բեն Գուրիոնի հետ ունեցած տարաձայնությունների պատճառով Յադինը 1952 թվականի դեկտեմբերի 7-ին հրաժարական տվեց: Յադինը ռազմական կարիերան ավարտեց 35 տարեկան հասակում:
Հնագիտություն
Հրաժարականից հետո Իգաել Յադինը իրականացրեց բազմաթիվ հնագիտական հետազոտություններ: 1956 թվականին նա արժանացավ Իսրայելի պետական մրցանակի, Մեռյալ ծովի թղթագլանների թարգմանությանը նվիրված դոկտորական թեզի համար: Յադինը մասնակցել է մի շարք կարևոր պեղումների, ինչպիսիք էին Կումրանը, Մասադան, Հացորը և Մեգիդոն: 1967 թվականի վեցօրյա պատերազմի ժամանակ Յադինը եղել է վարչապետ Լևի Էշկոլի ռազմական խորհրդականը, իսկ արաբա- իսրայելական պատերազմից հետո եղել է Ագրանատի հանձնաժողովի անդամ: Պրոֆեսոր, Բրիտանական ակադեմիայի թղթակից-անդամ (1966):
Քաղաքական գործունեություն
1976 թվականին Յադինը պրոֆեսոր Ամնոն Ռուբինշտեյնի, Շմուելեմ Թամիրի, Մեիր Ամինի և Մեիր Զորեայի հետ համատեղ ստեղծեցին «ԴԱՇ» կուսակցությունը («Դեմոկրատական շարժում հանուն փոփոխությունների»): Նոր կենտրոնամետ կուսակցությունը խոստումնալից էր թվում կոռուպցիայի դեմ մղվող պայքարում «Մաարահ» շարժման մեջ (այժմ` «Ավոդա» կուսակցություն): 1977 թվականի Քնեսեթի ընտրությունների ժամանակ կուսակցությունը ստացավ 15 տեղ: «Լիկուդի» առաջնորդ Բեգինը կարողացավ «ԴԱՇ» կուսակցության հետ միասին կազմավորել կոալիցիոն կառավարություն, Մաարախին թողնելով ընդդիմություն: Իգաել Յադինը ստացավ փոխվարչապետի պաշտոնը և ակտիվ մասնակցություն ունեցավ Եգիպտոսի հետ խաղաղության պայմանագրի կնքմանը: Հետագայում կուսակցությունը պառակտվեց և 1981 թվականին Յադինը հեռացավ քաղաքականությունից:
Յադինը մահացել է 1984 թվականի հունիսին, թաղված է Երուսաղեմում, Հերցլյա սարի վրա: Նրա պատվին անվանակոչվել են Իսրայելի քաղաքների բազմաթիվ փողոցներ:
Պարգևներ
- 1956 — Իսրայելի մրցանակ[8]
- 1963 — Ռոտշիլդյան մրցանակ
- 1969 — Մեսսենջերյան դասախոսություններ
Գրականություն
- Neil A. Silberman "A Prophet from Amongst You: The Life of Yigael Yadin, Soldier, Scholar, and Mythmaker of Modern Israel" Addison Wesley (1994).
Ծանոթագրություններ
- ↑ 1,0 1,1 1,2 1,3 1,4 חה"כ יגאל ידין (סוקניק) — Knesset.
- ↑ 2,0 2,1 2,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 3,0 3,1 3,2 Annuaire prosopographique : la France savante
- ↑ 4,0 4,1 4,2 Munzinger Personen (գերմ.)
- ↑ Իսրայելի մրցանակ — 1953.
- ↑ Իսրայելի թանգարան — 1965.
- ↑ Hasya Sukenik-Feinsod
- ↑ «Israel Prize Official Site – Recipients in 1956 (in Hebrew)».
Արտաքին հղումներ
- Ядин Иггаэль՝ հոդվածը Հրեական էլեկտրոնային հանրագիտարանում
- Биография Игаэля Ядина на сайте кнессета (англ.)
- Биография Игаэля Ядина на сайте кнессета (русс.)
- Фото и фильм о Ядине и его археологических исследованиях
Վիքիպահեստն ունի նյութեր, որոնք վերաբերում են «Իգաել Յադին» հոդվածին։ |
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Իգաել Յադին կատեգորիայում։ |
- Երուսաղեմի հրեական համալսարանի շրջանավարտներ
- Մարտի 20 ծնունդներ
- 1917 ծնունդներ
- Երուսաղեմ քաղաքում ծնվածներ
- Հունիսի 28 մահեր
- 1984 մահեր
- Երուսաղեմ քաղաքում մահացածներ
- Իսրայելի պետական մրցանակի դափնեկիրներ
- Անձինք այբբենական կարգով
- Բրիտանական ակադեմիայի թղթակից-անդամներ
- Իսրայելի մրցանակի դափնեկիրներ
- Իսրայելի պետական գործիչներ
- Իսրայելցի հնագետներ
- Իսրայելի քաղաքական գործիչներ