Տիգրան Պողոսյան

ՏԻԳՐԱՆ ՊՈՂՈՍՅԱՆ

Տիգրան Մխիթարի Պողոսյան
Ծննդավայր	Հայաստան, Շիրակ
Մահվան վայր	Արցախ, Մարտակերտ
Քաղաքացիություն	Հայաստան
Կոչում	ավագ լեյտենանտ
Մարտեր/ պատերազմներ	Արցախա-ադրբեջանական «պատերազմ»
Պարգևներ	«Արիության» մեդալ

Տիգրան Մխիթարի Պողոսյան (Փետրվարի 21, 1992, Հոռոմ Արթիկ - ապրիլի 26, 2016, Մարտակերտ, Հայաստանի Հանրապետության Զինված ուժերի և Արցախի Պաշտպանության բանակի զինծառայող,ավագ լեյտենանտ:

Կենսագրություն

Կյանք և ուսում Հիշատակ

Տիգրան Մխիթարի Պողոսյանը ծնվել է 1992 թվականի փետրվարի 21-ին Շիրակի մարզի Արթիկ շրջանի գյուղ Հոռոմում, Մխիթար Պողոսյանի և Սիլվա Մանասյանի ընտանիքում։ Ունի ավագ եղբայր՝ Տարոն Պողոսյանը:

1999 թվականին ընդունվել է Հոռոմի միջնակարգ դպրոցը։ Դպրոցն ավարտել է 2009 թվականին:

2010 -2014 թվականները սովորել է Վ.Սարգսյանի անվան ռազմական ինստիտուտ։

Զբաղվել է կինգ բոքսով, կարատե սպորտաձևերով:

Պատերազմ

2014 թվականից Ծառայության է անցել ԼՂՀ Մարտակերտում։

2016 թվականի ապրիլի 2-ից պայքար է մղել ադրբեջանական բազմաքանակ գրոհայինների դեմ։ Արիաբար զոհվել է 2016 թվականի ապրիլի 25-ի գիշերը լույս 26-ին արկի բեկորի մահացու հարվածից, սեփական մարմնով փրկելով իր զինվորի կյանքը։

Հուղարկավորություն

2016 թվականի ապրիլի 28-ին տեղի ունեցավ Տիգրան Պողոսյանի հուղարկավորությունը Հոռոմ գյուղի մշակույթի տանը: Ապրիլի 29-ին տեղի ունեցավ հոգեհանգիստը:

ՀԻՇԱՏԱԿ

2017 թվականի ապրիլի 26–ին Տիգրան Պողոսյանի ընտանիքի կողմից Հոռոմ գյուղում տեղադրվեց խաչքար ի հիշատակ Տիգրանի և բոլոր հերոսների հիշատակին

2017 թվականի ապրիլի 18–ին Հոռոմ դպրոցի բակում Տիգրան Պողոսյանի հիշատակին բացվեց ապրիլյան պատերազմի հերոսների անվանական ծառուղի

Հերոսի խոսքերը

«Ամենալավն այս տղաներն են, որ դիրք են պահում». Տիգրան Պողոսյան

«Հայրենիքը սուրբ է, իսկ սուրբ հողը պետք է պաշտպանել». Տիգրան Պողոսյան

«Սպան զինվորի ավագ ընկերն է ու միշտ նրա կողքին պետք է լինի»

Պարգևներ

2014 թվականին, ինստիտուտի ավարտական տարում, պարգևատրվել է անվանական դաշույնով՝ ՀՀ նախագահի կողմից:

2016 թվականի մայիսի 28-ին Տիգրանը ՀՀ նախագահ Սերժ Սարգսյանի կողմից պարգևատրվել է Հայաստանի Հանրապետության «Արիության» պետական մեդալով:

2016 թվականի մարտի 27-ին Տիգրանը ԼՂՀ նախագահ Բակո Սահակյանի կողմից պարգևատրվել է Արցախի «Արիության» պետական մեդալով: