Ալեքսանդր Դեմյանենկո

Ալեքսանդր Դեմյանենկո ռուս.՝ Александр Сергеевич Демьяненко
Պատկեր:Aleksandr Demyanenko.jpg
Ծնվել է	Մայիսի 30, 1937
Ծննդավայր	Սվերդլովսկ, Սվերդլովսկի շրջան, ԽՍՀՄ
Մահացել է	Օգոստոսի 22, 1999 (62 տարեկան)
Մահվան վայր	Սանկտ Պետերբուրգ, Ռուսաստանի Դաշնություն
Գերեզման	Սերաֆիմովսկոե գերեզմանատուն
Կրթություն	Ռուսաստանի թատերական արվեստի համալսարան (1959)
Քաղաքացիություն	ԽՍՀՄ և  Ռուսաստան
Մասնագիտություն	Դերասան
Ակտիվ շրջան	1958-1999
Ժանրեր	Կատակերգություն
Ընտրանի	"Կովկասի գերուհին", "Շուրիկի արկածները", "Իվան Վասիլևիչը փոխում է մասնագիտությունը"
Ամուսին(ներ)	Լյուդմիլա Ֆիմյանենկո
Երեխա(ներ)	ԱՆժելիկա Նևոլինա
Պարգևներ և մրցանակներ	և
IMDb	ID 0218849
ԿինոՊոիսկ	ID 284624

Ալեքսանդր Սերգեևիչ Դեմյանենկոն (ռուսերեն՝ Александр Сергеевич Демьяненко, Մայիսի 30, 1937 - Օգոստոսի 22, 1999), խորհրդային և ռուսական թատրոնի և կինոյի դերասան, ԽՍՀՄ ժողովրդական արտիստ: Դեմյանենկոյի կերտած ամենահայտնի և հաջողված կերպարներից է համարվում բարի ու ազնիվ Շուրիկի կերպարը, որով նա հայտնի դարձավ խորհրդային հանդիսատեսին։

Կենսագրություն

Ալեքսանդր Սերգեևիչ Դեմյանենկոն ծնվել է 1937 թվականի մայիսի 30-ին Սվերդլովսկում և դեռ վաղ մանկությունից հետաքրքրվում էր թատրոնով: Դրանում մեծ դեր է խաղացել նրա հայրը, ով ավարտել էր ԳԻՏԻՍ-ը, աշխատել էր օպերային թատրոնում, իսկ ավելի ուշ դերասանական վարպետություն էր դասավանդել Կոնսերվատորիայում։

Դպրոցն ավարտելուց հետո Ալեքսանդր Դեմյանենկոն փորձել է ՄԽԱՏ-ի դպրոց-ստուդիա ընդունվելու քննություններ հանձնել, սակայն հուզմունքը չհաղթահարելու պատճառով ձախողել է այն։ Սակայն մեկ տարի հետո նա մեկնել է Մոսկվա և անմիջապես ընդունվել ԳԻՏԻՍ։ Ավարտելով այն՝ որոշ ժամանակ աշխատել է Մայակովսկու թատրոնում։ Այնուհետև տեղափոխվել է Լենինգրադ և ողջ կյանքն անցկացրել այդ քաղաքում։

Նկարահանվել է «Օպերացիա և Շուրիկի մյուս արկածները», «Կովկասի գերուհին», «Իվան Վասիլևիչը փոխում է մասնագիտությունը» կինոնկարներում, որոնք ընդգրկված են ռուսական կինեմատոգրաֆիայի ոսկե ֆոնդում։

Դեմյանենկոն, ով կյանքի վերջին տարիներին տառապում էր ալկոհոլիզմով և ապրում չքավորության մեջ, մահացել է 1999 թվականի օգոստոսի 22-ին, սրտի կաթվածից։

Տարեգրություն

• 1946 - 1952 թթ - Սովորել է Սվերդլովսկի երաժշտական դպրոցում
• 1954 թ. - Ձախողել է արվեստի դպրոցի ընդունելության քննությունները
• 1955-1959 թթ. - Սովորել է Մոսկվայի թատրոնի ակադեմիայում
• 1965 թ. - Թողարկվում է Շուրիկի մասնակցությամբ ամենաառաջին դասական ֆիլմը՝ «Օպերացիա Ի-ն, և Շուրիկի մյուս արկածները»
• 1966 թ. - Շուրիկի կերպարը հանդես է գալիս «Կովկասի գերուհին» ֆիլմում
• 1999 թ. - Դեմյանենկոն, ով կյանքի վերջին տարիներին տառապում էր ալկոհոլիզմով և ապրում չքավորության մեջ, մահանում է սրտի կաթվածից

Արտաքին հղումներ

• IMDb էջ

Վիքիպահեստն ունի նյութեր, որոնք վերաբերում են «Ալեքսանդր Դեմյանենկո» հոդվածին։