Հարություն Ճուղուրյան

Հարություն Ճուղուրյան
Ծնվել է	հոկտեմբերի 24, 1864(1864-10-24)
Ծննդավայր	Խաշթառակ, Հայաստան
Մահացել է	հունվարի 28, 1938(1938-01-28) (73 տարեկան)
Մահվան վայր	Խաշթառակ, Իջևանի շրջան, Հայկական ԽՍՀ, ԽՍՀՄ
Գերեզման	Թոխմախի գերեզմանատուն
Քաղաքացիություն	Ռուսական կայսրություն և  ԽՍՀՄ
Կրթություն	Ներսիսյան դպրոց (1890)
Մասնագիտություն	գրող, ուսուցիչ և քահանա
Անդամություն	ԽՍՀՄ Գրողների միություն

Հարություն Գրիգորի Ճուղուրյան (1864, հոկտեմբերի 24 - 1938, հունվարի 28) հայ արձակագիր, գյուղագիր, մանկավարժ, ԽՍՀՄ գրողների միության անդամ 1934-ից։

Ծնվել է Խաշթառակ (այժմ՝ Տավուշի մարզ) գյուղում։ 1890-ին ավարտել է Թիֆլիսի Ներսիսյան դպրոցը։ Այնուհետև զբաղվել է ուսուցչությամբ։ Հայոց լեզու է դասավանդել Թիֆլիսի Գայանյան, Այգեպանական, Քաղաքային և այլ դպրոցներում։ Ֆելդշերական դպրոցում հայոց լեզու է դասավանդել Սերգո Օրջոնիկիձեին։ 1898-ին ձեռնադրվել է քահանա։ 1923-ին Թիֆլիսից փոխադրվել է Երևան։ 1925-ից կրկին ուսուցչություն է արել ծննդավայրում և Իջևանի շրջանի այլ գյուղերում։ Նրա «Չատոյի բախտի անիվը» գործը թարգմանվել է ադրբեջաներեն։ Մահացել է Խաշթառակում։

Խաշթառակի միջնակարգ դպրոցը կոչվում է նրա անվամբ։

Հ. Ճուղուրյանի երկերի մատենագրություն

• Մոռացված աշխարհ, գիրք Բ, Թիֆլիս, տպարան Մ. Շարաձեի, 1895, 244 էջ։
• Մոռացված աշխարհ, գիրք Ա, Թիֆլիս, տպարան Մն. Մարտիրոսյանի, 1896, 175 էջ։
• Մոռացված աշխարհ, գիրք Գ, Թիֆլիս, տպարան Մն. Մնացականյանի, 1896, 173 էջ։
• Աղա սուրբ Սարգիսը և Մալաք տատի հավատը, Թիֆլիս, 1899, 63 էջ։
• Աղքատի հալը, Թիֆլիս, տպարան Կ. Մարտիրոսյանի, 1902, 86 էջ։
• Գյուղի այրին, Թիֆլիս, տպարան Մ. Մարտիրոսյանի, 1902, 43 էջ։
• Չատոյի բախտի անիվը, Թիֆլիս, տպարան օր. Ն. Աղայանի, 1908, 98 էջ։
• Շիրինանաց Նախշունը, Թիֆլիս, տպարան «Էսպերանտո», 1911, 250 էջ։
• Մոռացված աշխարհ, Երևան, Պետհրատ, 1935, 399 էջ։
• Հայ գյուղագիրներ (ժողովածուում տպագրվել են Հարություն Ճուղուրյանի լուսանկարը, համառոտ կենսագրությունը և «Կնդխտոր», «Շաշ Պետին ու գիժ Ուհանը», «Չատոյի բախտի անիվը», «Փերշալ», «Խեչոյի կղացուն» պատմվածքները), Երևան, Հայպետհրատ, 1950, 578 էջ։
• Մոռացված աշխարհ, Երևան, «Հայաստան», 1968, 448 էջ։