Նավամատույց

Նավամատույց

Նավամատույց, կառույցների և սարքերի համախումբ, որը նախատեսված է նավերը կայանելու և սպասարկելու, ուղևորների նավ բարձրանալու և ափ իջնելու, բեռնելու-բեռնաթափելու և այլ գործողություններ կատարելու համար; Նավամատույցները լինում են ստացիոնար և լողացող։ Ըստ նշանակման տարբերում են ուղևորների, բեռների, նավանորոգման, ռազմական և այլ նավամատույցներ։ Կառանման կառույցները սարքավորվում են նավամատույց և նավի կողնոցը վնասվածքներից պաշտպանող կառանասյուներով (նավակառանների ամրացման համար) և հետահար հարմարանքներով (պաշտպանական չորսուներով, ալեմեղմիչներով և այլն)։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 8, էջ 188)։