Արեոպագոս

Արեոպագոս (հուն․՝ Ἄρειος πάγος), հին աթենական իշխանության մարմին է։ Անվանվել է նիստերի գումարման վայրի ` Արեսի բլրի (Ակրոպոլիսի մոտ) անունով։ Առաջացել է տոհմացեղային հասարակարգում, որպես ավագանու խորհուրդ։ Ունեցել հսկելու, դատելու, կրոնական և քաղաքական կյանքը տնօրինելու մեծ իրավունքներ։ Մ.թ.ա. 8-րդ դարում կազմվել է առավել գեղեցիկ և ունևոր աթենացիներից, մասնավորապես ` նախկին արքոնտներից։ Անդամների թիվը սահմանափակումներ չի ունեցել։ Արեոպագոսը արիստոկրատիայի, իսկ ավելի ուշ՝ օլիգարխիայի հենարան էր։ Նիստերը սովորաբար գումարվում էին յուրաքանչյուր ամսվա վերջին, երեք գիշեր շարունակ։ Արեոպագոսի իրավունքները մ.թ.ա. 6-րդ դարի սկզբին սահմանափակեց Սոլոնը։ Աթենական ստրկատիրական դեմոկրատիայի զարգացմանը զուգընթաց, Արեոպագոսը աստիճանաբար զրկվեց քաղաքական իշխանությունից։

Վիքիպահեստն ունի նյութեր, որոնք վերաբերում են «Արեոպագոս» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։