Ամուդան

Խնդրում ենք նշել կաղապարի տեղադրման ամսաթիվը 2024-04-25 05:51:02 ֆորմատով

Ամուդան
Նկարագրություն
Տեսակ	դղյակի ավերակներ, ամրոց և ավերակներ
Տեղագրություն	Դաշտային Կիլիկիա
Վարչական միավոր	Գյոկչեդամ
Գտնվում է ափին	Ջահան գետ
Երկիր	Թուրքիա
Castle of Amouda Վիքիպահեստում

Ամուդան, Ադամոդան, Ամուդ, Ամուդա, Ամուտ, Ամուտա, Ամուտան, Ատամոտա, Ատամոտան, Համիդիե, Համուտա, Հեմիդիե, Համիթե, բերդ Դաշտային Կիլիկիայի հարավարևելյան ծայրամասում, Ջահան գետի աջ ափին։

Պատմություն

Կառուցվել է կոնաձև լեռան գագաթին, ունեցել է քառակուսի դղյակ, հարավարևմտյան և հյուսիսարևելյան կողմերից ամրացվել պարիսպներով և աշտարակներով։ 1145 թվականին Ամուդանը բյուզանդացիներից ազատագրել է Թորոս Բ իշխանապետը։ Ամուդանը հսկել է Ջահանի գետանցի և Ամանոսի լեռնային ուղիների հանգույցը, արևելքից պաշտպանել Անազարբա քաղաքը։

Ըստ Սմբատ Սպարապետի՝ 12-րդ դարի վերջին Ամուդանի բերդատեր իշխանն էր Սիմոնը։ Լևոն Բ թագավորը 1212 թվականին Ամուդանը պարգևել է (զինվորական ծառայության համար) Տևտոնյան հոգևոր օրդենի ասպետներին։

1266 թվականին Եգիպտոսի արաբական սուլթանության զորքերը գրավել են Ամուդանը, կոտորել տղամարդկանց, գերեվարել կանանց և երեխաներին։ Նրանք Ամուդանը և շրջակա միջակայքն ասպատակել են նաև 1298 թվականին։

Ամուդանը վերջնականապես ավերվել և լքվել է 15-16-րդ դարերում։ Ավերակները թուրքական նվաճողներն անվանում են Հեմեդիեկալեսի։

Գրականություն

• Ալիշան Ղևոնդ, Սիսուան, Վենետիկ, 1885։