Թամար Դեմուրյան

Թամար Դեմուրյան
Ծնվել է	1912 նոյեմբերի 26
Ծննդավայր	Մոզդոկ
Մահացել է	փետրվարի 14, 2000(2000-02-14) (տարիքը 87)
Մահվան վայր	Երևան
Կրթություն	Երևանի Կոմիտասի անվան պետական կոնսերվատորիա և Մոսկվայի հայկական դրամատիկական ստուդիա (1937)
Քաղաքացիություն	Ռուսական կայսրություն,  ԽՍՀՄ և  Հայաստան
Ազգություն	հայ
Մասնագիտություն	դերասանուհի ասմունքող
Ընտրանի	Մսյո Ժակը և ուրիշները և Լալվարի որսկանը
Ծնողներ	հայր՝ Ստեփան Դեմուրյան
Պարգևներ և մրցանակներ

Թամար Ստեփանի Դեմուրյան (1912, նոյեմբերի 26, Մոզդոկ - 2000, փետրվարի 14, Երևան), հայ դերասանուհի, ասմունքող։ ՀԽՍՀ վաստակավոր արտիստ (1965)։

Կոմպոզիտոր, երգիչ Ստեփան Դեմուրյանի դուստրը։

Կենսագրություն

Թամար Դեմուրյանը ծնվել է Ռուսաստանի Մոզդոկ քաղաքում։ 1934 թվականին ավարտել է Երևանի Կոմիտասի անվան պետական կոնսերվատորիան, 1937 թվականին՝ Մոսկվայի հայկական թատերական ստուդիան։ 1937-1944 թվականներին եղել է Երևանի Գաբրիել Սունդուկյանի անվան ազգային ակադեմիական թատրոնի դերասանուհի, 1944 թվականից՝ Հայֆիլհարմոնիայի մենակատար, ասմունքող, հանդես է եկել Թաթուլ Ալթունյանի անվան Հայաստանի երգի-պարի պետական համույթում։

Դերեր

Լավագույն կատարումներով աչքի է ընկել հատկապես ասմունքի բնագավառում։ Հեղինակել է մի շարք կոմպոզիցիաներ։

Ներկայացումներ

• Սանդուխտ՝ Հակոբ Պարոնյանի «Մեծապատիվ մուրացկաններ»
• Պարտիզանուհի՝ Գեղամ Սարյանի «Անտառի խորքում»
• Ֆիամեր՝ Կ.Գոլդոնիի «Մրցանակով հարսանիք»

Ֆիլմեր

• Թագուհի՝ «Մսյո Ժակը և ուրիշները»
• Կարոյի մայրը՝ «Լալվարի որսկանը»