Գաբրիել Ավետիքյան

Գաբրիել Ավետիքյան
Ծնվել է	սեպտեմբերի 19, 1750(1750-09-19)
Ծննդավայր	Ստամբուլ, Օսմանյան կայսրություն
Մահացել է	դեկտեմբերի 24, 1827(1827-12-24) (77 տարեկան)
Մահվան վայր	Վենետիկ, Ավստրիական կայսրություն
Քաղաքացիություն	Վենետիկի հանրապետություն
Ազգություն	հայ
Մասնագիտություն	լեզվաբան, բառարանագիր, բանասեր, աստվածաբան և քերական
Gabriel Avetikyan Վիքիպահեստում

Գաբրիել Ավետիքյան (1750 - 1827), հայ բանասեր, Մխիթարյան միաբանության անդամ։

Կենսագրություն

Ծնվել է Կ. Պոլսում։ Փոքր հասակից տեղափոխվել է Վենետիկ, սովորել Մխիթարյաննների վարժարանում, ընդունել հոգևորականի կոչում, վարել վարչական մի շարք պաշտոններ։

Նրա առաջին աշխատությունը լույս է տեսել 1792 թվականին՝ «Քերականութիւն Թոսքանական լեզուի»։ Ապա միմյանց հետևից հրատարակել է «Մեկնութիւն չորեքտասան թղթոց Երանելւոյն Պողոսի առաքելոյն» (1806), «Բացատրութիւն շարականաց» (1814), «Քերականութիւն հայկական» (1815), «Տեսարանք, արարեալ աշխարհօրէն ոճով» (դասագիրք, 1816), «Քերականութիւն համառօտ» (1818, 1823), «պատարագամատոյց հայոց» (հայերեն և լատիներեն, 1823), ինչպես և կրոնական մի քանի գրքեր։ Մասնակցել է «Նոր բառգիրք հայկազեան լեզուի» բառարանի ստեղծմանը, գրելով ամբողջ Ա տառը։ Կատարել է թարգմանություններ, մեծ մասամբ կրոնական բովանդակությամբ։ Հրատարակել է Գրիգոր Նարեկացու «Նարեկը», նաև նրա բացատրությունը՝ «Նարեկլուծը»։