Աբու Մուսլիմ աթ-Թուրքմանի

ԻԼԻՊ-ի ղեկավարներից աթ-Թուրքմանին

Աբու Մուսլիմ աթ–Թուրքմանի — էթնիկ թուրքոման կամ թուրքմեն: Իսկական անունը` ալ-Հիյալի: Ծառայել է Սադամ Հուսեյնի օրոք իրաքյան բանակի հատուկ նշանակության ընտրազորում` Իրաքի Հատուկ Հանրապետական գվարդիայում: ԱՄՆ-ի զորքերի Իրաք ներխուժումից հետո, ալ-Թուրքմանին զորացրվել է բանակից եւ բանտարկվել Քեմփ-Բուկկայում, որտեղ պահվում էին Սադդամ Հուսեյնի բանակի շատ այլ նախկին սպաներ, որոնք հետագայում դարձան Իրաքի և Լևանտի իսլամական պետության` ԻԼԻՊ-ի գրոհայիններ: Բանտից ազատվելուց հետո, ալ-Թուրքմանին միացել է ԻԼԻՊ-ին եւ դարձել նրա ղեկավարի` խալիֆ Աբու Բաքր ալ-Բաղդադիի տեղակալը և փոխարքան Իրաքում: Նա ԻԼԻՊ-ի «ստվերային առաջնորդներից» մեկն է, որը նշանակում եւ հանում է Իսլամական պետության վիլայեթների մարզպետներին: