Լևոն Իսահակյան

Լևոն Իսահակյան
Պատկեր:Levon Isahakyan.jpg
Ծնվել է	ապրիլի 15, 1908
Ծննդավայր	Ալեքսանդրոպոլ, Ռուսական կայսրություն
Մահացել է	մարտի 3, 2010
Մահվան վայր	Երևան, Հայաստան
Կրթություն	Երևանի պետական գեղարվեստա-թատերական ինստիտուտ (1952)
Քաղաքացիություն	ԽՍՀՄ և  Հայաստան
Գործունեության տարիներ	1931-1978
Ազգություն	հայ
Մասնագիտացում	կինոռեժիսոր սցենարիստ դերասան
Պարգևներ	և
IMDb	ID ID 1136557

Լևոն Գևորգի Իսահակյան (ապրիլի 15, 1908, Ալեքսանդրոպոլ, Ռուսական կայսրություն - մարտի 3, 2010), խորհրդային հայ անվանի կինոռեժիսոր, սցենարիստ և դերասան, ՀԽՍՀ արվեստի վաստակավոր գործիչ։ Մինչ մահը համարվում էր աշխարհի ամենատարեց կինոռեժիսորը։

Կենսագրություն

Լևոն Իսահակյանը ծնվել է 1908 թվականին Ալեքսանդրոպոլ քաղաքում (այժմ՝ Գյումրի)։ Ընդունվում է Երևանի գեղարվեստա-թատերական ինստիտուտը և էքստերն կարգով ավարտում թատերագիտական ֆակուլտետը։ Երկու տարի անց հանդիպում է ռեժիսոր Իվան Պերեստիանիի հետ, ով այդ ժամանակ աշխատում էր Հովհաննես Թումանյանի «Անուշ» պոեմի էկրանավորման վրա։ Փորձնական նկարահանումներից հետո Իսահակյանին հաստատեցին գլխավոր հերոսի՝ Մոսիի դերում։ Ավելի ուշ նա նկարահանվեց ևս 2 ֆիլմերում։ 1937 թվականին եղել է ռեժիսոր Ամասի Մարտիրոսյանի օգնականը «Սևանի ձկնորսները» ֆիլմում։ Նկարահանումների ժամանակ Լևոնին ձերբակալեցին, որից հետո նա սկսեց զբաղվել փաստագրական ֆիլմերով՝ նկարահանելով «Պուշկինյան օրերը Հայաստանում» և «Հայկական պղինձ» ֆիլմերը։ 1939 թվականին Երևանում հիմնեց կրկնօրինակման ստուդիա։ Հայրենական Մեծ պատերազմի ժամանակ Իսահակյանը կազմում էր ռազմական գործողությունների ժամանակագրությունը։ Պատերազմից հետո՝ 1946 թվականին, Լևոնն սկսեց աշխատել «Հայրենի երկիր» փաստագրական ֆիլմի վրա, որտեղ օգտագործվեցին Արևմտյան Հայաստանի՝ 1915 թվականի կինոժամանակագրությունից կադրեր և բարձրացվեց Հայոց ցեղասպանության հարցը։ Ֆիլմի վրա Լևոնն աշխատել է Ալեքսանդր Դովժենկոյի հետ, ով ֆիլմի գեղարվեստական ղեկավարն էր և սցենարիստը։

1949-1953 թվականներին Իսահակյանը եղել է ՀԽՍՀ կինեմատոգրաֆի փոխնախարարը։ Ավելի ուշ դարձավ Հայֆիլմի ռեժիսորը։ 1963 թվականին նկարահանեց «Ճանապարհ դեպի արենա» «տխուր ծաղրածու»՝ Լեոնիդ Ենգիբարյանի մասին։ Այդ ֆիլմը հայկական կինեմատոգրաֆում դարձավ առաջին գունավոր գեղարվեստական ֆիլմը և ավելի ուշ մտավ Հայֆիլմի «ոսկե հավաքածու»-ի մեջ։

Մրցանակներ և պարգևներ

2003 թվականին Լևոն Իսահակյանը պարգևատրվեց «Գոլոս Արմենիի» թերթի մեդալով՝ «սոցիալ-հասարակական կյանքում ակտիվ գործունեության և պետականության ամրապնդման համար»։ Ավելի ուշ ստացավ «Ոսկե ծիրան» միջազգային կինոփառատոնի դիպլոմ՝ «արգասաբեր գործունեության համար»։ Ստացել է նաև «Հայֆիլմ-80» մեդալ, իսկ ռեժիսորի 100-ամյակի կապակցությամբ Ազգային կինոարխիվի նախաձեռնությամբ լույս տեսավ թվայնացված «Հայրենի երկիր» ֆիլմը։

Ֆիլմագրություն

Ռեժիսոր

Տարեթիվ	Ֆիլմեր
1990	Երջանկություն
1989	Հասարակ պարտականություն
1989	Սովորական հերթապահություն
1988	Հարվածին ընդառաջ
1988	При ударе
1987	Դժբախտ պատահար
1987	Վթար
1989	Երեք ոսկե սկզբունք
1982	Ինչպե՞ս պատահեց
1980	Լիրիկական քայլերթ
1970	2-Լեոնիդ-2
1963	Ճանապարհ դեպի կրկես
1959	Ցատկ անդնդի վրայով
1957	Ո՞ւմ է ժպտում կյանքը
1956	Դարեր և տարիներ
1954	Հայկական կինոհամերգ
1950	Սովետական Հայաստան
1946	Ասք ջրի մասին
1945	Հայրենի երկիր
1941	Հրդեհ անտառում
1940	Ուրախության երկիրը

Սցենարիստ

Տարեթիվ	Ֆիլմ
1990	Երջանկություն
1941	Խորհրդային լեզվի դաս
1937	Պուշկինյան օրերը Հայաստանում

Խաղացած դերերը կինոյում

Տարեթիվ	Ֆիլմ	Դեր
1991	Ապստամբե՛ք, քաղաք, կոմս
1932	Պարտված վիշապները	գյուղացի
1930	Անուշ	Մոսի

Արտաքին հղումներ

• Հոդված «Ազգ» օրաթերթում Լևոն Իսահակյանի մասին
• Լևոն Իսահակյանի մասին kino-teatr.ru կայքում
• «За плечами целый век» (ռուսերեն). Еркрамас. Արխիվացված է օրիգինալից 2012-05-13-ին. Վերցված է 2011-04-12-ին.