Պավել Անանիկյան

Պավել Պետրոսի Անանիկյան
Ծնվել է	մայիսի 7, 1930 (93 տարեկան)
Ծննդավայր	Երևան
Մահացել է	դեկտեմբերի 3, 2018(2018-12-03) (88 տարեկան)
Մահվան վայր	Երևան, Հայաստան
Քաղաքացիություն	Հայաստան
Ազգություն	հայ
Կրթություն	Երևանի բժշկական ինստիտուտ
Մասնագիտություն	բժիշկ, վիրաբույժ
Կոչում	Պրոֆեսոր
Գիտական աստիճան	բժշկական գիտությունների դոկտոր (1968) և պրոֆեսոր (1970)
Ուսուցիչ	Իվան Գևորգյան
Աշխատավայր	Երևանի Մխիթար Հերացու անվան Պետական Բժշկական Համալսարան
Անդամակցություն	Հայաստանի նկարիչների միություն և ՀԳՄ
Ամուսին	Էլմիրա Գևորգյան
Զավակներ	Պետրոս Անանիկյան
Պարգևներ	և Հայաստանի Հանրապետության գիտության վաստակավոր գործիչ

Պավել Պետրոսի Անանիկյան (մայիսի 7, 1930, Երևան), հայ բժիշկ, վիրաբույժ։ Բժշկական գիտությունների դոկտոր (1968), պրոֆեսոր (1970)։ Հայաստանի նկարիչների, գրողների միության անդամ: ՀՀ գիտության վաստակավոր գործիչ: Բժշկական գիտությունների ակադեմիայի իսկական անդամ: Հայաստանի վիրաբուժական գիտությունների ակադեմիայի նախագահ:

Կենսագրություն

1955 թվականին ավարտել է Երևանի բժշկական ինստիտուտի բուժա-պրոֆիլակտիկայի ֆակուլտետը: Անանիկյանի ուսուցիչներն են եղել վիրաբույժներ Իվան Գևորգյանը, Ս. Գալստյանը: Ինստիտուտն ավարտելուց հետո աշխատել է Կենտրոնական հանրապետական հիվանդանոցում, եղել է վիրաբուժական բաժնի վարիչ: 1963 թվականից աշխատում է Երևանի բժշկական ինստիտուտի ընդհանուր վիրաբուժության ամբիոնում: 1976-2000 թվականներին եղել է ամբիոնի վարիչ, 1976-1998 թվականներին՝ Երևանի գլխավոր վիրաբույժ, «Երկիր Նաիրի» հասարակական բարեգործական ասոցացիայի նախագահ:

1988 թվականից Կրծքասրտային վիրաբույժների եվրոպական ընկերակցության անդամ է, 1968 թվականից՝ ԽՍՀՄ ԲՈՀ Վիրաբույժների մասնագիտացված խորհրդի անդամ, բժշկական գիտությունների ակադեմիայի իսկական անդամ, Ռուսական բժշկա-տեխնիկական ակադեմիայի իսկական անդամ, Էկոլոգիայի և անվտանգության միջազգային ակադեմիայի իսկական անդամ, Հայաստանի նկարիչների միության անդամ, Հայաստանի գրողների պատվավոր անդամ:

Ստեղծագործություններ և ճանաչում

Աշխատանքները վերաբերում են սիրտանոթային վիրաբուժությանը: Մշակել է ստամոքս-տասներկումատնյա աղիքային արյունահոսությունների բուժման եղանակներ, ինչպես նաև պարբերական հիվանդության, լեղապարկի բորբոքման ախտորոշման, կլինիկայի, վիրաբուժության հարցերը: Առաջարկել է լեղապարկի սուր և քրոնիկ. բորբոքման բուժման միասնական եղանակ: Անանիկյանը համարվում է ՀԽՍՀ-ում անոթային վիրաբուժության հիմնադիրներից: Հեղինակ է շուրջ 500 հրատարակումների, 13 մենագրության և 3 դասագրքի:

Պարգևներ

• ՀՀ Մխիթար Հերացու մեդալ
• Մոսկովյան Մանեժի խոշոր Համախորհրդային ցուցահանդեսի դիպլոմ
• ՀՀ գիտության վաստակավոր գործիչ

Մեջբերումներ Պավել Անանիկյանից

Բոլոր այն երիտասարդները, ովքեր ցանակնում են բժիշկ դառնալ, չպետք է մոռանան, որ այս մասնագիտությունը չեն ընտրում միայն լսելով. պետք է սիրել այն, լինել պարտաճանաչ և նվիրված:

Բժիշկ-նկարիչը

Նկարել է փոքր հասակից, ավելի լրջորեն նկարչությանը մոտեցել է 50 տարեկան հասակում: Ինքնուս նկարիչ է: Նկաարում է դիմանկարներ, Արարատ լեռը: Նրա նկարները ցուցադրում են Տաղքենդում՝ ԱՊՀ երկրների նկարիչների ցուցասրահում: Նրա նկարների հավաքածուն հրատարակվել է մեծ տպաքանակով:

Ընտանիք

• Կինը՝ Էլմիրա Գևորգյան, նյարդախտաբան, ՀՀ վաստակավոր բժիշկ
• Դուստրը՝ Անահիտ Գևորգյան, հոգեբույժ
  • Անահիտի դուստրը՝ Աննան, հոգեբույժ է
• Որդին` վիրաբույժ Պետրոս Անանիկյան
  • Պետրոսի որդին` Պավել Անանիկյան կրտսերը, բժիշկ-իրավաբան

Երկեր

• Լիմֆոգրաֆիան ստորին վերջույթների երակային հիվանդությունների ախտորոշման և բուժման մեջ, Ե., 1982 (համահեղինակ):
• Վիրաբույժի զրույցներ, Ե., 1988:
• Ապենդիցիտ, Ե., 1998:
• Аортоартериография в диагностике атеросклероза брюшной аорты и ее ветвей, Е. 1966 (համահեղինակ).

Գրականություն

• Айриян А. П. Армянские учёные-медики. - Ер., 1998 - 276 с.
• Ноев Ковчег. Информационно-аналитическая газета армянской диаспоры стран СНГ. N 6 (64) Июль 2003 года; N 8 (66) Сентябрь 2003 года.