Կալիֆորնիայի համալսարան Բերկլի քաղաքում (Բերկլիի Կալիֆորնիայի համալսարան, անգլ.՝ University of California, Berkeley, UC Berkeley)[21], հետազոտական համալսարան, որը գտնվում է Կալիֆորնիա նահանգի Բերկլի շրջանում։ Համալսարանը ըստ «Times Higher Education World University Rankings»-ի համարվում է վեց համալսարաններից մեկը, որը գլխավորում է 2015 թվականի համաշխարհային համբավի վարկանշային աղյուսակում։[22] Նաև համալսարանը երրորդն է «U.S. News»-ի 2015 թվականի լավագուն համաշխարհային համալսարանների վարկանշային աղյուսակում, որը ներառում է մի շարք համալսարաններ ԱՄՆ-ից և այլ 50 երկրներից։[23]« Academic Ranking of World Universities (ARWU)» դասակարգել է Բերկլիի կալիֆորնյան համալսարանը որպես չորրորդը ամբողջ աշխարհում։
Համալսարանի դասախոսական կազմը, շրջանավարտները և հետազոտողները նվաճել են 72 Նոբելյան մրցանակ, 9 Ուոլֆի մրցանակ, 7 Ֆիլդի մեդալ, 18 Թյուրինգի մրցանակ, 45 ՄակԱրթուրի կրթաթոշակ[24], 20 Օսկար, 11 Պուլիտցերյան մրցանակ։ Մինչ օրս Բերկլիի կալիֆորնյան համալսարանի գիտնականները հայտնաբերել են պարբերական համակարգի վեց քիմիական տարր (կալիֆորնիում, սեաբորգիում, բերկելիում, էյնշտեյնիում, ֆերմիում, լաուրենցիում)։ Բերկլիի լաբորատորիայի հետ համատեղ Բերկլիի համալսարանի գիտահետազոտողները հայտնաբերել են ընդհանուր 16 քիմիական տարր, ավելի քան այլ համալսարան աշխարհում։[25] Բերկլիի ֆիզիկոս Ջ․ Ռոբերտ Օփենհեյմերը Մանհեթենյան նախագծի գիտական տնօրենն էր, ով զարգացրեց առաջին ատոմային ռումբը աշխարհում, որի կենտրոնակայանը նա անձամբ նշանակեց Լոս Ալամոսը, Նյու Մեքսիկոներկրորդ համաշխարհային պատերազմի ժամանակ։ Դասախոսական կազմի անդամ Էդուարդ Թելլերը (Ստանիսլավ Ուլամի հետ միասին) ջրածնային ռումբի հայրն էր։