Ասքանազ Մռավյան

Ասքանազ Մռավյան (դեկտեմբերի 21, 1885, Ելիզավետպոլ (Գանձակ) - հոկտեմբերի 23, 1929, Երևան), կուսակցական և պետական գործիչ։

Կենսագրություն

1915 թվականին ավարտել է Սանկտ Պետերբուրգի հոգենևրոլոգիական ինստիտուտը։ 1915-1917 թվականներին եղել է բոլշևիկյան «Պայքար» թերթի խմբագիրը։ 1917 թվականին խմբագրել է «Բանվորի կռիվ» թերթը։ 1920 թվականի նոյեմբերին եղել է ՀՍԽՀ հեղկոմի կազմում, 1921-1923 թվականներին եղել է ՀՍԽՀ Արտաքին գործերի ժողովրդական կոմիսար, որի առաջին տարում հանդիսացել է Կարսի պայմանագրի ստորագրողներից մեկը։ 1923-1929 թվականներին եղել է լուսավորության ժողկոմ և ՀՍԽՀ Ժողկոմխորհի նախագահի տեղակալ, միաժամանակ եղել է «Սովետական հայաստան» թերթի խմբագիրը։ Եղել է ԽՍՀՄ Կենտրոնական Գործադիր Կոմիտեի անդամ։