Էրեբունի պատմահնագիտական արգելոց-թանգարան

Էրեբունի թանգարան
Տեսակ	թանգարան
Երկիր	Հայաստան
Տեղագրություն	Երևան, Հայաստան
Վայր	Երևան
Հասցե	Երևան, Էրեբունի փողոց 38
Հիմնադրվել է	1968
Տնօրեն	Գագիկ Գյուրջյան
Կայք	erebuni.am

Էրեբունի թանգարան, հիմնվել է 1968 թվականին։ Թանգարանի բացումը համընկել է Երևան քաղաքի 2750-րդ ամյակի տոնակատարությունների հետ։ Թանգարանը գտնվում է Արին Բերդ բլրի վրա, մի վայրում, որտեղ մ․թ․ա․ 782-ին հիմնվել է ուրարտական Էրեբունի ամրոցը։

Պատմական ակնարկ

Երևանի հիմնադրման պատմության «Էրեբունի» թանգարանը ստեղծվել է ՀՀ Կառավարության 1968 թ. մայիսի 24-ի թիվ 225 որոշմամբ, որի համար գիտական հիմք են հանդիսացել Երևան քաղաքի վարչական սահմաններում գտնվող նշանավոր 3 հնավայրերից՝ Արին բերդից, Կարմիր բլուրից և Շենգավիթից հայտնաբերված գտածոները։ Հանրության առջև թանգարանն իր դռները բացել է 1968 թ. հոկտեմբերի 19-ին՝ ի նշանավորումն Երևան քաղաքի 2750-րդ տարեդարձի։ Այնուհետև ՀՀ Կառավարության 2003թ. մարտի 7-ի N 313-Ն որոշմամբ՝ վերանվանվելով որպես պատմահնագիտական արգելոց-թանգարան, Էրեբունին այսօր գործում է «Կարմիր բլուր» և «Շենգավիթ» մասնաճյուղերով՝ հանդիսանալով հանրության համար այցելելի միակ հնագիտական արգելոց-թանգարանը Երևան քաղաքում և կարևոր ուրարտագիտական կենտրոն տարածաշրջանում։ Թանգարանի շենքը կրկնում է ուրարտական պալատական կառույցների հորինվածքը՝ պահպանելով արտաքին խուլ պատերով ու երդիկավոր հարթ կտուրներով ներքին բակի շուրջ ամփոփված ժողովրդական բնակելի տան տրամաբանական սկզբունքը։ Նախագծի հեղինակներն են ճարտարապետներ Շմավոն Ազատյանն ու Բաղդասար Արզումանյանը, քանդակագործը՝ ՀԽՍՀ ժողովրդական նկարիչ Արա Հարությունյանը։

Հավաքածու

«Էրեբունի» պատմահնագիտական արգելոց-թանգարանի թանգարանային հավաքածուն կազմում են Արին բերդ, Կարմիր բլուր, Շենգավիթ հնավայրերից, ինչպես նաև Հայաստանի տարբեր շրջաններից դիպվածով կամ պարբերաբար իրականացվող պեղումներից հայտնաբերված նախաուրարտական, ուրարտական, աքեմենյան, հելլենիստական և վաղ հայկական ժամանակաշրջաններին վերաբերող 11295 հնագիտական առարկաները՝ խմբավորված 128 հավաքածուներում. այդ թվում`

• 64 հավաքածու` Արին բերդից հայտնաբերված գտածոներ
• 11 հավաքածու` Կարմիր բլուրից հայտնաբերված գտածոներ
• 18 հավաքածու` Շենգավիթից հայտնաբերված գտածոներ
• 35 հավաքածու` Երևան քաղաքից և Հայաստանի Վայոց ձոր, Գեղարքունիք, Տավուշ, Լոռի, Շիրակ, Կոտայք մարզերից հայտնաբերված գտածոներ

Պատկերասրահ

• 
• 
• 
• 
  Թանգարանի ճարտարապետ Բաղդասար Արզումանյանի լուսանկարը
• 
• 
• 
• 
• 
• 
• 

Տես նաև

• Ուրարտական մշակույթ

Արտաքին հղումներ

• «Էրեբունի» պատմահնագիտական արգելոց-թանգարանի կայք

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Էրեբունի պատմահնագիտական արգելոց-թանգարան կատեգորիայում։