Վիքիպեդիա:Ջնջման կանոնակարգ

Այս էջը Հայերեն Վիքիպեդիայի կանոնակարգերից և ուղեցույցներից մեկն է, որի նպատակն է օգնել Վիքիպեդիայի համայնքին գործելու համաձայնեցված կերպով՝ ըստ քննարկումների արդյունքում ձեռք բերված պայմանավորվածությունների։ Ուստի կարևոր է էջում փոփոխություն անելուց առաջ խորհրդակցել քննարկման էջում կամ Խորհրդարանում։

Վիքիփեդիայի Ջնջման կանոնակարգը նկարագրում է այն ընթացակարգը, որով հեռացվում են Վիքիփեդիայի որակի չափանիշներին չհամապատասխանող էջերը (հոդվածներ, կատեգորիաներ, կաղապարներ և պատկերներ)։ Այն գոդվածները, որոնք ունեն անհեթեթ բովանդակություն կամ բոլորովին դատարկ են, կարող են անմիջապես ջնջվել։ Մյուս դեպքերում, հոդվածները ջնջվում են Վիքիփեդիայի համայնքի համաձայնությամբ։

Ջնջման պատճառներ

Վիքի-էջերը կարող են ջնջման ներկայացվել հետևյալ դեպքերում.

• հեղինակային իրավունքների խախտում
• գովազդային կամ ոչ չեզոք տեսանկյուն
• վստահելի աղբյուրների բացակայություն
• ոչ նշանակալի բովանդակություն
• չափազանց կարճ բովանդակություն
• չոգտագործվող և ոչ պիտանի կաղապարներ կամ կատեգորիաներ
• կրկնակի կամ չգործածվող կաղապարներ, կատեգորիաներ և պատկերներ

Արագ ջնջում

Վիքի էջերը կարող են արագ ջնջման ներկայացվել հետևյալ դեպքերում.

• անհեթեթ բովանդակությամբ կամ դատարկ էջեր
• տառասխալով կամ այլ կերպ սխալ անվանմամբ վերահղումներ