Գիշերային ակումբ

Ակումբային տիպիկ միջավայր

Գիշերային ակումբ, դիսկոտեկ, կամ պարզապես` ակումբ, հասարակական հաստատություն` նախատեսված մարդկանց լիցքաթափման և ժամանցի համար։ Գիշերային ակումբը բարերից ու պանդոկներից տարբերվում է այն հանգամանքով, որ ունի նաև պարահրապարակ և դիջեյի խցիկ, որտեղից դիջեյը հզոր ձայնահամակարգի միջոցով տարածում է երաժշտությունը, որոնք հիմնականում լինում են էլեկտրո, ռեգգի, հիփ հոփ, ռոք ոճերում և դրանց ենթաոճերում։ Որոշ ակումբներ էլ իրենց հերթին առանձնանում են միայն մեկ երաժշտական ժանրի մեջ։ Բացի ձայնագրված երաժշտություններից ակումբներում կարող են նաև ելույթ ունենալ երաժիշտները` իրենց կենդանի կատարումներով։

Ակումբներում կարող են գործել այսպես կոչված ֆեյս կոնտրոլ և դրես կոդ համակարգերը, որոնք սահմանափակում են տարբեր արտաքին տվյալները կամ հագուստային պահանջները չբավարարող անձանց մուտքն ակումբ։

Ակումբներում շատ հաճախ տարբեր առիթներով կազմակերպվում են որոշակի բովանդակություններով երեկույթներ (փարթիներ)։